ثار

-٣

.

جلس الرجال مع اصحابه حولين شبة النار يسولفون عن الثار اللي معهم مع الحنشل

تنهد بدوره وبدا يلعب بالنار بالعود اللي بيده - صقر
دار راسه للي تكلم - وراك ماتهرج معنا ؟

- ماني بطايق حالي يا ولد العم
- لكن المات على يدهم يكون ابوك

غمض عيونه بتعب وتنهد داير راسه لنار - اشتعل قلبي مثل هالنار شاعرٍ بالحر بعز الشتا كل مالمحة زوله بدا قلبي يتراقص

- باين انك هيمان باولد العم
رفع المعني راسه وتبسم بسخريه - هيمان !
ضحك وعبثه بنار صار اقوى وصار الحطب يتناثر بعيد عن النار
وقف وبدا يضرب النار بكل قوته بعوده لحد ماحترق العود

الكل وقف يبتعد عن الفحم اللي بدا ينتشر حولهم سبب جنون صاحبهم ركض له ولد عمه يبعده عن افعاله - وش بلاك

بدا يضرب جهة صدره بكل قوته - بلاي ذا بلاي ذا اللي ذلني
تنهد ولد عمه ودار راسه لباقي الاصحاب مبتسم بتوتر - ماعليكم منه ضرب راسه بالحجر اليوم

تنهدوا وكل واحد تحرك لجه مختلف يحرسوا القبيله - وراك انجنيت
- اي بلله انجنيت
- خبرني
- جاني علم انه تلاقى مع رجالٍ غريب ويا خوفي يحبه وانا اللي غرقان معاه

- صقر وانا ولد عمك انساه
- كيف انساه وانا موجود بهالدنيا عشان خاطر عيونه
- لجد ياولد العم اهدا مو كل احدٍ جاه يبغاه يمكنه ضيف نازل عندهم

- ليته يعرف بللي بقلبي لكان عذرني
تنهد ولد العم وجلس متربع تارك العاشق يتمشى لوحده بيده الربابه وعلى كتفه سلاحه

جلس يشب الضو قدامه وبدا يعزف على ربابته يشرح بللي بقلبه من وله وشوق

سمع صوت الخيل تركض ووقف عزفه وقام يفز يترك ربابته ويشهر سلاحه

وقف صاحب الخيل قدام ونزل منها - سلام
- عليكم السلام منهو انت ؟

شال الغريب لثامه - وكيف ما عرفتني ؟
- اي بلله اني عرفتك ماهو انت رحال ؟

- نزل سلاحك ياصقر تراني جاي بسلم
طاوعه ونزل سلاحه قلبه يدق ويدينه بدت ترجف وجسمه بدا يعرق رغم برودة الجو

- وش وراك ؟
- جاي نشوف حل ماني باغي هالعداوه بينا

-عمك اللي بداه وقتل ابوي شيخ قبيلتنا
- عمي مو قاصد قتله وانت عارف اسبابه

- وانت خايف على ولد عمك !
- وليه ما اخاف عليه وهو من لحمي ودمي انا موجود ، انا الشيخ الجاي لقبيلتنا ، خذ روحي بداله