||بـتـّلآت||

2:22

————-/////————

•وكم لا بأس ندَّت عن شِفاهٍ
‏وفي قلبِ المُعَنَّى أَلفُ بَأسِ!•
———"
——"
———"

-_-_-_-_-_-_-_-
حاولت اصرخ بس ما قدرت ، حاولت اتحرك لي قدام بس وقعت على راسي و -طخخخ-
ايييي انا وين دة شنو ها.. دة كان حلم انا كنت بحلم انا كنت بحلم

________

"الساعه 6:00 صباحاً"
-في مطبخ كبير و على طاوله طعام-

مؤيد : لمى ما حتصدقي حصل شنو امس حلمت ان بيتنا مسكون
لمى -وهي شغاله بالتلفون-: ايوا تمام صح
مؤيد : هو شنو الصح قلت ليك حلمت ان بيتنا مسكون
لمى : اي يا مؤيد صح كلامك
مؤيد و هو بعاين ليها بغضب : ل ل ل ل لممممى انا بتكلم معاكي خلي التلفون
لمى : مؤيد انت صح
مؤيد -و هو بحاكي فيها- : نانا مؤيد انت صوووح ، انا طالع خلاص
لمى : انتظرني
مؤيد : يعني حسي سمعتيني ما بنتظرك و خلي السواق يفوتك احسن
لمى : صح صح
مؤيد : ياخي بلى فشكلك
لمى : اتفق
-مؤيد-
عاينت ليها بحقد و شلت الشنطه ياخي ليه لازم الاخوات الكبار يكونو مستفزين كدا قبل ما اطلع من الباب سمعت نفس الهمس بس ما كان واضح ، توترت بس حسيت انه كان وهم فطلعت الحوش عمو جمعه كان منتظرني ركبت العربيه و اتجهنا للمدرسه متحمس احكي لي الشباب الحصل لي

——————

"الساعه 6:30 صباحاً"
~في حديقه كبيره فيها مراجيح و
كراسي بيضاء مزخرفه ~

-ملاك-
عدت الساعه سته و الترحيل ما جا طيب ليه اصحى بدري ياخي مدام انت حتتأخر اففف ، بديت الف في الحديقه على شكل دائره و بتكلم مع نفسي ، طيب يا ملاك امك قالت ليك احسن تمشي مع السواق بس انتي لااا عايزه اجرب الترحيل ياخي غباء غباء لو ما كدا كنت حأكون نايمه و اصحى زي ما عايزه غبيه ملاك غبيه ، فجاة قطع حواري مع نفسي صوت الترحيل خطفت الشنطه و جريت على الباب و ضربت راسي بالباب لان كنت دايخه من اللف .

"الساعه ٦:٤٥ صباحاً"

<في بيت ابيض اللون كبير و تحيط به اشجار النخيل>
تحديداً داخل صالته ذات الاثاث الحديث الذي يوحي بالطابع الامريكي و يتخللها ضوء اشعه الشمس من تلك النوافذ العملاقه التي تمتد من الارض حتى السقف و في احد الصوفات الفاخره يجلس هو و في يده كوب قهوه

——————
-فادي-
تصفحت مجلات الماركات العالميه الخاصه بالموضه و بديت اشرب قهوتي من كبايتي المفضله المكتوب عليها (( #1 )) و معناها رقم واحد دايماً لاني لازم اكون الاول في كل شي ، عاينت لساعتي ، الساعه سته و خمس و اربعين دقيقه لسا الوقت بدري ممكن اخلص و كملت تصفح مجله ديور و في الاخير قررت ان حأشتري شنطه مدرسيه منها و قفلت المجله ختيتها على الطاوله جنبي ، عاينت للساعه مره تانيه عامله (6:50) كملت القهوه بسرعه و طلعت على الشارع السواق كان موقف العربيه قدام الباب بالضبط زي ما طلبت منه كل شيء مثالي ركبت العربيه و فجأة....