Anak Ng Callboy
Chapter 4
Kuya X, sino iyong kausap mo kanina?" usisa ni Lexus, pauwi na sila ngayon ng kuya niya. Masaya siya dahil naibenta agad nila ang mga sampaguitang tinitinda nilang magkapatid.
"Si Calum Chua, kakilala ko lang siya." simpleng sagot ni Raddix, sa kanyang kapatid. Ayaw niyang ipaalam kung sino ba si Calum, sa buhay niya at kung paano niya nakilala si Calum. Bata pa si Lexus, hindi pa niya maintindihan ang mga bagay-bagay. Nakita niyang napatango lang ang kanyang kapatid. Walking distance lang naman ang simbahan ng Isidro hanggang sa bahay nila kaya hindi na sila nag-abalang sumakay pa ng jeepney. Sayang din kasi ang walong pisong pamasahe ng bawat isa sa kanila. Bumili na sila ng ulam sa tindahan ni Mang Thomas, para hindi na siya magluto pa ng ulam. Wala naman naman din sila iluluto sa bahay nila. Sa pagdating nila sa bahay ay nagulat sila ni Lexus, dahil naglilinis ng bahay ang kanilang ama. Kitang-kita nila na pawis na pawis ang suot na puting t-shirt ng kanilang ama. Nagkatinginan pa silang dalawa ng nakakabatang kapatid niya na si Lexus.
"Oh!? Ano pang tinatanga ninyo dyan? Pasok na kayo sa loob." sabi ni Eduardo, kakatapos lang niyang linisin ang kuwarto ng kanyang dalawang anak. Hindi rin niya maintindihan ang kanyang sarili kung bakit siya naglilinis ng bahay? Parang ito yata ang unang beses niyang naglinis ng bahay.
"Tay?! Bat ka naglilinis ng bahay?" takang tanong ni Raddix.
"Ah? May masama ba kung maglinis ako ng bahay natin? Wala naman ako ginagawa o lakad ngayon kaya naglinis na ako ng bahay." sabi ni Eduardo, nakangiting nakatingin siya sa kanyang dalawang anak. Napaisip-isip niya na gusto na niyang magbagong buhay. Gusto na niyang magpaka-ama sa kanyang dalawang anak na sila Raddix at Lexus.
"Kain na muna tayo tay magtatanghali na." sabi ni Raddix, napapatanong siya sa kanyang sarili kung bakit bigla-bigla na lang naglinis ng bahay ang kanyang ama. Bigla niyang naalala na hindi pa pala siya nakapagsaing ng kanin. Pumunta na siya sa may kusina pero laking gulat niya dahil may nakasaing nang kanin sa may kaldero.
"Nagsaing na ako para pagdating ninyo ni Lexus, ay kakain na lang tayong tatlo. Bibili na sana ako ng ulam pero nawili ako sa paglilinis ng bahay nawala sa isip ko na bumili ng ulam. Sige na umupo na kayo sa lamesa ako na ang sasandok ng kanin. Tsaka akin na yang binili mong ulam isasalin ko na yan sa mangkok." ngiting sabi ni Eduardo, ngayong araw na ito ay sisimulan na niya ang pagkakaama niya sa kanyang dalawang anak. Alam niyang nagtataka sila Lexus, lalo na ang panganay na anak niyang si Raddix. Naalala niya kung paano dumating sa buhay niya ang panganay na anak niyang si Raddix, nung una ay sobra siyang nagulat ng malaman niyang may anak siya sa isang babae na regular customer niya. Isang babaeng minahal niya ng lubusan. Isang babaeng akala niya ay makakasama niya habang buhay. Ngunit nagbago ang lahat ng ipinanganak na nito si Raddix, na ikinasawi nito. Hindi kinaya ng katawan ng ina ni Raddix, ang panganganak nito. Walang magawa si Eduardo, kundi tanggapin niya ang pagkawala ng babaeng minamahal niya pero nagpapasalamat siya dahil may naiwan itong isang guwapong batang lalaki sa kanya. Sa totoo lang labag sa kalooban niya na iwan minsan si Raddix, sa bahay kasama si Jamison, na kinakapatid niya. Kailangan niya magtrabaho bilang callboy dahil iyon lang naman ang alam niyang madaling trabaho at madaling kumita ng pera. Kailangan niyang ibenta ang kanyang sarili para lang mabuhay silang dalawa ni Raddix. At isang araw na lang pagkadating niya sa bahay mula sa Tagaytay ay meron na naman isang batang lalaki dumating sa buhay niya na anak pala niya kay Nympha, na ilang beses din niyang nakatalik. Sa ikalawang pagkakataon ay wala siyang nagawa kundi tanggapin ang bata. Kahit na loko-loko siya ay may puso naman siya. Hindi niya kaya na pabayaan na lang si Lexus, kaya nagdouble kayod siya para mapakain niya ang dalawang anak niya. Kung noon ay hindi siya basta-basta na sumasama sa mga gustong kumuha sa kanya pero nang magkaroon siya ng dalawang anak ay sumasama na siya kung kani-kanino basta malinis at walang sakit. Pero isang araw na lang ay nagbago lahat ng takbo ng buhay niya.
