غـوائـل الـديـجـور

هـاويـة

وَاللَه ما طَلَعَت شَمسٌ وَلا غَرُبَت
إِلّا وَحُبُّكَ مَقرونٌ بِأَنفاسي
وَلا جَلستُ إِلى قَومٍ أُحَدِّثُهُم
إِلّا وَأَنتَ حَديثي بَينَ جُلّاسي
وَلا ذَكَرتُكَ مَحزوناً وَلا فَرِحاً
إِلّا وَأَنت بِقَلبي بَينَ وِسواسي
وَلا هَمَمتُ بِشُربِ الماءِ مِن عَطَشٍ
إِلّا رَأَيتُ خَيالاً مِنكَ في الكَأسِ
وَلَو قَدَرتُ عَلى الإِتيانِ جِئتُكُم
سَعياً عَلى الوَجهِ أَو مَشياً عَلى الرَأسِ
وَيا فَتى الحَيِّ إِن غَنّيتَ لي طَرَباً
فَغَنّنّي واسِفاً مِن قَلبِكَ القاسي
مالي وَلَلناسِ كَم يَلحونَني سَفَهاً
ديني لِنَفسي وَدينُ الناسِ لِلناسِ

الشـروط:
20 فوت
55 تعليق

..........................................................

10:00 صـبـاحـاً

الـيوم كعدت من وقت على غير العادة توجهت لحمامي اسوي روتيني اليومي

سبحت و خلصت و بديت انظف غرفتي هيه اصلاً نظيفة بس رتبتها

كملت و طلعت للبلكونة اريد انظفها و اسقي النباتات اللي بالبلكونة فتحت باب البلكونة

و اول ما حطيت رجلي حسيت نفسي دست على شي توجهت انظاري لتحت و كان ابشع
منظر اشوفه بحياتي

شهقت و اني اشوف هذا المنظر معقولة اكو احد يسوي هيج

حمامة كانت مذبوحه على النص يعني كانت مذبوحة بس ما فاصلين راسها عن جسدها

تقشعر جسمي من طريقة موت هاي الحمامة

و انقهرت اكره اشوف حيوان متأذي خاصة اذا حيوان ضعيف و لطيف

كانت البلكونة بيها دم و كانت النباتات بيها نقط دم
قررت انزل و اشوف اهلي شنو صار

اخذت الحمامة و طلعت من غرفتي و نزلت لجوا و اني اباوع على الحمامة بحسرة

"ماما ماما شوفي شنو لكيت بالبلكونة مالتي"

گال ترف و هو يدخل على امه اللي كانت تخلي مكياج الها

"يمه عزاا ولك وين لگيتهااا هاييي"

صاحت سما ام ترف من شافت اللي بأيد ترف

"لگيتها بالبلكونة مالتي جنت اريد انظف البلكونة و اسقي النباتات و لگيتها"