ثار

-١٠

طلع رحال ساند جسم صقر عليه ولقى الشرطه موجوده جلس صقر على الارض وتبسم له

يمشي رايح لسيارة الشرطه قبل بدخلون زايد فيها - السموحه يا زايد كنت بزر وماعرفت كيف ارد اعتباري منك الا باهانتك

رفع راسه المعني وطالع فيه - وانا وش سويت لحتى ترد اعتبارك

رحال - كانو يقولون عني كلامٍ بلسانك انك تقول انا ولد حرام

وسع زايد عيونه كان يبي بر لكن الشرطي دفعه وخلاه يدخل للسياره
طق نافذة السياره لافت نظر رحال وقرا شفايفه - انت اللي سامحني يا رحال

نزل رحال راسه وقبض يده متراجع لعند صقر يجلس قباله دار راسه عنه وعض سفايفه بقوه - تريد تبكي يارحال

نفى لكن دموعه خانته وطاحة مخليه قلب صقر يضرب رفع يده ناوي يمسح دموعه لكنه تراجع وقبضهم يبعد راسه عن دموع رحال

معاذ - رحال ؟

سمع اسمه من صوت شخص مالوف رفع راسه وتبسم يوقف قباله
- معاذ

معاذ ضم رحال لصدره ولاطف وجنته - شفيك نحفت حيل

رحال- علوم كثيره

معاذ - شرايك تجي شقتي ونسولف براحتنا عن هالبرد

طالع رحال بصقر وابتسم - مانيب تارك روحي هان واجي معك حسد بلا روح

جلس جنب الشيخ ومسك يده والثاني تبسم بوسع - لولا العيب لكان ضميتك لحد ماتدخل وسط قلبي يارحال

ضحك المعني ورفع راسه لمعاذ اللي جا جنبه شهاب جلس معاذ وسهاب جنبهم بتاملونهم

معاذ - اقصد لنا يارحال

فز صقر ودفع جسم معاذ - لا قصايد رحال لي

ضحك معاذ واعتدل يناظر بشهاب اللي لوى شفايفه مو عاجبه اللي قاله معاذ ومال تجاهه - الحين هذا اللي حبيته ؟

معاذ - لا كنت عارف من البدايه ان قلبه مرتبط باحد لكن اللي حبيته واحد من قبيلته بعدين متى قلت اني حبيت منهم انت هبل

شهاب - ليه تهاوسني الحين مو انت اللي افصحت ذاك اليوم ولا تبيني اسوي زيه واكتب شعر

معاذ - اثرك جمل حقود
شهاب - يعني ذا حقد

قلب رحاد عيونه وساعد صقر بقومته - وراهم ذول
رحال - مدري لكن الوكاد انهم عاشقين لبعض

صقر - هوشة متزوجين

صحك رحال وتوجه لوحده من الخيول - ذي فرس ارشاش ولد عمي

صقر - وفرسك انت وين ؟

رحال - اقتلوها
صقر - ذلحين كل غنايمك من مال وذهب ومواشي ترجع لك

رحال - ومن يرجع اهلي

.

نزل صقر من الفرس بعد ماحس بتعب ونزل معاه رحال اللي تقدم له يبسط فروته على الارض ويمدد صقر عليها