مًلَجّـأّ عٌبًأّدٍ ♡

الڪتماטּ!‼️

يـا عَـلي مَـدد يـازَهـࢪاء سَـند..
كلام اليوم بعنوان الكتمان:
الكتمان تأثيره كلش قوي ع الأنسان
ح يأذي نفسيتكم من ناحية الصحة وغيرها..
بسس اكو حَـل؟
الحل انو تكتبون رسالة لصاحب الزمان او لأي امام مقرب الكم
تكتبون كلشي كلشي بداخلكم
ومترجعون تقرأوها..
بينما من تروحين وتحجين لصديقتج والله شنو هي تفهمني؟
عزيزتي ماكو شخص يفهمج بهل دنيا لتتوقعون اكو شخص يفهمكم
الي بداخلكم محد يحس بي بس الي خلقكم
ليش تلتجأون للناس؟ بدل متلجأون للي خلق هل ناس!!!
زين فضفضتي لصديقتج شسوتلج؟ شالت همج؟ ساعدتج وهي بعيدة؟شسوت؟
كل شخص وعنده هموم تكفي وتوفي
وع فكرة لو كانت صديقتج وياج سنين ح تجي يوم وتعيرج بالي تسولفينه الها
لتگليلي متسسوي بَلي تسوي
بسهولة تحجين مثلاً عن موضوع مأذيج
ح تجي يوم وتذكرج بي حتلو بدون قصد منها بس ح تحز بخاطرج وتندمين لان حجيتيلها
ف مح تستفادين اذا حجيتي لصديقتج ابدًا

لأمج اي عادي لأختج الجبيرة عادي ليش؟ لان ينطنج نصائح وطرائق ويوكفن وياج ويسندنج
وسرچ ثم سرچ ثم سرچ
ضمي ببطنج لتگولين لصديقتج ماكو صديقةةةة بهل وقتتت
فقط امج هي الصديقة ومن ينكشف السر لاسامح الله هي تساعدج وتكون بصفج مو صديقتج الي ح تعوفج اصلا

ف دائما خلوها ببالكم لتفضفضون للمخلوق لان مح يسويلكم شي
فضفضو لربكم لأمام زمانكم اعظم واحسن
ح يساعدوكم بكل خطوة
كذالك امكم او اختكم فقطططط....وشغلة ثانية
كلشي بوقته حلو كلشي عيشنه
الحزن عيشنه ولتضمنه ابددا لا احزنن حتى ميأثر عليجن بالمستقبل
ابچن عادي مو عيب البچي يريح
بس لتبقن هوايي حزينات ميفيد الحزن لو فاد جان فاد اهل الگبور🙂
ف ابجن وفضفضن لربجن وصيحن وصرخن
بس كلشي بوقته
خلصتي من الحزن تروحين تعدلين نفسج
تتمكيجين (بالبيت طبعا) تبدلين تعتنين ببشرتج تتابعين فلم تطبخين اكلاتج المفضلة
تسوين آيس كووفي
وغيرها وغيرها
لتخلين نفسج دوم بقوقعة الحزن لا سوي اجواء لـ نفسچ لان تستحقين تكونين انسانة سعيدة بحياتها.
انتِ ك انسانة واجهتي هواي صعوبات بحياتج وتعديتيهن بفضل الله، واهل البيت طبعًا ف تستحقين السعادة

سون شي زين بحياتچن، من ناحية الأمور الدينية والأخلاقية، الثقافية
ودراستجن كذالك اهتمن بيها
وغيرها من الأمور..الي تفيدجن بالمستقبل تمام؟

ويارب التوفييييق الدائمممتدرون اعظم شي شنو؟
من تروحين لأمج وتحجيلها وتبچين بحضنها وتطبطب عليچ وتكلچ ميخالف يُمه الله ميعوفنا
الصراحة مجربة هل شعور بس قليل لان من نوع الي صح ضاربه ميانه وياها بس استحي بأمور العاطفة🥲😂💔

جـديده عليڪم

بـقـلـم تبـارڪ

حــيــثُ لـــ دࢪة المهدي