نصرٌ عظيم!

خطة مكتملة

ابو بكر:- وهسة بما انه كتلناهم نرجع لخطتنا

ابو اركان:- منين ندخل لكركوك وشوكت نطلع؟

ابو بكر:- خل نطلع بالليل حتى هم يلا لما نوصل

ابو اركان:- تمام حجهز المجاهدين انا

ابو بكر:- عاشت ايدك، ليتأخرون

ابو اركان:- تمام
[تم تجهيز عدد لا يستهان به بشكل أولي]
ابو بكر:- باوعولي زين حنحتل كركوك ومناك نطب لصلاح الدين ووراها ندخل بغداد نسقطها، فهمتوني؟

اتباعه:- سهلة ان شاء الله

[يبدأ التحرك نحو محافظة جديدة لاحتلالها]

من الجهة الأخرى:-
قائد فرقة:- هاي شبيكم يمعودين؟ ترا داعش حيوصل لبيوتنا وأنتم ما محررين المناطق!

جندي:- سيدي المشكلة أعدادهم گاعدة تتزايد نكتل واحد يطلعون عشرة نكتل عشرة يطلعون مية أغلب سكان ذيج المناطق صاروا وي داعش وكذلك اكو مدنيين داعش يستخدمهم كأسرى لو كدروع بشرية

قائد الفرقة:- هي المشكلة بالمدنيين لو ما موجودين المهمة اسهل

قائد الفرقة:- حشرحلكم الخطة مالتنا!

[وصل التنظيم لكركوك وبدأ بالتشعب بها وتثبيت جذوره هناك]

ابو اركان:- سيدي، المجاهدين وصلوا لكركوك وبدأوا يقاتلون ويتوسعون هناك

ابو بكر:- عاشت ايدكم، أبطال

رجل كبير :- باوعوا ولدي، انتم اشردوا وانا حأخرهم الكم.

احد أبنائه:- لا، ما اعوفك

الرجل:- هذا أمر ابني، تعصي اوامر ابوك؟

الابن:- لا، بس بهالحالة راح تموت

الرجل:- يموت واحد چبير بالعمر احسن ما يموت الشباب اشردوا هسة وحافظوا على حياتكم