غـوائـل الـديـجـور

تـَفـكـيـر

‏يا أيّها العمرُ السريعُ خذلتني
‏ووضعتَ أحمالاً على أحمالي
‏خذني إلى عمر الصغار لأنني
‏لم أنتهِ من ضحكةِ الأطفالِ.

فوت:90
كومنت:100

……………………………………………………

گاعد افكر باللي ديصير بحياتي و بديت اربط موضوع بموضوع و احس راسي راح ينفجر

شلون اتقبل هذا موضوع مو هين و لا قليل شلون اتقبل هالموضوع شلون اخذ نفسي بأيدي للمذبح

هذا مو نفس البشر بس تگله اني تعبت من العلاقة يعوفك هذا راح يبقى مسود عيشتك وحياتك

و مستحيل يمل منك لو تموت و تطگ و تنتحر راح يبقى يلاحگك و اني

ما مستعد لهيچ تجربة و ما مستعد اصلًا احب او انحب او هيچ شي

گعدت افكر شنو اسوي بحياتي و شنو اللي راح اقدم عليه استسلم لو اظل احارب

خاف يأذي اهلي و يأذيني و يلعن لشتي و يطيح حظي

ظليت صافن و حاط ايدي على خدي و گلت لازم من باچر اروح لهذا الشيخ اللي گلي عليه صديقي

اني ماراح استسلم و راح احاول اعالج الموضوع بنفسي

حتى ترف ماراح استشاره و ولا راح اخليه يوگفني عن اي شي اسويه

ظليت الليل طوله افكر ماغفت عيني و ولا نمت و عيوني من السهر ذبلت لحد طلوع الشمس

يلا غفيت و گعدت بعد ساعتين و اجاني صديقي الصبح حتى نروح للشيخ اللي حچالي عنه

وصلنا لبيت مبين بيت قديم وعليه اثار حنه و رايات مرفوعة على باب البيت

نزلنا من السيارة و دگينا الباب و استقبلنا ولد صغير و من بعدها طببنا للأستقبال ظلينا گاعدين كم دقيقة

بعد دقايق طب علينا رجال چبير و ملتحي و سلم علينا و بديت احچيله عن مشكلتي و گتله كُل اللي صاير

بعد ما طلع صديقي لأن ماقبل الشيخ يسمع اللي يصير بيناتنا

"ابني الشغل اللي راح اشتغله الك كُلش طويل وينراد له صبر"
گال لي الشيخ هذا الكلام

"عادي بس أريد اتخلص منه"
جاوبت الشيخ

"بس استعد ترا راح تتعب من هواي نواحي"
گال الشيخ الي و استغربت