غـوائـل الـديـجـور

زوايِـاَ الـحُجـَبِ

جَاءَتْ مُعَذِّبَتِي فِي غَيْهَبِ الغَسَقِ
‏كَأنَّهَا الكَوْكَبُ الدُرِيُّ فِي الأُفُقِ
‏فَقُلْتُ نَوَّرْتِنِي يَا خَيْرَ زَائِرَةٍ
‏أمَا خَشِيتِ مِنَ الحُرَّاسِ فِي الطُّرُقِ
‏فَجَاوَبَتْنِي وَ دَمْعُ العَيْنِ يَسْبِقُهَا
‏مَنْ يَرْكَبِ البَحْرَ لا يَخْشَى مِنَ الغَرَقِ

فـوت:30
كومـنـت: 77

..........................................................

3:50 / مـسـاءاً / شـمـال الـعـراق

چـنه دنـشيل الغراض مال التخييم مالتنا لأن
نـريد ننـتقل لأحد الفنادق

"ها جلال كون الفندق حلو"
گال أسماعيل لجلال اللي تبرع انه يوديهم على افخم فندق بأربيل

"والله يجنن هسه تشوفه و تشكرني و حتى بوسة تنطيني"

گال جلال اللي جان مبتسم بلطف، الكل يحبه محد هنا يكرهه و هو يحب الكل

كلهم يحبوه لأن هو بكدهم و مفتهمهم و چان يدافع الهم دائما حتى لو هم غلط، جلال الدرع مالتهم

"لا لا مانطيك بوسة عيب"
گال اسماعيل

"يابن الوسخة"
گال جلال بضحك

چنت كاعد على جذع شجرة و بأيدي گلاص عصير محد خلاني اشتغل لأن گلولي تعبان

چنت اراقبهم بعيوني اشوفهم شنو يسوون
خلصوا اخيرا و صعدنا بالباصات

الشباب صعدوا بباص و الكبار بباص ثاني

جانت اصوات الضحك طاغية على الباص جلال جان مسويلنا جو و چان مگعدني بحضنه

بحكم ان هو رباني و يحبني هواي جنت من اني و طفل ما يحلالي الا حضن جلال

"اي عمو شوكت تزوج و تفرحنا و الله مشتهين زواج نريد نفرح نرقص نتونس"
گالت تينة اللي چانت بنت عمي الوسطاني