සපත්නීරෝෂයක් ( නන්ෆික්)

කටු පිටුව-0

"වැරදිකරුද? නිවැරදිකරුද?"

___________________________________

"ඉතින් මගෙ අක්කෙ , ගැහැනුන්ට විතරමද කැප, යශෝදරා මාතාව වන්දනා කරන්න."

"යශෝදරාවක්ව ජීවත් වෙන්න ගැහැනියක්ව උපදින්නම ඕනෙද!!!"

__________________________________

සපත්නීරෝෂයක් ඇති වුනේ නැතිද මගෙ මල්ලියෙ!!!

________________________________

සපත්නීරෝෂයක් නෑ මගෙ ලොවේ
පතිනියගේ සුවඳ ඔබෙ සුවඳ නොවේ
දෙපත් රෑනක් කළේ සාපයයි රුවේ
උදුරගත් හාදු සුව සිවිලිමේ මැවේ

සපත්නීරෝෂයක් නෑ කියා ස්ථිරද
ගඳපාන මලක් වුව සුවඳ බව දන්නවද
තුන්පතේ රෑනකට පියසමර කුමකටද
හාදු උදුරන්න බෑ දෙන දෙයක් දන්නවද

රාධා ක්‍රිෂ්ණා කියා ලීවාට ඉතිහාසෙ
ක්‍රිෂ්ණගේ පණ තිබුණෙ රුක්මණියගේ දෑසෙ
මරණීය රමණීය ශෘංගාර මදහාසෙ
වියැකෙනා දින ළඟයි ගණන් හදපන් අහසෙ

නීතියක් ඕනෙමද සංසාර ප්‍රේමයට
අත්සනට හිමිවේවි ඒ සිරුර සීතලට
මං ආදරේ කළේ පණ ගැහෙන හදවතට
වියැකුණත් මතකයත් ඇති අලුත් රාධාට

____________________________________

ප්‍රේමය නමින් අසීමාන්තිකව කැපවුන,එම ප්‍රේමය නමින් අනන්ත දුක් දරන් හිනැහුන හැම යශෝදරාවකටම සංසාර කල්පයක් පෙරුම් පුරමින් පතපු සිද්ධාර්ථ කුමරුවෙක් මුණ ගැහෙන්නම ඇතිද!!!

සම්මතයැයි අකුරු කෙටුව සමාජයක අසම්මත ගඩොලින් ගොඩනැගුව කැදැල්ලක සම්මතය කටුගාමින්!!!!

~~~~~~~~~

--------------------------------------------------------------

දැනට මම කියන් නෑ මොකක් ගැනද මේ කතාව ගොඩනැගෙන්නෙ කියලා. ඒත් උඩ බැලුවම යම් වැටහීමක් ඇති වෙන්න ඇති. හරිම කෙටි පොඩි කෙටි කතාවක්. හැගීම් කවලා කතාවක් ලීව කාලයක් මතක නැති තරම්!!

මටම මගහැරුන මාව හොයමින් ඇවිදින ගමනෙ අතරමග මුනගැහුන පාලු අම්බලමක මූසල තනිය මකමින්🖤.

කැමති අය කියවන්න🖤.

පොඩි කොට චැප් වලින් යන්නෙ ඉක්මනින්ම එන්නම් මම

කියවන්න කැමති නම් කමෙන්ට් එකක් දාගෙන යන්න🖤