نصرٌ عظيم!

أملٌ زائف

جندي:- سيدي هسة شنسوي كل فايدة ماكو دنكتلهم بس المشكلة المناطق دا تتعاون وياهم وتنطيهم ذخيرة طلق واسلحة وغيرهن

القائد:- شگد عددنا؟

الجندي:- احنا هنا سريتين
سرية عبدالله بيها تقريبًا ١١٠ شخص
وسريتنا بيها تقريبًا ١٠٤ شخص

القائد :- خل سريتنا تفتر ونحاصرهم، وسرية عبدالله تبقى هنا يعني عالجهتين نشتغل

الجندي:- تمام سيدي، صار

[بدأ التحرك من قبل الجيش العراقي لمحاصرة التنظيم المختبئ في منطقة تابعة لمدينة الموصل]

(صوت انفجار)

القائد:- هاي شكو شنو هذا الصوت؟
جندي:- سيدي لغم، اكو لغم طگ على جنودنا
القائد:- انتبهوا زين وامشوا بحذر

أحد قادة التنظيم:- هذول بدأوا يتحركون عالأغلب يريدون يحاصرونّا ويداهمون المنطقة افتحولهم مجال وبعدين حاصروا اللي اجو علينا...

[بعد تقدم الجيش العراقي، ها قد وقع أسيرًا بين أيدي التنظيم كل من حاول محاصرة التنظيم تم قتله]

جندي:- سيدي سرية مصطفى كلها انقتلت
قائد السرية:- وشمدريك؟

جندي:- سيدي هم حاولوا يفترون على داعش علمود نحاصره، بس المشكلة بنصف الطريق وحاصرهم داعش وكتلوهم كلهم

قائد السرية:- الله يرحمهم، دز تقرير بخصوص هذا الموضوع كللهم العدو ينصب كمين فخل ياخذون حذرهم!

الجندي:- تمام سيدي