||بـتـّلآت||

6:66

————-/////————

•سقَط العزم يا شَقيق الروح
حَسِبنا أننا لا نهون وهُنّا•

———"
——"
———"
"الساعه 11:30"

-القسمA-

ياسمين : يلااا يلااا الجرس دة مفروض يضرب
لارا : ياسمين انتِ عارفه ان فضل نص ساعه على نهايه الدوام
ياسمين : نص ساعه !!! بتهظري لا ياخي
لارا : ليه مستعجله كدا ؟
ياسمين : عايزه اعرف لميس قالت شنو لي ملاك
لارا -تضع يدها على الطاوله و تسند فكها بكفها- : يعني دة كله عشان الشمارات
ياسمين : انتِ ما عارفه البت دي خبيثه
لارا : ملاك؟؟؟
ياسمين : لا يا غبيه ملاك شنو لميس
لارا : ليه ؟
ياسمين : انتي من تشوفيها بتحسي ان في حاجه غلط ، بالذات اخر ايام دي بقيت بحس انها بتخوف هي اصلا ما طبيعيه و زادت زياده و كمان تجي تقول عايزه رقم صحبتي لازم اعرف عايزه ليه
لارا : تحمست اشوفها وريني ليها بعدين
ياسمين : تمام

________________
"الساعه 11:40"

-القسمD-

"فصل تخرج منه الكثير من الضوضاء ،تم الخربشه على جدرانه بعبارات غير مفهومه"

~مرافي ارجوك احكي حصل شنو ، و لميس عملت شنو
مرافي : تغريد انا كلمتك ماف حاجه
تغريد : يا مرافي قولي ياخي انا عايزه اعرف لو ما كلمتيني حزعل
مرافي -تعقد يديها و تسترخي على الكرسي مُغمضه عينيها- : طرشقي
-هدوء مفاجئ-
تغريد : مرافي عايني عايني لميس جات
مرافي -تفتح عينيها بسرعه-
تغريد : دقيقه دي لميس؟

-تحاول لميس المرور بين الطالبات لتصل لمقعدها في اخر الصف متجنبة نظراتهن لها ، ثم تجلس بالقرب من مرافي و تدخل يديها في جيب جاكيتها-

تغريد -تعدل جلستها-: احمم
مرافي -تنظر للميس وعلامات الصدمه قد ارتسمت على ملامحها من ثم تمسك بها و تسحبها بقوه نحو باب الفصل-

لميس : فكيني عايزه شنو
مرافي : اسكتي ولا حرف
لميس -تحاول فك يدها-
"تدخلنا الحمام و تغلق مرافي الباب ثم تتأكد بأن لا احد في الداخل"

مرافي -بحزم و قلق-: لميس دة شنو دة الحاصل عليك شنو
لميس : شنو ؟
مرافي : لا و بتسألي -تديرها ناحيه المرآة و تشير بيدها لها- دة ،دةشن؟!! ليه وشك عامل كدا من متين عندك هالات تحت عينك و بشرتك انتهت و شعرك ليه عامل كدا ، ليه شعرك مبهدل كدا و عيونك مورمه و حمرا ، لميس في حاجه حاصله ليك؟
لميس : اتوقع ما يخصك
مرافي : لا يخصني و لو ما خصني يخص منو يعني
لميس : بس انتي تخليتي عني عايزه شنو مني تاني
مرافي : انا ما تخليت عنك يا لميس انا قلت ليك ابعدي من كريم لان الولد ما كان مطمني و اصلا شكله ما بطمن و انتي هجتي فيني و سمعتيني كلام ما بطلع منك ، و كله عشان شنو عشان ولد؟؟
لميس : اي عشان ولد و الولد دة بحبني و انا بحبه و انتهى خلاص خليني اطلع - تحاول الخروج و لكن مرافي تمنعها-
مرافي : لميس انا شفتك قبيل مع كريم
لميس -و قد جحظت عيناها- : ششش..شفتي شنو!!
مرافي : شفته اداك كيس فيه شي ابيض
لميس -تضرب مرافي بقوه على فكها ثم تلصق رأسها بالحوض و تخرج سكيناً من جيبها تضعها على رقبت مرافي -
مرافي -بهلع- : ل..لميس دة شنو دة زحي مني
لميس-و قد بدأت بالتأتأة-: ل..لو لو كلمتي زول بالحصل حح حتكون نهايتك عل على يدي فافا فاهمه
مرافي-بدات بالبكاء- : لميس منو العمل فيك كداا دي ما انتي دي ما لميس البعرفها
لميس : اي البتعرفيها كان ضعيفه و دايماً في ضُلك انتِ الناجحه و المتهوره و المتمرد المشهوره اما انا -تضغط السكين و تصك اسنانها- انا المغروره الجميله ضعيفه الشخصيه الغبيه صححح لكن لا لا انا الاساس ايامك ولت يا مرافي ولت دة دوري -تخدشها بالسكين فيسيل دمها-
مرافي -تصرخ - : لميسسس وقفي
لميس -تضحك-
مرافي : دة كله بسبب كريم الحقير كله بسببه
لميس -تتبدل ملامحها من السعاده الى الغضب- : ما تجيبي سيره كريم على لسانك ، حتى كريم كنتي عايزه تاخدي صح بس ماف ليك هو حبيبي
مرافي : ما كنت عارفه ان الحبيب بيضر حبيبه
لميس : اسكتي انتِ بس بتغيري مني
مرافي : طيب اي صح انا بغير منك ، و انتِ البطله ، بس ارجوك فكيني
لميس -تلعق شفتيها بلسانها- : لا ما بالسهوله دي اوعديني انك تاني ما حتقربي على كريم ولا علي و ما حتجيبي سيرته ابدا
مرافي : وعد وعد بس فكيني
لميس : و ما حتجيبي سيره الحصل دة للوكيله او اي زول
مرافي : خلاص تمام
لميس -تبعد يدها ببطء ثم تجلس على الارض و تخرج من جيبها كيس ابيض صغير ،تشقه بأسنانها فيخرج مسحوق ابيض ، تضع القليل على راحت يدها-
مرافي -تتابع بذهول-
لميس -تعيد الكيس لجيبها و يداها ترتجف ، تسد احدى فتحات انفها و تستنشق المسحوق بسرعه ،تخرج زفيراً-
مرافي -تجحظت عيناها- : لميس انتي بتتعاطي؟؟؟؟
لميس -تنظر لمرافي بهدوء و تبتسم-
مرافي -تبدا بالبكاء و تجثي على ركبتيها بالقرب من لميس ، تمد يدها لتتحسس وجهها- لميس منو عمل فيك كدا لازم يتعاقب دة كريم ص..ح ل..لميس دة ش.نو