مابيَن قصيّد البحر وأمواجه

بارت 11

.
.
.
- بعَد صلاة الجمعة ، مسجّد الحي -
كانو يمشَون كعادتّهم اللي اعتَادوهـا مع جدهـم بعّد اي فرض يروحون مشيّ ويرجعون مشّي اليّن يوصلون قصرهـم ابتسّم الجد ب انزعاج وهـو يشّوف كثير نظرات وكثيّر ناس يعرفهم حق المعرفّه يصلون ب مسجد حيَه مو كعادته وهـو متّوقع وعارف بداية كل حوار يكمل ابتسّامه للشخص اللي جاء يسَلم عليَه
الجد ب ابتسّامه : هـلا حيّاك الله كيفكم كيف الديّار
الشخص : والله ابدا مشتًاقه لكم ، متى تشّرفونا
الجد : باذن الله قريّب
الشخص بفضّول : والله بدون مقدمات ومجاملات كثيّر الهرج صاير عنكم من امس والكل يهرج
ابو سلطان : عسَى خير
الشخص : والله ماعرف انتّم تحدودن ، هـو النقيّب صدق عاقّد قرانه ع بنتَك يا عبد المجيَد ، اللي استغربنَاه انه اول افراحكم شلون كل هـالمده وساكتيّن كذا والصراحه الكل يهـرج
ابو موج بنرفزه : اي مده تتكلم عنهـّا !
الشخص : هـو انتّو ماتعدون ؟ يقولون انه النقيّب عاقد قرانه ع بنتّك ياعبد المجيَد من سنّه وانتو مكتميّن ع الموضوع ولا سويتّو لا عقد ولا زواج الا العذر منكم يعنّي ماودي اقول
ابو موج : ينقصّ لسّان كل شخص يتكلم بهالكلام الناقص
الشخص : والله انا قلتّ هـذولي ال سليمان وسمعتهـَم بكل مكان واكيّد هـذي مجرد اشاعاتّ
الجَد بهـدوء : بلغهم قول لهـّم اول افراح ال سليمان فعلاً موجوده ولكنّ ماتم العقّد وباذن الله العقّد الرسمي راح يكون الاسبّوع الجاي عاد ماكان ودنّا نعلن بسّ دام الوضع صار قيّل وقال وصل لهـم
الشخصّ : الف مبّروك والله يديم افراحكم يارب ويبعَد عنكم الحاسديّن
ابو سلطان ببرود: الله يبّارك فيك
صقر : استغفر الله العظيَم وش هالحكي
ابو سلطان : لايسمع سلطان والله يدمرهـم
ابو موج : يبّه انت وش سويت ! البنت امس تقول بخلعه وانت الحيّن تعلنه رسميّ
الجد : خلو موج عليّ ، مارضى لها الشينّه ولا الكلام اللي ينقال عنها مليّون اتصال ومليّون نظره راح تكون عليهـا وانا اهد الدنيّا لو احد يهـد احفّادي وخلوه عادل يفكر انهّ يلوي ذراعي مسكيّن سوا شيً كنت ناويّه من زمان
ابو صقّر : الله يعديّ هالايام ع خيّر ، الا وينّه سلطان
سلطان : موجوديّن معليّه تاخرنّا
شُجاع : السلام عليكم ، كيفكم جميعاً ، عساكم طيبيّن
سلطان : وش يهرجون ذوليّ ! اول مادخلت بس ينتظّرون مني نظره عشان الواحد يجي يسمعنّي كلمتيّن
الجد : ماعنّده الا هروج وانا اعرف كيَف اسكتهم امشّو دخلنًا
سيَف بهمس : وين اختفيت ؟
سلطان : شغل ياخوك وش هارجيَن
سيّف : جدي يقول بيكلمك انت وموج
سلطان : انا وياهـا ؟
سيّف : كلامه يعنّي
.
.
.
- ب قسّم النسّاء -
كان الكلّ بالمطبّخ يجهزغدا الجمعة يرتبّون طاولة الرجال
ام سلطان : يمه شكلهم وصلو اسمعً البّاب
شروق : اي اي بس معاهـم صديّق سلطان انتبهّو
ام سلطان : طيّب سلطان جاء ؟
شروق : اي معهـّم
ام موج : يمه موج شوفّي السلطه وديهـّا هنّاك
موج : تمام يمه
شروق : ضيًوف الشرف متّى تساعدونا يعنّي
وهـج بهـمس : يابنت صار شيّ غريب
شروق : وش !
وهـج : جُمان تعالي اسمعي
جُمان : وش !
وهـج : انا عنَدي بنات من جماعتنَا يعني تواصلي معهم خفيّف المهم جتنّي وحده اول تتصّل عاد انا رديّت لانها مو من عوايدهـا تتصّل
جُمان : وش تبَي
وهـج : قامتّ تقول اي ماشاء الله عليكم محد يدريّ ب اخبّاركم وانه ليه مانشرتو خبّر عقد النقيّب والمحاميّه وسنّه ساكتيّن وش اللي يمنعكم
شروق بصدمه : سنَه شدخل !
وهـج : اي هذا اللي استغربتّه البنت تعاتبّ وكنه لهم مده وحنّا مخبيّن المهم بعدهـا كثرت هرج ماله داعي وتهـاوشت معاهـا سمعتها كلمتيّن وقفلت
جُمان : هـذي خطتهم يعني ؟ يتكلمون ب بنت ماضرتهـم ولا تدري عنهم
وهـج : اموت واعرف من ذا عادل وليّه حاقد ع جدي هالكثّر
شروق : وش استفّاد اصلا من عقّد قرانهم يعني هذا برضو يبّي له فهم
جُمان : والتّاريخ بعّد
ام صقر : بنّات الله يصلحكم وقّت السواليّف ، خلصنّا شيكو ع سفرة الرجال والحقونّا
شروق : موجّ شيكّي والحقيّ
موج : طيب وش تهـرجون عنّه
شروق : بعدين لاتطوليّن
موج : لاحقتّك حبّي
ابتسمت تعدل الطاوله وهـي تدندن بهـدوء يبتسّم هـو بسخريه
سلطان : اشوف اعصّابك هدت !
موج بغرور: ماتوقع في شي يستحق اني اعصّب عليه وازعل نفسّي
سلطان : حلو يعنّي رضيتّي بالواقع والوضع
موج بضحكه : بالله لاتضحكنّي
سلطان بهـدوء : جدي يبغانا بعد غداء الجمعه صراخ واسلوب شيّن لايطلع منّك
موج : باردون !
سلطان : رجعنّا للكلمه ذيّ
موج : عفوا حبيبي ؟
ابتسم بسخريه على نطقها لحبيبي بنرفزه تقرب منه يبّان فرق الطول بينّه وبينهـا ترفع راسهـَا ل ناحيته تلتقّي عيونهم ببعضّ كانت عيّونه وسيعه كثيّفة الرموش يغشاهـا الاحمرار من الداخل ومن الخّارج يرفع حاجبّ من حواجبًه يناظرهـا بسخريه يلمسً توترهـا وقت تلاقت عيّونهم ببعضّ وهـو يدري انه تاملتهّ للمّره الاولى بهالشّكل تبعّد عنّه بتوتر
موج بتّوتر : انت ليّكون صدقت لعبّة انك زوجي
سلطان : الورق والواقع كذا يقول
موج بغرور: انت قلتهّا ورقه يعني نقطعهـّا
سلطان : المهـم ، تعدليّن اسلوبك طيّب لان شعوريّ مُبادل لشعورك ف ماله داعي تسّوين الضحيّه الوحيده
موج : مو شغلك طيب اسوي اللي ابيّ بكيفي اوك !
سلطان ببرود : ادخلي يلا العيّال بيجون
موج بضحكه : مو طبيعي انت ترا
شروق : موج
سلطان : وش
شروق : غريّب شوي
سلطان : خذيها بالله
شروق : الاكلّ لايبرد
سيًف : حضّرة النقيب وش تسوي قلنَا شوف الغدا جاهـز
سلطان : جاهـز وينهم
سّيف : جاين ، تعال علمنّي كلمت الثلاث ايام مو نايّم !
سلطان : رايقّ !
شُجاع : مانام
سيًف : وربي فاتك امس لقاءه سلطان مع مرتّه
شجاع بضحكه : تكفى صاحبي مايعرف مايعرف
سيّف : قالت بخلعك
شجاع بضحكه : اسالك بالله
صقر : وهـو قال بطلقك
شجاع : طيّب وين الافعال
سلطان : مافضيّت
شجاع بغمزه : مافضّيت ولا جاز لك الوضع
صقر : مُمكن
سلطان : بالله اسكتّو طيب اسكتّو
شجاع بضحكه : وربي مت ضحك ياخي تخيّلت الموقف
صقر : الله يلؤم اللي يلؤمهم لو جينَا للمنطق يعني فجاءه تلقى نفسك مربوط بشخصّ بدون اي تخطيط
شجاع : الا جديّ ماحكي لكم الوضع !
سلطان : ماقال بسّ يقول باذن الله
ابو سلطان : كلو يبّه كلو لاحقيّن ع السواليّف
.
.
.
- عنّد النسّاء -
شروق : وش كنتّو تقولون !
موج بنرفزه : شعّوري مُبادل لشعورك يقول
شروق : امانه
موج : وقال ايش جدي يبغانا
شروق : موج لو قالو لك الوضع صدقً وش تسًوين !
موج : ما ابّي شروق ما ابّي ماني مستعده اصلا
شروق بتنهيده : سلطان كويسّ ترا والله وطيّب بس مايبين ولا احد يعرفه
موج : على نفسّه طيب انا شدخلنّي اصير زوجتّه فجاءه ما ابي
ام سلطان ب ابتسَامه : موج حبيبتّي
موج : هـلا خالتّي
ام سلطان : انا بقولكم شي وقدام الكّل مو سر والله
موج : امرينّي
ام سلطان : والله يمه يشهـّد علي ربّي ان سلطان لو كان ناوي بس يتّزوج والله اختّارك مليًون مره ، ادري ان هالوضع مايعجبّك وحقك وادري ان سلطان شخصيّه صعبه وعصبّي وكتّوم بعّد وشخصيّاتكم تتضّارب شوي لكن ان صار الوضعّ اجبّار واضطريتّو تتحملون هـالزواج لاتضيعونه لانكم بتكملون بعضّ انا ما اعلم الغيّب يمه بس احسّ والله يكتب لك الخيّر دايم ياموج سوا مع ولديّ او غيّره
ابتسمت موج بتّوتر وهـي ماتعرف وش ترد ولا تعرف وش تقول لكن تخاف لان كل كلامهم يدل ان الوضع جديّ فعلاً وهـي ماهـي راضيّه تستوعب ان الوضع كذا هـي كل اللي تفهمه انه لعبّه وراح تنتهي تنهدت تشَد يد شروق من جنبهـا تبتسّم شروق تطمنها ان كل شي بيكون بخيَر
جُمان : " عسّى ان تكرهـو شيئا وهـو خيرا لكم "
وهـج : شوفي جدي وش يقول لاتشيليّن هم شي وقرري انتّي لان بالنهايه اهـي حياتك مو حيّاة اي شخص
شروق : فعلا القرار اللي بتاخذينه هـو لك بالنهايه لان انتي بتعيشيّن محد بيعيشّ هالحيّاه غيرك
.
.
.
- انتهاء -