"Dean, ကျွန်တော် အပြင်ဘက်လျှောက်ကြည့်လိုက်ဦးမယ်။"
"OK."
Dean နဲ့ Benny က ဂေဟာမှူးတို့အဖွဲ့နဲ့ စကားပြောနေပြီး Ash ကလည်း ဘယ်နားရောက်နေတယ်မသိလို့ Sam တစ်ယောက်တည်း ထွက်လာခဲ့လိုက်ပါတယ်။ အဆောက်အဦနှစ်ခုကြားက မြေကွက်လပ်မှာ ကလေးတချို့က လူကြီးတွေနဲ့ ရယ်မောစကားပြောနေကြပါတယ်။ ကလေးမလေးတစ်ယောက်က ကပြနေတာကို အဘိုးတစ်ယောက်က လက်ခုပ်တီးရင်းအားပေးနေတာကိုလည်း တွေ့နေရတယ်။ အဘွားတစ်ယောက်ကို ခေါင်းဖြီးပေးနေတဲ့ ကလေးလေးကလည်း ရယ်ရင်းမောရင်း ဘာတွေပြောနေတယ်မသိ။
'ဒီလိုကျတော့လည်း သူတို့အဖော်ရတာပေါ့။'
Sam အတွေးနဲ့အတူ ပြုံးလိုက်မိတယ်။
"Hey, Mr. Dimples!"
"OH! You..."
"Yes, me. I'm Ruby."
"Sam"
"တူပါတယ်လို့ကြည့်နေတာ။ ဒီအရပ်နဲ့ ဒီဆံပင်ကိုတော့ မမှားနိုင်ပါဘူးပေါ့။"
"ဟား ဟား... ဒီနယ်ကတော့ မဟုတ်ဘူးထင်တယ်။"
"မဟုတ်ပါဘူး။ အလုပ်ပိတ်ရက်မှာ သူငယ်ချင်းတွေနဲ့ လုပ်အားပေးလာတာလေ။ ဒီတစ်ပတ် အလုပ်ကသုံးရက်ပိတ်တော့ အားလုံးအတူတူလာလိုက်တာ။ မနေ့ကတည်းက ဒီမှာပဲနေပြီး လူကြီးတွေဘက်ကိုကြည့်ပေးနေတာ။"
"အာ... ကောင်းတာပေါ့။ အမြဲလာဖြစ်လား။"
"အင်း၊ တစ်လတစ်ခေါက်တော့ မဖြစ်မနေရောက်အောင်လာတယ်။ ဘိုးဘွားရိပ်သာမဖွင့်ခင်ကတည်းကဆိုတော့ ကြာပြီ။"
"အဲဒီလိုလုပ်နိုင်ဖို့ မလွယ်ဘူး။"
"အလှူ့ရှင်တို့က ပြောပြီ။"
"မဟုတ်ရပါဘူးဗျာ။ ကိုယ်က အခုမှရောက်ဖူးတာ။"
"Lafitte ကိုတော့ အရင်ကတွေ့ဖူးနေတယ်။"
"ဟုတ်တယ်၊ သူနဲ့လိုက်လာပြီး သူ့ဆီပဲတည်းကြတာ။ သူ့အိမ်က ဒီနဲ့သိပ်မဝေးဘူး။"
"ဪ"
"Hey, Ruby! Ms. Molly က နင့်ကိုချည်း မေးနေတယ်။ ငါတို့လည်းပြောမရဘူး၊ လာဦးဟ။"
YOU ARE READING
Fondly, Lovingly, Jealously
FanfictionSamDean Fanfic (Myanmar) ▪︎ I fondly imagined that you need me. I lovingly saved the memory. I jealously guarded our story. ▪︎ I own the story but not the characters. All the characters are owned by Supernatural and their creator.
