خفايا القلوب. بقلم /زينب أحمد

33

شاكر:  انت كويس دلوقتى؟؟ 
ابراهيم:  الحمد لله
شاكر:  فين رزان صحيح
ابراهيم:  خرجت هى وحور يجيبوا طلبات للبيت
حمزة:  ثوانى هاتصل عليهم
عادل:  هاا
حمزة:  مغلق... استنى هاجرب حور
ابراهيم بقلق:  هاا
حمزة:  مغلق برده
شاكر:  ده كده حااجة تقلق
صوت طرقات علي باب بشده
جروا جميعا باتجاه الباب
خلود وهى تبلع ريقها بصعوبة:  عربية سودا خدت حور ورزان وجرت بسرعه
عادل نظر ل شاكر:  نايل
شاكر:  لا معتقدش... استنى هاكلمه
شاكر بحده:  انت بعت حد ياخد رزان بالغصب
نايل وهو يجلس بالم وضيق:  رزان اتخطفت ي بابا

شاكر بصدمه:  اى...  رزان اتخطفت
عادل وابراهيم:  اى
حمزة:  مين خطفها
شاكر:  مين خطفها ي نايل وليه؟؟ 
نايل:  رفعت ي بابا رفعت
شاكر:  وده عاوز اى
نايل وهو يقف ويقول بوعيد :  مش مهم عاوز اى المهم انى مش هارحمه ولو لمس شعر بنتى هانهى حياته
ثم اغلق الخط بوجه شاكر دون حديث آخر

........................بقلم زينب أحمد.................................

في مكان آخر شبه مهجور
بدات ان تفيق وتستعيد وعيها
ويزول آثار المخدر
نظرت بجانبها وجدت حور مكبلة ومازالت فاقده للوعى
رزان بقلق:  حور فوقى ي حور... حور
دخل شخص واقترب شيئا فشيئا
ماان اقترب من الضوء
حتى توسعت عينا رزان
رزان بصدمه:  انتى؟! 
وصال:  اى رايك في المفاجاه دى
رزان:  لا رد
وصال:  اى مش هاتسالى عن اى حاجه
رزان:  تعبت أسال لان في كل مرة بلاقى اجابة توجعني... فمش عاوزه اسال ومش عاوزه اعرف انتى عملتى كده ليه لان انا متاكده ان معملتش حاجه تخليكى تكرهينى للدرجة دى

وصال بحده:  لا عملتى... اقولك عملتى اى
                بتفكرينى بكل لحظة ضعف مريت بيها زمان وخلتنى استسلم لقلبى مرة واحده في حياتى
انتى نتيجة ضعفي وانهزامى قدام نفسي
والمشكلة ان كلهم تقبلوا نتيجة ضعفى وخطاى الى لسه لحد الان موجود ومحدش سامحنى عليه
نايل تقبلك وحبك علي الرغم انى امك
روز حاوطتك بحنانه بالرغم ان ابقي اخت الى خذلها وكسرها
ابويا بص في وشك وكلمك وانا الى بنته لا

ثم اكملت بزعيق طالما تقبلوا نتيجة خطاى ليه مسامحونيش عليه

رزان:  وبالى انتى بتعمليه ده هايسامحوكى!!
روز:  مش مهم مبقتش فارقه المهم ادى درس لكل واحد عطالى ضهره واهمهم نايل
كادت وصال ان تغادر اوقفها حديث رزان
رزان: انا مبكرهكيش انا بس بشفق عليكى
       وبتتمنى تتخلصي من كرهك وحقدك علي الى حواليكى... لان الكره بياكل صاحبه مش حد تانى

لم ترد وصال عليها فقط غادرت
واغلقوا الباب خلفها

..........................بقلم زينب أحمد...........................

تجمع الجميع ببيت عادل
أدهم بحده :  طب وبعدين هانفضل حاطين ايدنا علي خدنا كده
ابراهيم:  انا هاروح ابلغ البوليس
عادل:  لا ي ابراهيم ممكن رفعت ياذيها وانت عارف انو مؤذى اد اى
حمدى:  طب هانعمل اى الوقتى؟؟ 
كاد ان يرد عليه
دخل شاكر ونايل
عادل:  ها ي شاكر
شاكر:  مفيش جديد
نايل:  قفل موبايله بس هاوصله
يمسكه ابراهيم من قميصه:  كل ده بسببك وبسبب اعداءك
يبعده نايل عنه بعنف:  وهى كانت عند مين لما اتخطفت مش انت؟؟  مقدرتش تحميها طبعا غرقان في حزنك وعاوز الى حواليك هما الى يهتموا بيك