————-/////————
•نهاية البداية•
———"
——"
———"
________________
«وسط حي نظيف و راقي امتدت المنازل العصرية على جانبي شارعه»
"ملاك دة بيته؟"
تُضيق ملاك عينيها
"اي على حسب ذاكرتي"
"رهيب!!"
تضربها ملاك على كتفها
"بطلي خلينا نتخارج من الهم دة عشان بديت اتوتر"
"طيب اضغطي الجرس"
"لا مستحيل لو طلعت لي امه ولا ابوه اقول شنو"
"صح نسيت ما فكرنا في دي"
"طيب حسي نعمل شنو؟"
«تنظر ملاك حول المكان»
"عندي فكره"
"شنو؟"
"انا حاضغط الجرس لو فتحت لي امه ولا ابوه حأسوي نفسي عايزه اسأل من بيت صحبتي"
"عبقرية عبقرية ماف كلام"
«تبتسم لها ملاك و تضغط الجرس ، تمر الدقائق ولكن لا احد يجيب»
"الناس ديل شكلهم ماف نرجع احسن يا يسو"
"لا لن نبرح حتى نصل"
"يا بت نبرح شنو ارح ياخ انا بديت استوعب البنسوي فيه"
"يا ملا..."
«يقاطع نقاشهما صوت فتى»
"ملاك؟"
"مُع..معتصم!"
«تنظر ملاك الى معتصم بتوتر بينما يبادلها هو نظرات الصدمة و تترقب ياسمين ما سيحدث»
"الجابك هنا شنو؟"
يسأل بحنق
"انا جيت ساي بتمشى قاعدة اشوف الجو هو كيف يعني المكان حلو و الارض نظيفة و جميلة"
-تحرك يديها في الهواء في محاولة فاشلة لشرح ما تفعله-
-تطبق ياسمين شفتيها و تغمض عينيها في حرج من ما تقوله صديقتها-
"طيب جرس الباب برضو محتاج فحص ولا شنو؟"
-يرفع حاجبه و يعقد يديه على صدره-
-ترمش ملاك بسرعة-
"لا انا بس كنت بحاول يعني انا ..اه ماف مفر جيت عشان اعتذر"
-تطلق ياسمين ضحكة ساخرة-
"فضحتينا"
-يدحرج معتصم مقلتيه-
"انا ما عايز اعتذارك البينا انتهى و انتِ قلتِ كدا بلسانك و كشفتيني انا واحد كذاب تاني عايزه شنو مني ؟"
-تنظر ملاك للارض بتشتت-
"هي هي...اسمع هي جات تعتذر ليك و جات قدام باب بيتك حاول تتفاهم معاها على الاقل"
أنت تقرأ
||بـتـّلآت||
Fantasyلن تتوقع ابداً ما سيحدُث... كل الحقوق محفوظة لي انا الكاتبة الاصلية و لا اسمح باخذ القصة او الفكرة او اي اقتباس منها الا بإذن مني.
