حاره الصابرين

الفصل الثالث

الحلقه الثالثه حارة الصابرين
_____________________________
جلس طاهر امام منزل والده، واخذ يبكى بقهر شديد
قائلا:
-أمى ليه مشيتى تعالى امى احضنينى
استمعت زوجه والده لنواحه فا فتحت الباب، وصرخت به قائله بغضب شديد:
-انت لسه هنا يا مخفى الاسم ما تغور بقى بدل ما اجيب الزباله ادلقها عليك، والله لو فضلت مكانك. ثانيه واحده لا اكون مغرقاك ميه وسخه
ما ان استمع لحديثها نهض، واسرع مبتعدا، وهو يبكى بقهرة
من الظلم الذى تعرض له
اخذ يركض بالطرقات الى ان وصل الى امام منزل
سميحه فجلس على الارض يضم ركبتيه بيديه، وهو يبكى
بحرقه شديده اخذ يبكى حتى غلبه النعاس
ماكادت سميحه تتقدم الى داخل المنزل
هيا، وأسامه لفت انتباهها  ذلك الشاب الذى يستلقى امام مدخل المنزل
اسرع اليه أسامه ما ان شاهده ينام على
الارض ليوقظه
وبخته سميحه قائله بحده:
- أسامه، وبعدين معاك انا مش حذرتك قبل كده، وقولتلك تبعد عنه انت ليه مش بتسمع كلامى؟
نظر اليها اسامه قائلا برجاء شديد:
-حرام يا موحه انت مش شايفه حالته عامله ازاى انا حاسس
انه كويس بس  فيه حاجه حصلتله خلته عامل كده
ارجوكى يا سميحه سبينى اساعده انا دايما بسمع كلامك
بعدين حرام شكله تعبان، وجعان، وكمان ملوش حد
استجابت لحديثه قائله بنفاذ صبر:
-ماشى يا أسامه طيب ها تخليه يقعد فين بشكله ده
اخذ اسامه يفكر قليلا:
-بصى انا ها احاول اساعده انه يتعلم ينضف نفسه، ونشوفله اى لبس. قديم عندنا يلبسه،ونخليه يأكل
انا متأكديا موحه انه لولقى حد  يعطف عليه
ها يتحسن، وحالته هاتبقى كويسه
رفعت يدها بأستسلام قائله:
-طيب يا اسامه لما نشوف اخرتها انت خده فوق على الاوضه الى بالسطوح انا كده كده كنت مأجراها اربى فيها شويه فراخ، وبط
ها اطلعله لحاف، ومخده ينام عليهم وها اجهز الاكل على ما تطلعه
أسرع ليحتضن شقيقته بحب كبير قائلا:
-ربنا يخليكى ياموحه اناكنت عارف ان قلبك طيب، ومش ها يهون عليكى انك اتسبيه كده.
تركته سميحه ليوقظه ثم ذهبت لتبدل ملابسه، وتعد الطعام، وتخرج الاشياء التى اخبرت شقيقها عنها
اقترب اسامه من طاهر، واخذ يوقظه برفق شديد قائلا:
-اصحى يلا قوم علشان تطلع معايا فوق

ما ان شاهده طاهرهلل بسعادة شديدة قائلا:
صاحبى كنت فين؟
ربت  اسامه على كتفه قائلابود:
-كان عندى مدرسه، ولسه راجع  صمت قلبلا ثم حدثه قائلا بتساؤل:
الا قولى انت اسمك ايه مش معقول تبقى صاحبى، وما اعرفش اسمك
-اجابه طاهر،وهو يصقف بيديه الاثنين قائلا بسعاده شدبده:
-انا طاهر
امسك اسامه بيده، وصعد به لأعلى كما اخبرته شقيقته
_______________________________
جلست نوسه امام محل الجزارة الخاص بها، واخذت تفكر بعز، وبما اصابه، وعزمت ان تعلم ماذا اصابه فربما تتمكن من تقديم المساعده له
حين لاحظ زقلط انها شارده منذ مده طويله حتى انه تحدث اليها، ولم تجيبه مما جعله يربت على يدها بود قائلا:
-مالك يامعلمه ايه الى شغلك قوى كده؟! ده حتى انا بكلمك بقالى مده، وانت مش هنا خالص
اطلقت تنهيده حارة، واجابته قائله:
-موضوع عز ده شاغلنى قوى، وصعبان عليا انا بس عايزة اعرف ايه سبب الى جراله؟
زقلط بود:
-انا سمعت كده طراطيش كلام ان كل اصحابه اتخلوا عنه، ولا حد رضى يشاركه او يشغله معاه
حزنت نوسه على ما حدث له، فتركت المحل لزقلط بعد ان اوصته ان ينتبه له جيدا لحين عودتها
بعد ان فكرت كثيرا فى هذاالامر قررت ان تعرض الامر على  عز فربما يستجيب لها وتتمكن من اقناعه
توجهت الى منزله طرقت الباب وانتظرت قليلا
الى ان فتحت لهاشقيقته الباب، ورحبت بها قائله بود شديد:
- اهلاوسهلايا معلمه نورتينا
نوسه بود شديد:
-تسلمى يارب ياست البنات ده نورك
اخبارالاستاذعزايه النهارده يارب يكون بخير
هنا بحزن شديد:
-عز مخرجش من اوضته من يوم ماتعب، وحتى
الاكل بياكله بالعافيه
حزنت نوسه للحاله التى وصل لهاعز
فحدثتها قائله بود:
-طيب ممكن اشوفه، واتكلم معاة شويه
اوصلتهاالى غرفته وتقدمت تسببقهاالى
الداخل 
ما ان دخلت الى الغرفه حدثت عزقائله بود:
- المعلمه نوسه جايه تتطمن عليك
اعتدل بجلسته، واشار لهنا ان تدخلها
تقدمت الى حيث يجلس حدثته قائله بود:
بقولك ايه يا استاذ عزانا مبحبش ارغى كثير ايه رأيك
تشتغل عندى بالمحل تمسكلى الحسابات، وها اعملك مرتب محترم.
صاح بها عز  قائلا:
- انا اسف مش بشتغل عند حد، وبعدين انا مش ها افهم فى الحسابات بتاعتك دى  انت ممكن تشوفى  حد غيرى
ييمسكهالك انا مش هاانفع بالشغل ده
نهضت نوسه بعد ان فشلت  فى اقناعه، وسارت متوجهه الى المحل، وهيا حزينه على  عز
بعد ان غادرت جلست هنا الى جوارة حدثته بهدوء قائله:
-ليه كدهياعز انت  عمرك ماكنت قليل الذوق كده الست جت لحد بيتك تعرض عليك شغل ليه رفضت، وكلمتها بالشكل ده؟
زفر عز بضيق شديد قائلا:
-مش عارف يا هنا كنت مخنوق، ومضايق، كمان انت عرفه ان اضايقت بسبب طريقتها معايا قبل كده
يمكن خنقه على زهق. على حاجات كثير خلتنى مش عارف انا بقول ايه
عموما انا ها اخرج شويه، وها اعدى عليها اعتذر لها
احتضنته شقيقته بود  شديد قائله:
-ربنا يهديك ياعز، وان شاء الله تلاقى شغل كويس
عز بود شديد:
-تسلميلى يا هنا عايزة حاجه اجيبهالك معايا، وانا جاى؟
هنا بحب شديد:
-عايزة سلامتك ياعز، وترجعلى بالسلامه، وياريت ماتزعلش نفسك انسى يا حبيب اختك، وان شاء الله كله هايتعوض
عز بود:
-ان شاء الله يا هنا يلا سلام  خدى بالك من نفسك
خرج عز  من المنزل، وهويتمنى ان يجد عمل
توجه الى حيث يوجد. محل نوسه، والقى السلام عليها قائلا:
-السلام عليكم، ورحمه الله
نوسه بجديه شديده:
-عليكم السلام، ورحمه الله أؤمرنى يا استاذ عز 
عز بحزن شديد.:
-انا جاى اعتذر لحضرتك انى احتديت عليكى النهارده، وردى كان قاسى شويه  حقك عليا
ابتسمت له نوسه بود قائله:
-الموضوع بسيط يا استاذ عز مش  مستاهله اعتذار
انا مقدرة الحاله الى كنت فيها انا صدقنى مش بعرض
عليك تشتغل عندى شفقه، ولا علشان أقلل منك
انا حقيقى محتاجه شخص أمين يمسكلى الحسابات
صمت عز قليلا ثم اجابه بحزم قائلا:
انا اسف اتمنى  تعفينى  بعد اذنك
جلست نوسه على مقعدها مرة اخرى، وامسكت بفنجان القهوة، واخذت ترتشف منه، وهيا تتمنى ان يغير رأيه
، ويوافق على العمل معها  فهيا لاتعلم لماذا ارتاحت له  لكن تتركه يبتعد هكذا سوف تبذل كل جهدها
لتجعله يوافق على العمل معها
_________________________________________