ပုဂံ၌ ဒုတိယနေ့
ဒုတိယနေ့မှာတော့ စိမ်းညက်ညီအစ်မ ဘုရားကိုအရင်သွားခဲ့တယ်။ဘုရားထဲ၀င်ခါနီးမှ မြူလင်းကနေ
"ဟေ့ကောင် ကိုးကောင် သရဲခြောက်ရင်ဘယ်လိုလုပ်မလဲ"
"မြူလင်းစုတ်!! ငါသေချာရှာပြီးလေ့လာပြီးပြီ လာ၀င်မယ် မနက်ခင်းစောစောဘယ်သရဲမှမခြောက်ဖူး"
"ကဲနင်တို့နှစ်ကောင်ပြီးဦးမှာလား ကိုးကောင် ပြောတော့ ငါနားထောင်ချင်ပြီ"
"ပြောမယ်"
"ဟဲ့ဟဲ့ မိရှေး လုပ်ဦး ငါကြောက်လာပြီ မပြောရဲတော့ဘူး"
"နင်မပြောရဲဘူးမလား ရတယ် ဟိုကဂိုက်အကိုကြီးကိုသွားပြောခိုင်းမယ်"
သူတို့လဲဂိုက်အကိုကြီးဆီပဲသွားလိုက်ကြတယ်။
"မင်္ဂလာပါ အကို"
"ဟုတ်ကဲ့ မင်္ဂလာပါခင်ဗျ"
"စိမ်းညက်ညီအစ်မအကြောင်းလေးနားထောင်ချင်လို့ပါ"
"ဟုတ်ကဲ့ ထိုင်ပါခင်ဗျ"
"စိမ်းညက်ညီအစ်မဘုရားကဟိုးအရင်ကတည်းကရှိတယ်။လူတွေကကောလဟာလတွေကြောင့် မလာကြတာပေါ့နော်။ကျွန်တော်ဆိုနေ့တိုင်းဒီမှာနေဖြစ်တယ်"
"ခဏ အစ်ကို ဒီဟာလေးတွေကအစ်ကိုဆွဲထားတာလား"
"ဟုတ်တယ်ဗျ ဘယ်ဘက်ခြမ်းကအစ်မ ညာဘက်အခြမ်းက ညီမပေါ့နော်။အစ်မရဲ့မျက်လုံးကစူးရှတဲ့ ထက်မြတ်တဲ့ပုံဖြစ်ပြီး ညီမကတော့သိမ်ငယ်တဲ့ပုံပေါ့။အစ်မရဲ့နာမည်ကစိမ်းညက် ညီမရဲ့နာမည်ကတော့စိမ်းခက်၊ဒီဘုရားကိုလဲအစ်မရဲ့နာမည်ပဲယူထားတာပေါ့နော်။ညီအစ်မနှစ်ယောက်ကဘုရားရဲ့အုတ်တံတိုင်းကိုနှစ်ထပ်ခတ်လိုက်မိတာကြောင့် ရေစက်မချခင်မှာပဲ ကွပ်မျက်ခံလိုက်ရတယ်။ဒီဘက်ကနေသွားလိုက်ရင် ညီမရဲ့ဘုရားပုထိုးကိုတွေ့ရမှာပါ"
"ကျွန်တော်တို့ဒီရှေ့ကကြည့်မယ်ဆိုရင်တော့ အစ်မရဲ့ဘုရားကိုပဲမြင်တွေ့ရပြီး ညီမရဲ့ဘုရားကိုတော့လုံး၀မမြင်ရပါဘူး။ဘာလို့လဲဆိုတော့ ပါးစပ်ရာဇ၀င်တွေအရ ညီအစ်မနှစ်ယောက်ဘုရားတည်တဲ့အချိန် အစ်မဖြစ်သူကအလုပ်တွေလုပ်ပြီး ဘုရားတည်ဖို့ကြိုးစားနေပေမယ့် ညီမကနေမကောင်းချင်ယောင်ဆောင်ပြီး အလုပ်မလုပ်ပဲနေခဲ့တယ်။ပြီးတော့ အစ်မဖြစ်သူရဲ့အုတ်ချပ်တွေကိုခိုးယူပြီး ဘုရားတည်ခဲ့တယ်။ အစ်မဖြစ်သူရဲ့ကျိန်စာကြောင့် ဒီလိုဖြစ်နေတယ်လို့လဲပြောကြပါတယ်။ပါးစပ်ရာဇ၀င်တွေကများတာကြောင့် ကျွန်တော်တို့လဲဘယ်ဟာကိုအတည်ယူရမလဲတော့မသေချာဘူးပေါ့ဗျာ"
