||بـتـّلآت||

4:44

————-/////————

•مزاجي يُصبح حادًا مع مرور الأيام ،
لم أعد أعرف الجزء اللين•

———"
——"
———"

——————

"الساعه 10:50 مساء"

~انت السبب اصلاً كله بسببك انت
~كريييييم ما ترفع صوتك علي
كريم : انا ما رافعه انا بتكلم معاك بالهمس بس لو عايزني ارفعه طوالي...
-بدا يرفع نبره صوته-
انت اصلا ما اهتميت لمشاكلي ، فاحسن ليك ما تدخل في حياتي
~انت مشكلتك مشكله مشكله كبيييييره انا لازم اتخلص منك ما بتنفع معاي انت خلاص خربت بقيت كعب يا كريم بقيت كعب
كريم : للاسف الاسلوب دة ما بنفع معاي ،عايز تتخلص مني زي ما بتتخلص من مشاكلك ، وريني ابداعاتك يا سيد -طلع فوق طاوله الاكل و طلع فيب من جيبه و بدا يسحب- ولا مفروض اقول يا ابوي -ينفخ الدخان-

~لا لا لا انا ما ابوك انا ما بعرفك اطلع من بيتي اطلع بلى في شكلك يا وسخ اطلع من بيتي يا نج_س و طلع وساختك دي معاك - يشير للفيب-

كريم -ونظره اللامبالاة على عينيه- : نج_س؟ كلمات جديده ضفتها لي قاموسك كويس ياخ، يلا سلام

"ينزل من على الطاوله و يتجه الى الباب"

كريم : اي صح نسيت ، حبوبه بتقول انا بشبهك

~صوت ناعس يقول : بابا في شنو و دة منو
=ماف حاجه حبيبتي امشي كملي نومك و اقفلي الشباك كويس

——————

"الساعه11:00 مساء"

-صوت موسيقى كلاسيكيه ، غرفه مليئه بالألات الموسيقية ، الجدران مُزينه باسطوانات ، و بوسترات مُغنيّ الروك و عازفي قيتار -

~فتى حليق الرأس يرتدي قميص بني مُقلم و بنطال من القطن رمادي اللون ،يجلس على كرسي و هو يعزف على قيتار كهربائي~

-معتصم-
اووففف ما عايزه تظبط  ،-يسند القيتاره على الحائط ثم يمسك بهاتفه و يتصل ب"سيف"-

معتصم :سيف
سيف : هلا معتصم عايز شنو
معتصم : عايز احكي ليك في حاجه شغاله بالي
سيف : احكي
معتصم : قبيل في المدرسه بعد المسرحيه ، شفت واحده و الصراحه ما قادر اطلعها من بالي
سيف : ايوا الكانت واقفه لمن جيت اناديك؟
معتصم : بس هي
سيف : ايوا ما ركزت فيها شديد
معتصم : لكن انا ركزت
سيف : اول مره واحده تعجبك العجبك فيها شنو
معتصم : ما عارف عايز اتعرف عليها  لكن كيف اجيب رقمها  ؟
سيف : ما عرفت اسمها
معتصم : لالا بس العارفه انها مثلت دور جوليت
سيف : خلاص يا صحبي خليها علي بعرف كيف اجيبه ليك
معتصم : عشان كدا اتصلت عليك
سيف : -يضحك- تمام يلا اقفل عشان اشوفه ليك
معتصم : يلا سلام
سيف : سلام

——————
-سيف -
في زول واحد بس بقدر يجيبه لي

((جاري الاتصال ....))