مابيَن قصيّد البحر وأمواجه

بارت 13

.
.
.
كانت بغرفتَها من رجعت تحوس بكثيّر اوراق تسال عن كثيّر امور تستكشف اشيَاء جديده ومعلومات بكل مره تزيد صدمتّها تبحث بقضّايا جدهـا القديمه ولكن للاسّف لطول المدّه القضايا كلهـا صارت ب الارشيَف رفعت جوالهـا تتصّل ع شخص يقدر يساعدهـا وفعلاً حددت موعد تروح للارشيَف ابتسمت بسخريه وهـي تهمس ل نفسهـا " يلا فاضيَه ادمركم وجوي القضّايا الغامضه والله لا اخذّ حقي والأيام بيننا " تنهدت تروح تاخذ لهـا شاور تلبسَ بجامتها عاريَة الاكمام تمسَك شعرهـا تظفره عادي بدون اي يربطه تنّزل خلصتيّن من الامام
موج : مافي شي يخربنَي ابدا خلينّي اتغنّج ل نفسّي شوي
جُمان : الحمد الله والشكر انهبلتّي
موج : لا ابدا ادلع نفسيّ
جُمان : وش هالجمال كله
موج : حبّي والله
جُمان : جمعتّي افكارك
موج : طبعا كل شيّ هون
جُمان : تعالي طيّب حكيني وش تحسيّن !
موج : ابدا ولاشيَ عادي مشاعري عاديه ما احسّ بشي ، ما انكر زعلي وغضبَي من هالزواج لكن نشّوف الايام الجايه وش تورينّي
جُمان : يازيَن قوتَك والله
موج : ابوي ويَن
ابو موج بحنيّه : هنَا ابوي
موج : ربيّ جابك تعال
جُمان : اخليكم تمام
موج : وش مزعل عبّد المجيد ؟
ابو موج : الدنيّا زعلتنَي يوم اختبرتنَي ب بنتّي
موج : نحارب الدنيّا وش علينّا
ابو موج : انفرضتَي ع شي شيَن والحيّن ابوي يبيَك تصيرين مرتَه رسمي وبتروحيّن ل بيتّه شلون اتقبّل هالشي انا يبّه ؟ سلطان رجال ومانيّ خايف عليك منَه ابدا بالعكس مرتَاح بس يبّه انتي وجمان قطعتّين من قلبي فجاءه كذا ياخذون جزء من قلبّي ما اتحمل وخصّوصي اني اشوف عدم رضَاك بهالزواج اشّوف كل شي بعيّونك ولو تقولين لا يبَه ما ابي والله مايتّم وتتطلقيّن متى ماودك بس لاتجبّرين نفسك ولا تتحمليَن مسؤليَة اي شخص
موج ب ابتسَامه : خلصتّ ؟
ابو موج بتنهيده : خلصت
موج : سبحان الله دايم الحيَاه احيّانا تجبرنا ع قرارت عمّرنا مارضينا فيهـا وهـالزواج اي انا ماني راضيّه فيه ولا ابيّ سلطان لان مانتفق ابدا ولا شخصياتنَا احسَها قريبه من بعض لكن يبّه الموضوع انتقام وناس ماتخاف الله انا دريتّ بكل الحكي اللي حكوه فينّي وتحملت لكن شروق يمكن ماتتحمل ؟ جُمان كذلك او وهـج ف عشّان كذا مستحيّل اخليهم يهرجون ع اي وحده فينّا لاني اعرفنّا انقى من اي شي بالدنيَا هاذي كلها ومقدرين تربيّة اهلنَا مهما صار هم يبًون يضرون ال سليمان ب اسميَ صح ! بس والله مايلقون شي وسمعة ال سليمان كلهم راح تضّل فوق وخليهم يسّون اللي يبّون لاتشيّل همي انا راضيَه ب اللي كتبّه لي ربيّ وبمشي مع الحيّاه كيف مامشتنّي طيب ووقت اتعبّ واحسّ اني هالرحله صعبّه علي صدقنّي بكون جالسه معك نفس هالجلسه اتفقنّا !
ابو موج : متى كبرتي انتي هالكثّر ؟
موج بضحكه : انت شكلك تنسّى اني محاميّه يبه
ابو موج : الله ييسرلك والله يعدي الايام الجايه ع خيّر
.
.
.
- ب احدى ساحات حلبّة السباق -
كانو جالسيّن يتاملون سبَاق سيّف اللي كان يحتّل المركز الاول بلا منّازع
شُجاع : فخر وربي فخر
صقر : لا قوة الا بالله الله يحميَك ابوي
سلطان : شوف المنَافس الثاني شلون يدخل عليه وش هالتصرفات !
صقر : ماشفت شي بعضهم يقلبّون السيّارات بضربه
سلطان بنرفزه : شدعوه الواحد يفوز ب جدارته ولا بلاش
صقر : هذا عنّدنا حبيبي ال سليمان لكن العالم الخارجّي مو حنا
شُجاع : والله انه صادق
سلطان ب أبتسّامه : كفو ياعيّن اخوك كفو
شجاع : قلت والله انه فخر
سلطان بهـمس : وش اخر شيً وصلت له عنّاد ماله حسً وينه
شجاع : مدري عنّه صار له حوالي يوميَن بنفس الفله مايخرج منها ابدا
سلطان : اكيَد عندهم مخطط ليّوم العرسّ
شجاع : ماتوقع يسون شي قوي تعرفّ ليه لان اصلا سالفة الزواج بكبرهـا خطتّهم ف ماظنتّي
سلطان بهـدوء : كل اللي يشغّل بالي موج ، اخافّ يقربونها وهذاك الوقت والله ياشجاع شف هـدوءي وصبري عليهم لاينقلب مصيبًه عليهم
شجاع : تشيَل همها كثيّر
سلطان : اشيّل هم كل ال سليمان والله
صقر : وش تتهمسّون به عندي !
سلطان : اقول عرسيّ قريب
صقر : كنه زان الوضع بعينّك
سلطان : ابدا مالي خلق بس نصبّر
سيّف : كيّف بس
سلطان : فخر ياسيّف بس انتبّه ل نفسك
سيّف : ماعليّك اموري بخير
شجاع : متى السبَاق النهائي
سيّف : الشهر الجاي
صقر : دمرهـم تدميَر هاه
سيّف بغرور : افا عليَك بس
شجاع : هاه شاف نفسّه شاف نفسًه
سلطان : استّاذن انا بروح ل عمَي عبد المجيد تامرونّي ع شي !
صقر : كنّا بنروح نتعشى سوا
سلطان : هنّي وعافيه
شجاع : فمان الله
.
.
.
- بيتَ عبد المجيَد ال سليمان -
ابتسَم يمد له فنجال القهـوه يجلسّ يقابله بهـدوء ينطق سلطان بعدهـا
سلطان : امرنّي عمي
عبد المجيَد ب ابتسّامه : قبّل كم ساعه هـرجت مع موج بنفسّ الكلام والحيّن برجع اكلمك ابوي
سلطان : اسمعَك قول اللي ودك
عبد المجيَد : ادري انكم انفرضتّو ع شي انتّو مو راضيّن عنه وانحطيتّو بمؤقف سئ بسبب امور قديمه الله اعلم وش هـي ادري انك رجال وسيَد الرجاجيّل كلهم وابدا والله قلبّي يشع بالفرح لانك بتصيّر زوج بنتّي وادري انك بتخاف عليهـا وبتحطها بعيّونك بس يبّه موج جزء منَي وهالشّي يوجعني شوي لاني اشوف عدم الرضاء بعيَونها واشوف كسرهـا لكن هـذي موج ماتبيّن ماتشتكي بس بيجي يوم وتنفجر بس الله اعلم متّى ، سلطان انا اعطيّك ضيّ عيوني وادري بهـا عنيّده ومغروره وقويه بعَد لكنهـا انُثي بالنهايه وكل شي خير بهالدنيَا ممكن هالشيّ اللي احنا خايفيّن منه الحين يكون خيّر قدام وان ماكان خيّر ردهـا لي زي مابتاخذهـا منّي
سلطان بهـدوء  : بنتّك بالحفظ والصّون عمي وانا موج ما الومها لان انجبّرت علي وهـي رافضّه وحقهـا والله لكن هي سوت شي عظيم يمكن هي ماتلاحظه الحيَن لكن انا اشوفه هي حظت بحياتها مستقبلهـا شريك عمرهـا عشان عايلتّها وهالشي يُفتخر فيه والله واقدرهـا فيها ، ف نحنّا بنمشي مع الحيّاه كيّف مامشتّ ونشوف التيّار وين يودينّا وان ماصار نصيب بيني وبينها بنتّك بترجع لك زي ما اخذتهـا
ابتسَم ابو موج  وهـو فعلا يحبّ سلطان ويتمنى هالزواج يضل طول العمَر مو فتّره لكنّه يخاف من عدم قبّول بنتها ورفضها الشّديد لهالموضوع
ابو موج بمزح : عسّى البيت جاهز بس
سلطان بضحكه : والله هو انتو تدرون اني لي بيت اجهز فيَه وان شاء الله يخلص كلمت صقّر وشروق وباذن الله يكون جاهز
ابو موج : بعيّوني ترا لو ماجهز ومنه بنتي عندي
سلطان : الله يحفظك ياعمي ماعليك بتَزين الامور باذن الله
خرج من عنَد عمه بعد ماخلصَ حواره معه وزادت عليّه المسؤوليّه لانه لمسَ خوف عمه من هالزواج ومن الانتقّام ومن كثيّر اشياء قاعد تدور محَد يدري عنها يتذكر هجومهم عليهـّا يزفر بغضّب يحمس ع وجهه يلتفت ل الجهه الثانيّه يشوفها جالسه ب بجامتهـّا العلاق ضامه رجولهـا لبعضَ تسنَد راسهـا عليهم شعرهـا اللي يتلاعب فيه الهواء الحّار يتّوجه لهـا بهـدوء
سلطان بهـدوء : وش تفكريّن به !
موج بفزه : بسّم الله من وين طلعت انت !
سلطان : من المجلسّ
موج : يعني اذكر فتره بحيّاتي ماكان ينطري الا اسمك ولا اشوفك الا نادرا الحيّن طالع لي كل شوي من مكان خير !
سلطان : تحبيَن تسولفيّن واجد انتّي
موج : تقدر تقول عاده من المهنّه
سلطان : وش يجلسّك بهالحر وش جوك
موج : حضّرة النقيب يعني جالسه بحالي اسرح بحيّاتي شتبّي مني
سلطان : جهزيّ زي الاوادم وبلاش تصرفَات الاطفال
موج : وهالزواج بكبّره مايعنينَي شلون اجهز يعني ؟ مافي شعًور
سلطان : جهـزيّ بدون شعور
موج : شوف
سلطان : وش ؟
موج : طالع المنظر اللي اتامله شنو ؟
رفع راسه وهـو انصّدم من كميّة النجوم اللي تغطي السماء كان منظر خلاب بمعنّى الكلمه يخلي الواحد يسّرح فيه بطريقه مو عاديه
موج : لو نزلتَ لي من هالسمَاء نجوم ع شعريّ ممكن اجهز يعنّي الحين لا
ابتعَدت تحت انظاره وهـو يضحك بسخريه على كلامها وتشرطهـا الصعب وش يعنّي تبي نجوم من السماء على شعرهـا يتّوجه لخارج الفله ل بيَت اهـله
.
.
.
- انتهـاء -