نصرٌ عظيم!

وعدٌ كاذب

[بعد دقائق معدود مما حصل]

الحثالة:- اكو وحدة منجن تريد تعترض؟

[النساء لا يجيبن]

الحثالة:- الصغار كلكم تعالو وراي يلا بسرعة

احدى النساء:- ابوس ايدك عوف ابني

الحثالة:- وخري لا اكتلج انتِ وابنج

المرأة:- ابوس قندرتك عوفه لتسويله شيء

[كانت دموعها غزيرة كأنه الهتان]

الحثالة:- اهووو شهالدوخة!  يابا وخري ما اسويله شيء
[الحثالة يركل المرأة بمعدتها لكنها متمسكة به لأجل ابنها]

الحثالة:- اذا معفتيني ترا اكتله!

[المرأة تترك الحثالة]

الحثالة:- اسمعوني زين!  انتم اليوم حتتدربون على كم شغلة أولها تعلنون الولاء النا وما تخونونّا حتى الأمير يقبلكم بجيش المجاهدين

الصبي:- زين،اذا رفضنا؟

[الحثالة يقتل الصبي بقضيب حديدي]

الحثالة:- هذا اللي حيصير

[بعد تلقين الصغار دروسًا ها هم يعودون لأمهاتهم]

المرأة:- وينه؟

الحثالة:- منو؟

المرأة:- ابني وين؟ جاوبني؟ 

الحثالة:- هااا صحيح تلگينه هناك

[تذهب المرأة مسرعة نحو ولدها لتجده صريعًا على الأرض]

المرأة:- يمة، وليدي راح من ايدي،  ولج يمة الحگيلي گليبي مات ، وحيدي راح من ايدي يا ويلي يا يمة

[ها هي الأم الحنونة والعطوفة تخسر حياتها بسبب لوعتها على ابنها الوحيد ذو الثلاثة عشر عامًا]