ثار

-٨

كان جالس يدندن على ربابته والنار تشتعل قباله ودار ماداره كانت الرجال تجلس حوله

ورحال كان واقف من بعيد يناظرهم ببسمه مستند على عامود الخيمه
ملاحظ ان الكل يستمع لغناوي شيخهم

تنهد ودار للخيمه راجع لها يجلس منزوي يفكر بارضه وقبيلته وكيف انها راحت بغمضة عين اكبر قبايل البدوان واقواهم كيف تروح بهالسهوله _ الوكاد انكم رحتم غدر ولا كيف بقوتكم ترحون _

دخل صقر الخيمه متجه له وجالس جنبه - بلاك يابن الحنشل جالس هنيا وراه ماتجلس معنا

رحال - ضايق صدري ولا لي خاطر اسمع غناوي

صقر - وربابتي

رفع رحال راسه وناظر بلي متبسم له
- ياللي على صوت الربابة تغني
‏ تلعب بها لعب الطرب وانت سالي
‏  حنّت .وانا معها ضلوعي تحني
‏      حـالي نحيل وحالها مثل حالي
‏  شف حالها ماغير عودٍ بشَنّي
‏  تقنب قنيب الذيب والجوف خالي

صقر - وليه كل هذا يا رحال منيب بمكفيك ان كان اهلك اتركوك انا اهلك وعزوتك وتراني لك الحمى ولو تاهت دروبك انا لك الوطن لو ضاعت اديارك

ضحك رحال - اشوفك فمت تقول القصيد ياصقر

صقر - اي بلله من عاشر القوم

تبسم رحال وتنهد - صقر

صقر - لبيه

رفع راسه له وبخجل تبسم ونزله - ابقول لك كلام يسليك

صقر - اسمعك

رحال - يا صقر الوادم مالها الا الظاهر انا وانت رفقان من عمر وبعيون الناس انا وانت اعداء كون عمي قتل شيخكم

صقر - ايه ومحدٍ يقرب صوبك من قبيلتي كون اني هددتهم

اوما رحال - بس انا قلبي مهو بخالي

صقر - ومنهو فيه

رحال- صعب الوصول له

قبض صقر يده وفجاه حس انه وده يضرب رحال على الكلام اللي يقوله

صقر - انت قلتها وهذا انت تكررها قلبك مهو خالي قلي منهي وانا رايح اكلهم ابوها لجل اخطبها لك

ضحك رحال - بنت شيوخ فوق محدٍ يقدر يوصلها لا هو انت ولا هو انا

صقر - ومن هي الهنوف بنت الشيخ احمد

رحال - تقصد الشيباني ؟

صقر- ايه

ضحك رحال ونفى براسه تبسم بوسع - لا اعلى منها

صقر - اعلى لجد الوكاد انها مها بنت الشيخ عواد

رحال - لا تتعب نفسك ياصقر وكل اللي تفكر فيهم ماخطروا ببالي وتراها  هان بينكم

تافف صقر ومسك يد رحال يجذبها له ويحطها على صدره - ان كنت تقول ان قلبك مهو خالي وش بلا قلبي يتراجف بين انه يناظر عيونك شوفتك ترجع ايامي ولياليها وتسر خاطري ، اعتمي وبك ارجع بصير