خفايا القلوب. بقلم /زينب أحمد

22

عمر يدخل وهو مرتدى لبسه كدكتور : يلا ياحلوين علشان تجهزوا
ادهم: انت ليه محسسنا انك هاتفسحنا
عمر وهو ينظر ل رزان: علشان ااقلل التوتر مثلا

كادت ان ترد عليه رزان ولكن قاطعهم دخول نايل وروز
واربع بودى جاردات
نايل بحده : بنتى مش هاتدخل اوضة عمليات
عمر: بنتك مين انت كده داخل غلط
نايل وهو ينظر ل وصال : لا مش غلط... مش كده ياوصال؟؟
ثم ينظر ل رزان ويذهب ليقف امامها

نايل بحنان : انتى بنتى الى بدور عليها
انتى بنتى يارزان

رزان بصدمه: اى

عادل: وصال؟ هو بيقول اى؟!

حمزة: اكيد فى حااجه غلط

ادهم: ردى ياماما
نايل: كنتى فاكرة انى هافضل مش عارف بنتى مين لحد امتاا هاا مرض ابنك كشف كل حااجه
ومش هاسمح ان بنتى الى مالحقتش اشبع منها تتحط علي سرير والله اعلم هاتطلع ولا لا

وصال تذهب وتقف امامه: اسمع بقاا... ابنى مش هايجراله حااجه انت فاهم وهايعملوا العملية

ذهب نايل وامسك رزان ووضعه خلف ضهره
وتقدم البودى جارد
نايل: ورينى ازاى
روز: نايل احنا مش جايين نعمل مشاكل
نايل: وانا قولت محدش هايأذى بنتى
خالد: دى مراتى ومش من حقك تعمل الى بتعمله ده
نايل: بنتى قبل ماتكون مراتك.. أنا اصلا مش موافق انك تبقي جوزها
خالد وهو يكتم اعصابه ويمسك ذراع رزان ويشدها
ونايل يشدها بالاتجاه الاخر
تجذب رزان يدها منهم بعنف: بس انتو الاتنين
يسود الصمت قليلا
رزان بتوتر: انت ياالى بتقول ابويا تعالى هانتكلم سوا لوحدنا
خالد: بس رزان
رزان بنظرة مطمئنه: متقلقش
وصال: اوعى تفتكرى انك ترجعى في رايك انتى فاهمه انا ممكن اعمل اى كويس
رزان تنظر لابراهيم: قول لاختك تقعد ساكته بدل مااغير راى فعلا
وتغادر ويغادر خلفها نايل
وصال: انت معرفتش تربي البنت دى شايف بتكلمنى ازاى
عادل: مش لما اكون انا عرفت اربيكى الاول... ملقتيش الا نايل ابن شاكر وتتجوزيه

ابراهيم: مش وقت الكلام ده يابابا
حمدى: نايل ده الى انتى شاركتيه علشان السيولة بتاعت الشركه

عادل بصدمه: اى... بقا شريك في الشركة كمان!!!
روز: احم
.............................................................

في كافتيريا المستشفي

رزان: انت عاوز اى من الاخر
نايل: عاوز بنتى
رزان بسخرية: يااه عليك انت ووصال بتفتكروا حاجات مهمه ضايعه في الوقت المتاخر

نايل بدفاع: وصال فهمتنى انها اجهضت ولما عرفت انها ولدت بنت بقيت ادور عليكى لحد مالقيت خيط مرض ادهم ده هاايوصلنى ليكى

رزان: ااه وانا بقاا المفروض اخدك بالحضن واقول ابويا اهو
نايل بهدوء: تعالى عيشي معايا الاول حتى جدك يتعرف عليكى وبعدين نبقي نشوف الحضن ده
رزان: وانا مش عاوزه... انا على فكرة متجوزه
نايل: جواز غصب عنك ومش حقيقي
رزان برفع حاجب: ومين قالك انو مش حقيقي
نايل: انا عارف وخلاص المهم مش هاتعملى العمليه
رزان: بس انا هاعمل العملية
نايل بشك: انت متفقه مع وصال على اى؟؟
رزان: مش مهم تعرف
نايل: وانا بقولك مش هاتعمليها
رزان: باى صفة
نايل: ابوكى
رزان: علي ماتثبت انك ابويا اكون عملتها
وحتى لو اثبت ده انا متجوزة وفى الحالة مطلوب موافقه جوزى وهو موافق
انهت حديثها بابتسامه نصر
نايل: انا ممكن امنعك بالقوة على فكرة انت لسه مش واخده بالك انا فى قدرتى اعمل اى
رزان: هاتمنع ان اساعد واحد يعيش!!!
نايل: يارزان انا مكنتش عاوز مقابلتنا تكون كده ولا انك تشوفينى بنظرة وحشه انا خايف عليكى
انتى كل حاجه بملكها
رزان بهدوء: العملية مفيش منها خطر
نايل: طيب اعمليها لو ده هايريحك بس هافضل جنبك وتطلعى من هنا علي الفيلا بتاعتى
رزان: وانا قولت لا
نايل: طب هاخدلك بيت تانى جنبي تبقي قريبة منى
رزان بغموض: متقلقش لما اخرج هابقي قريبة منك برده بس في بيت عادل الادهم