نصرٌ عظيم!

هدوء قبل العاصفة!

ابو بكر:- هسة باوعوا الفلوجة والانبار النا

ابو اركان:- اي صح بس المشكلة الجيش العراقي بدأ يتحرك ودا نواجه صعوبة يعني كل واحد ديكتل كومة من عدنا

ابو بكر:- لتخاف بالنهاية ما يسوون شيء واللي مات طبه مرض شعلينا بيه

ابو اركان:- هسة شنو ببالك؟

ابو بكر:- خل نتحرك ناخذ كركوك !

ابو اركان:- كركوك؟ انت متأكد؟

ابو بكر:- اي متأكد، احنا بالموصل وكركوك اقرب النا فاحنا مناك راح نروح لصلاح الدين ووراها نطب بغداد

ابو اركان:- يعني اجهزهم لكركوك هسة

ابو بكر:- عاشت ايدك

[في ظِل تلك الظروف القاسية كانت كل محاولات الجيش العراقي عقيمة النفع وبلا فائدة]

احدى النساء:- عوفونا بحالنا !شتريدون من عدنا؟

احد الحثالة:- نريد احتلالكم! وحتصيرين زوجتي فاعرفي شلون تحچين ويانا احنا المجاهدين

المرأة:- مستعدة اتزوج من چلب اجرب وما اتزوجك ولي مني

[كانت كلمات بسيطة لكنها قوية مما دفع تلك الحثالة لقتل المرأة]