————-/////———
•لا أحد يعَلم كم من النزاعات تحدُث
بداخلك يوميًا وكم يكلفك الأمر لتبَدو بخير•
———"
——"
———"
-داخل غُرفه ذات سقف عالٍ ، تحتوي على كراسي عتيقه من الخشب الاسود و طاوله صغيره في الوسط ، عُلِقت على جدرانها الكثير من الخرائط القديمه و الأرفُف المليئة بالكتب و التُحف الاثريه،ينتصف الغرفه مكتب خشبي عريض وضعت فوقه كُرة ارضيه مصغره و مجموعه من الاوراق الصفراء ، و كاميرا تصوير قديمه -
——————
"كان يقف بالقرب من نافذة مُطِلة على حديقه ازهار ،وهو يحمل كوب قهوة تتصاعد منه الأبخِرة ، مرتدياً قميص ابيض واسع و بِنطال جينز "
فادي : مالِك
مالِك -وهو لا يزال ينظر للحديقه-: اهلاً فادي
مؤيد : مالِك خليتنا نقلق عليك ليه ما بترد؟
مالِك -يأخذ رشفه مِن القهوه و هو يلتفت للخلف، ثم يجلس على احد الكراسي و يضع كوب القهوه على الطاوله الصغيره ، -يشير لهم بالجلوس-
مؤيد : يلا جاوب في شنو
مالِك : ماف حاجه
مؤيد -و هو يرفع حاجبه-: ماف حاجه!! لا الحصل امس بعد المكالمه شنو ؟ و ليه ما بترد؟
مالِك : امس التلفون قطع شحن ، و اما الليله ما جاتني مكالماتك او دقيقه اشوفه - يخرج هاتفه من جيبه و يتحقق من سجل المكالمات- اسف كان صامت
فادي-يبتسم بسخريه- : انت عايز تقنعني ان دة الحصل
مؤيد : طيب نفترض ان دة الحصل ، دي منو المستحيل ترجع
مالِك : ما فهمت ؟
مؤيد - هو يمسح وجهه بيديه و يصك اسنانه- : مالِك انت عارف و انا عارف قصدي شنو امس اخر حاجه قلتها قبل يقفل تلفونك حسب ما انت قلت، مستحيل تكون هي ... طيب هي منو يا مالِك تكلم
مالِك -يتنهد-
عبدالرحمن -وهو يجول بنظره في الغرفه-: شباب ...
مؤيد : عبود اسكت، مالِك تكلم
فادي : مالِك احكي لينا في الاخير حنعرف و نحنا اصحابك
مالِك : طيب انا ما عايزكم تعرفو
مؤيد : ليه؟
عبدالرحمن : يا شباب
فادي : مالِك لو ما تكلمت انا بعرف كيف اخليك تتكلم
مالِك -ينزل رأسه للاسفل-: اسف ما بقدر اوريكم ما بقدر اخاطر
مؤيد : نحنا ما حنطلع من هنا الا تتكلم
عبدالرحمن -يصرخ-: يا شبااااب
مؤيد : في شنو يا عبدالرحمن
عبدالرحمن : في بِسه سودا كانت تتكلم معي
مؤيد : بِسه؟ و بتتكلم معاك وين؟
عبدالرحمن -يشير لأحد زوايا الغرفه- : هناك
مؤيد : ماف شي انت بتتوهم ولا كيف
مالِك -و معالم التوتر بدأت تظهر على ملامحه- : وقت زيارتكم انتهى
فادي : زياره شنو نحنا في مستشفى ؟
مالِك : اسف ، بس لازم تطلعو
مؤيد : انت بتطرد فينا ... ما طالعين -يرفع رجليه على الكرسي -
مالِك -يخرج الهواء من فمه و هو يدعك عينيه-
فادي :على سيره المستشفى في شي لازم احكي ليك
مالِك -و هو يميل برأسه و ينظر الى فادي بتوجس- : احكي؟
فادي : قبل خمسه شهور كنا في الحمام و اغمى علي بعدين صحيت و انت سألتني حصل شنو قلت ليك تحسست من الكلور ...دة ما الحصل الحصل كالآتي -بدأ بالشرح-
مالِك ~و تعابير وجهه تنتقل مِن القلق الى الصدمه-
أنت تقرأ
||بـتـّلآت||
Fantasyلن تتوقع ابداً ما سيحدُث... كل الحقوق محفوظة لي انا الكاتبة الاصلية و لا اسمح باخذ القصة او الفكرة او اي اقتباس منها الا بإذن مني.
