||بـتـّلآت||

9:99

————-/////————

•لا تبدأ إذا كنت خائفًا
لا تخف إذا بدأت•

———"
——"
———"

فادي : كديسه و بتتكلم !!!
كساندرا : اسمي كاسي .... انا حأدخلكم
عبدالرحمن : يعني ا...انتِ بسه و بتتكلم -يضحك-
كساندرا : ما واضح يعني، عايزين تدخلو ولا لا؟
فادي : اي عايزين بس كيف و في طريقنا لازم تفسري انتِ منو و كيف بتتكلمي
كساندرا : لو اقتنع مالِك ممكن هو يقول انا منو
عبدالرحمن : و اذا لا؟
كساندرا-تحول رأسها لأفعى و تبقي جسد القطه ،تنظر لي عبدالرحمن- : حأقتلكم -تعود لهيئه القطه-
عبدالرحمن-يصرخ-
فادي : يعني ماف حل غير ان يفسر البحصل
كساندرا : بالضبط ، عايزين تدخلو الحقوني -تدخل بين شجيرات بالقرب من البوابه-
عبدالرحمن : فادي شرايك نرجع يمكن مؤيد كان عنده نظره بعيده
فادي -يلحق بكساندرا- : سمعت براك قالت حتقتلنا و واضح انها ما بتهظر
عبدالرحمن -يلحق به- : طيب انتظرني

________________
"الساعه 3:15"
<داخل غرفة معتصم>

-معتصم-
حأتصل على ملاك خلاص
انا تعبت من التردد...

((الهاتف المطلوب يرن...))

ملاك : الوو

-معتصم-
قلبي بدا يدق بسرعه ما قدرت ارد كنت ساكت و بسمع في صوتها ...

ملاك : الووو نادرين دي انت ِ؟

-معتصم-
نادرين منو....دقيقه هي قايلاني زول تاني حأقفل الخط

___________
"في مكان اخر"
<في الشارع>
ياسمين : دي هي؟
ملاك : لا ما هي ، ما عارفه دة منو
ياسمين : ما قال ليك شي
ملاك : لا
ياسمين : طيب شكلنا حننتظر اكتر
-صوت هاتف ملاك-
ملاك : اتوقع دي هي ... الو نادرين؟
نادرين : هلا ملاك
ملاك : كيفك
نادرين : بخير
ملاك : طيب وصفي لي بيتكم نحنا في الشارع
نادرين : شارع **********
ملاك : اوكي تمام جايين
-تغلق الخط-
ياسمين : قالت ليك شنو؟
ملاك : وصفت لي يلا حنوقف تاكسي و حنمشي
ياسمين : لو كان مشينا بعربيتكم ما كان احسن
ملاك : ما هو السواق بكلم ماما بأي شي اكيد حيقول ليها انا كنت وين

__________
"في بيت نادرين"

ياسمين : دة هو صح
ملاك : حسب الوصف اي
ياسمين : طيب دقي الجرس

___________
-نادرين-
سمعت جرس الباب بيضرب فتحته ...

ملاك : هاايي نادرين
نادرين -تحضنها- : كيفك تمام
ياسمين : هاي
نادرين : هلا منورين
ملاك : النور نوركم
نادرين : تفضلو
_______
<داخل الصاله>
نادرين : تفضلو اقعدو
-يدخل رجل نحيف يرتدي نظاره طبيه مستطيله و يبدو عليه انه في الخمسين-
نادرين : بنات دة ابوي ... ابوي ديل ياسمين و ملاك
-يتبادلون التحيه-
ياسمين : طيب نادرين قولي كل حاجه انتِ بتعرفيها عشان نعرف نحل الموضوع دة
نادرين : ما شايفه فردوس
ملاك : فردوس اهلها ما بيخلوها تطلع لوحدها مع صديقاتها عشان كدا ما قدرت تجي
نادرين : ايوا ...طيب بابا ممكن تبدا
الاب : انا اسمي يزيد و انا حارس المدرسه ...-يأخذ نفس عميق و يفرغه- امس دخلت اشوف غرفه الكاميرات عشان اجهز التسجيلات للشرطه لان طلبها القاضي... اول ما دخلت على السستم و بديت اعيد في التسجيلات لاحظت ان في شي غريب ... -يصمت-
ياسمين : كمل يا عمو شفت شنو؟
يزيد : قبل اقول الشفته ، لازم تعرفو ان في نسختين لتسجيلات الكاميرا واحده ملونه و دي بتتحفظ في سستم الكاميرا ... و التانيه ما ملونه و دي بتتحفظ في السستم الاساسي يعني الكمبيوتر ... و انا لمن بديت اراجع في التسجيليين ، كان في فرق بينهم
ياسمين : الفرق شنو؟؟
يزيد : التسجيل الملون كان فيه بت لابسه حجاب اما التسجيل التاني فيه بت ما لابسه استغربت ... بعدين استوعبت ان في زول لعب بالتسجيلات ، بس من حُسن الحظ ان هو غلط و ما غير التسجيلات المحفوظه في السستم الاساسي
ياسمين -تنظر لملاك بصدمه- : مستحيل كيف لميس قدرت تعمل كدا لوحدها
ملاك : يمكن ما هي العملت كدا اتوقع ان عندها شريك و المشتبه به الاول هو كرم حبيبها
ياسمين : صححح كرم حيكون هو ما غيره
ملاك : طيب يا عمو يزيد حتعمل شنو انت
يزيد : جلسه المحكمه يوم الخميس الهو بعد بكره حأخد التسجيلات دي و اسلمها للقاضي و احكي كل الشفته
ياسمين : يعني اتحلت خلاص اتحلت -تضحك-
ملاك : شكراً نادرين ما عارفه كنا حنعمل شنو من دونك و عمو يزيد برضو اتمنى انك تنتبه على التسجيلات لان نحنا ما عارفين الحيحصل
يزيد : اكيد يا بتي و لازم نطلع البت المسكينه من السجن
نادرين : شرفتونا