ثار

-٤

نص الليل ركب رحال فرسه ومشا به لحد حدود الحيد يوقف هناك تلثم وتامل نجوم الليل

هب الهوا مخليه يجفل ببرودة الجو ، عدل فروته على كتوفه وتكتف يتلفت يمين ويسار تنهد كون ضالته ماوصل

نزل من على فريه وشب النار يجلس جنبها يتنهد طالع بالنار بهدوء وبصمت تامل كبف تتراقص مع هبة الهوا
-ريح الحطب والبرد ومقابل النار
‏تجلي عن الخاطر ( همومٍ كثيره )

سمع صوت الخيل وفز من مكانه يرفع سلاحه - رحال ؟

نزل سلاحه وتنهد يعاود يجلس قرب النار وصقر نزل من خيل يجلس جنبه متبسم له - جبت ربابتك ياصقر
- لا السموحه يالشيخ

ناطره رحال على جنب - منيب شيخ انا
- لكن الشيخه ابتجيك بيوم

تافف رحال وطالع بالنار قباله - لو بيدي
- لو يا رحال لا تتمنى شيٍ ماراح يصير

دار رحال راسه لصقر اللي تبسم له - وراك تتبوسم لي من جيت
- سلامتك
- خبرني
- تعاودت وطيتك جيتك لهان

تبسم رحال ووقف ينفض التراب عنه وسريع مسك صقر يده - وين ؟
- رايح
- انا قايل اني مابعلمك شيٍ بخاطري

ناظره رحال وجلس متنهد - الهم فوق راسي يتراكم وشوفتك تطيب خاطري
- وش من همه يا شيخ

قلب رحال عيونه وتكتف - الشتا ومصايبه البل مريض والغنم يموت والشتا مايرحم لا طفلٍ ولا شيخ ولا حرمه

- وانت ؟
- انا ؟ وش بلاي
- وجنتينك تفضحك يا رحال انت ماتحب البرد

تبسم وحال وعبث بالنار اعتد بجلسته ورفع رجل يتكي يده عليها
- لازلت على موصوع الثار يا شيخ
نفى رحال وبدا يكسر العصا اللي بيده

- الموت يدور حول القبيله المرض منتشر بها ولو الموت ما خذ شيبانا بياخذ ارشاش مني

تنهد صقر وناظر بللي جرح نفسه بدون مايدري بسبب العصى الخشبيه وفز يمسك يدينه - وش سويت ؟
ناظر رحال بيدينه بعجب ورفع راسه للهفة صقر له - يا شيخ ؟
رفع صقر راسه وتراجع متوتر - مهوب شي ياشيخ جرح سطحي بيتشافى

ابتسم صقر وبعد بخفه عنه راجع لمكانه

.

وقف معاذ على باب الخيمه يحاول يدفي نفسه عن هالبرد اللي هو فيه
- معاذ
دار راسه لمصدر الصوت وتبسم لما شاف ارشاش جاينه ومعه فرو بين يدينه
- سم ذي فروه وصا بها الشيخ رحال لجلك
تبسم معاذ وسحب الفروه من عند ارشاش - مشكور

ناظر ارشاش بملامح معاذ اللي بدات تظهر من بعد الكدمات اللي ملت وجهه - الشيخ قال لي باين انك مزيون

ضحك معاذ ولبس الفروه - الزين زين العين اللي تحلي كل شي تناظره
- الشيخ قالي انك تعرف لعلومنا كون انك بدوي