Sheetal maheshwari...jisne abhi abhi apna MBA complete Kiya tha aur Delhi ki sabse badi company "AHUJA GROUP " mein job ke liye uska selection ho gya tha toh wo Bhopal se Delhi aayi thi ....sheetal ek anath thi..parivaar ke naam par uski bas ek badi behen thi..uski badi behn ne hi use paala tha..jab sheetal ke mom dad ki death Hui thi toh sheetal bss 5 saal ki thi aur uski badi behn 15 saal ki..Sheetal ki badi behen ka naam tha Mitali..jo ki ek teacher thi..sheetal aur mitali dono hi dikhne mein bohot khoobsurat thi..aur bohot pyari..aaj sheetal ke office ka pehla din tha aur wo Aaj late ho gyi thi..usne sun rakha tha ki Uska boss bohot khadus aur gussewala hai...use Darr tha ki kahin uska pehla din hi uska aakhiri na ho...wo jaldi jaldi taiyaar ho Rahi thi aur
Mitali uspar chilla Rahi thi..
Mitali : mene bola tha tujhe jaldi uthne ko par tu Sunti Kahan hai meri...
Sheetal : I'm sorry di...Mai jaati hun..ok bye..
Aur wo jaldi se mitali ko hug karke wahan se bhag Jaati hai...wo ek auto leti hai aur kareeb 20 minute
Mein apne office pahuch jaati hai..wo andar Jaa hi Rahi hoti hai ki kisi se takra jaati hai..
Sheetal : I'm sorry
Radhika : it's okay...tum bhi new employee ho?
Sheetal : Han...kya tum bhi ?
Radhika : Han..Myself Radhika Agarwal...
Sheetal : ohh okay.. Myself Sheetal Maheshwari
Phir dono office ke andar chali jaati hain...Jahan Unhein unke manager milte hain..
Sheetal aur Radhika office ke andar gyin toh unhein unke manager mile aur unhein kuch files dete huye bole
Manager : At the end of the day..aapka kaam hamare CEO check karenge so..do it properly kyuki..unhein ek galti bhi nhi pasand hai...
Sheetal : Okay sir
Sheetal ne do ghante mein saari files ko ache se complete ki..phir lunch time ho gaya..wo cafeteria mein aayi toh use wahan Radhika dikhi..wo uske paas aayi aur wahan baith gyi aur apne liye ek sandwich aur cold coffee order kar diya...tabhi Radhika usse boli :
Radhika : tumhara din kaisa ja Raha hai sheetal?
Sheetal : bass acha hi ja Raha hai tum batao?
Radhika : Mera bhi thik hi hai..pata hai Maine suna hai ki humare boss itne strict hain ki agar kisi ne kaam mein ek galti bhi kar di toh use turant job se nikaal dete hain...par wo bohot handsome hain yrr...
Sheetal : hein..Handsome? Yahan mujhe unse Darr lag raha hai aur tum unhein handsome bol Rahi ho...
Radhika : ab wo hain hi itne handsome hayee...saari ladkiyan Fida hain unpr..
Radhika ki baato ko sheetal ne ignore kar diya wo toh bss ye soch Rahi thi ki usse koi galti na ho..usne apna lunch Kiya aur wapis apni desk pe aake kaam karne lagi...kaam pura hone ke baad usne files manager ko submit kar di aur ghar ke liye nikal gyi..ghar jaate wakt use Radhakrishna ka mandir dikha wo wahan chali gyi jab wo darshan karke neeche aayi aur Ghar jaane ke liye road cross kar Rahi thi tabhi use road ke beech mein jaate huye ek budhi aurat dikhi aur samne se ek car aa Rahi thiUsne jaldi se us budhi aurat ko apni taraf kheech liya aur bacha liya phir boli...
Sheetal : aap ye kya kar rahin thi..aapko chot lag jaati...aap thik toh hain na...
Budhi aurat : han beta Mai thik hun...mujhe bachane ke liye tumhara shukriya...
Sheetal : dadima par aap akele kyu road cross kar rahin thi aap yahan akele aayi hain?
Tabhi peeche se ek aur lady ki aawaz aayi
Lady : Maa mere liye rukiye....
Wo lady sheetal aur dadi ke paas aayi..dadi boli :
Dadi : aree siya..pata hai is pyari si bachi ne aaj meri Jaan bacha li..
Aur phir dadi ne us lady ko sab kuch bata diya...unki baat sunke siyaji bolin...
Siya : thank you so much beta..
Sheetal : it's okay aunty...
Phir wo dadi se boli..
Sheetal : aur dadi aap...ab akele road cross mat kariyega...thik hai...
Dadi : thik hai beta...aur wo muskura din...
Phir sheetal bye bolke chali gyi aur siyaji aur dadi apne Ghar chali gyi...wo log Ghar pahuche...toh living room mein ek aadmi baitha hua tha...kareeban 28 saal ka..gora rang , 6 feet height , neeli aankhein aur muscular body..dekhne se hi wo kaafi handsome lag raha tha..siyaji aur dadi wahan aayi aur sofe par baith gyi..dadi boli :
Dadi : Rohan beta...kesa Raha tera din...
Rohan : acha tha dadi...
Ji han ye hai Mr. Rohan Ahuja.."AHUJA GROUP" ka CEO aur hamari sheetal ka boss..aur Dadi yaani ki Rajrani Ahuja iski dadi hain aur Mrs. Siya Ahuja iski maa hain..
Rohan aur dadi baat hi kar rahe the ki siyaji aayin aur Rohan ko aaj ki saari baatein bata din...
Rohan : dadi..Maine aapse kitni baar kaha hai na ki maa ke sath hi Raha kariye..
Dadi : ek toh Teri maa itne dheere chalti hai..wo budhiya ke Baal wala chala jata...
Siyaji : maa aapko sugar hai aur aap budhiya ke Baal khayengi..
Dadi : chup karo..sab ke sab mujhpar apna raub jhadte rehte hain..
Rohan unhein apne gale se lagake bola..
Rohan : are meri pyari dadi..aapko sugar hai isiliye na mom aapko mana karti hain...
Dadi : tu toh rehne hi de...par han yaad aaya...wo ladki..badi pyari thi..jisne mujhe bachaya
Rohan : han Han thik hai jab milegi toh aap use thank you keh dijiyega..ab Mai room mein ja Raha hun kaam karne...
Dadi : bass din bhar kaam karwa lo isse...aane do iski wife ko tab Mai aur wo milke iska jeena haram karenge...aur dadi hansne lagin..
Dadi ki baat sunkar Rohan ruka aur thoda gusse mein kaha...
Rohan : Dadi please...mujhe shadi mein koi interest nhi hai isiliye aap in sab cheezon ki baat na karein...
Rohan ko gusse mein dekhkar dadi ne aage kuch nhi kaha Rohan wahan se chala Gaya toh dadi siya se bolin..
Dadi : Kaash iski zindagi mein ek aisi ladki aaye jo ise pyar karna sikhade...
Siyaji : Hm...maa..
Rohan apne kamre mein aaya aur mails check krne laga jismein use aaj ke new employees ki kaam ki report mili thi..usne sabka kaam dekha aur phir apne kaam mein lag gaya...idhar sheetal Ghar pahuchi toh mitali pehle se hi ghar pe aa chuki thi aur kitchen mein thi..mitali 35 saal ki ho chuki thi par usne abhi tak shadi nhi ki thi...par abhi bhi wo young dikhti thi..wo ghar ka Sara kaam karti thi..aur sheetal kaam krne mein uski madad karti thi..sheetal aur mitali ne khana khaya aur sheetal ne use aaj ki saari baat bata di..uske baad dono sone chale gye...
Agla din..
Subah subah phirse sheetal jaldi kar Rahi kyuki use der ho gyi thi aur mitali uspar chilla Rahi thi..sheetal taiyaar hokar fatafat office aayi aur apni desk par baith gyi..Rohan bhi office aa chuka tha...tabhi manager ne saare new employees ko aake kaha..
Manager : aap sab ke kal ke kaam ke results aa gye hain..sabka kaam acha tha..par sheetal aapka kaam sir ko kaafi pasand aaya isiliye aapko sir ka assistant assign Kiya jata hai...ye sunke sheetal apne man mein boli..
Sheetal : kyaaa! Mar gyi..pata nhi mere boss kese honge...radhika ne toh bataya hai ki kaafi khadus hain par ab kya karun...Tabhi sheetal ki soch par rok lagate huye manager bola ..
Manager : Miss sheetal aap mere sath chaliye..
Sheetal : Okay sir..
Uske baad wo sheetal ko lekar CEO ke office mein gaya...is wakt Rohan apne chair par nhi baitha tha balki khidki ke paas khada kisi se phone se baat kar raha tha uski peeth sheetal ki taraf thi...manager bola..
Manager : Sir..ye hain Miss sheetal Maheshwari..aapki new assistant..
Uski baat sunkar Rohan palta aur uske palatte hi sheetal toh use dekhti reh gyi...wo tha hi itna handsome ki jo dekhta bas dekhte reh jata..Rohan ne call kata aur aakar apni chair par baith gaya aur bola..aur manager ko jaane ka ishara kar diya..uska ishara paake manager wahan se chala Gaya..
Rohan : toh aap hain..Miss maheshwari..aapka kaam mujhe kaafi acha laga
Sheetal : thank you sir...
Rohan : thik hai phir...mere bagal wala cabin aapka hoga aur mujhe aaj dopahar Tak ye charon files complete chahiye..usne table par rakhi files ki taraf ishara kiya..
Sheetal : kkyaaa...itna Sara kaam wo bhi ek din mein..
Rohan : ji han aur agar aapko koi dikkat hai toh you can quit...
Sheetal : no..no sir..I'll do that..
Rohan : aur Han...mere liye ek coffee le aayiye and then u can start with ur work...
Sheetal : Okay sir..
Wo cafeteria mein gyi aur Rohan ki coffee banate wakt khud se baat krte huye boli...
Sheetal : huh! Kitne khadoos hain..aaj ke din hi bechari bachi ko itna Sara kaam de diya.. huh! Khadoos kahin ke..
Usne Rohan ki coffee banayi aur laakar uski table par rakh di..aur files lekar wahan se apne cabin mein chali gyi..aur khud se baat krte huye aur muh banate huye kaam karne lagi..Rohan use ye sab karta dekh Raha tha kyuki uska cabin Rohan ke cabin ke bagal mein hi tha jo ki bss ek transparent kaanch ki deewar se Banta hua tha..Rohan use dekh sakta tha par sheetal use nhi dekh sakti thi...Rohan sheetal ko dekhte huye halki si smile ke sath apne man mein bola..
Rohan : pagal ladki hai..kaam karte wakt khudse baatein kar Rahi hai aur facial expressions toh dekho...
Aur uske baad wo bhi apne kaam mein lag gaya..kareeb do ghante baad lunch ka time ho gaya sheetal ne time dekha phir apna kaam dekha toh usne lunch skip karna ka plan bana liya..usne Rohan ki cabin ki taraf dekha aur khudse boli :
Sheetal : ye lunch nhi karenge kya abhi tak kaam kar rahe hain..jaake puchun kya...nhi nhi agar mujhe daant padi toh..rehne de sheetal tu apna kaam hi kar
Ye soch ke wo phirse kaam karne lagi..tabhi Rohan ne use apne cabin mein bulaya..Sheetal wahan gyi toh Rohan ne use 3 files aur pakdate huye kaha...
Rohan : mujhe aaj ke aaj ye files bhi complete chahiye...
Sheetal : But sir..Mai itni saari files ek din mein kaise...
Sheetal bol hi Rahi thi ki Rohan ne usse gusse se dekha..sheetal chup ho gyi aur files leke apne cabin mein chali gyi.....
Shaam ho gyi thi aur saare employees dheere dheere kar ke apne Ghar ja rahe the abhi bhi sheetal ki 2 files complete hona bachi thi..wo jaldi jaldi Sara kaam khatam kar rahi thi..usne dekha office lagbhag Khali ho gaya tha..aur ab office mein bass wo aur Rohan hi the..Rohan abhi bhi apne cabin mein baitha kaam kar raha tha..sheetal ne files complete ki aur laakar Rohan ki desk par rakh di..Rohan ne files uthayin aur ek ek kar saari files padhin aur bola :
Rohan : Well done miss maheshwari...
Sheetal : thank you sir..kya ab Mai Ghar Jaa sakti hun..
Rohan ne apni wrist watch mein time dekha toh Raat ke 9 baj rahe the..wo bola..
Rohan : Raat kaafi ho chuki hai Mai aapko drop kar deta hu...
Sheetal : It's okay sir Mai chali jaungi...
Aur wo wahan se chali gyi...Wo ghar ja Rahi thi par use koi auto nhi mil Rahi thi aur naahi koi cab available thi..Raat hone ki wajah se sadak par gaadiyan bhi Kam hi thi ye January ka maheena tha isiliye Raat jaldi ho jati thi..Wo abhi office se kuch hi door pahuchi thi ki use chalte time laga ki koi uska peecha kar raha hai wo peeche mudke dekhti hai toh ek aadmi uske paas aa Raha tha..sheetal ko dar lagne laga..wo boli...
Sheetal : ddduuurr raho tum mujhse..mene kaha na paas mat aao mere..
Wo aadmi bola..
Aadmi : Are mujhe toh pata hi nhi tha..ki itni raat ko itni khoobsurat cheez mere hath lag jayegi...aur wo makkari se haste huye uske paas aane laga...
Sheetal wahan se bhagne lagi par uske saamne dusra aadmi aa gaya aur uska raasta rok liya..sheetal ko bohot Darr lag raha tha..uski aankhon se aansu behne lage the..unmein se ek aadmi bola..
Aadmi : bhai aaj kya maal hath laga hai...
Aur dono haste huye sheetal ke paas aane lage..sheetal ne paas pada patthar uthaya aur us aadmi ki taraf mara..par wo jhuk ke Bach Gaya..Ab sheetal ko aur Darr lagne laga usne madad ke liye aawaz lagayi par wahan uski sunne wala koi nhi tha..Us aadmi ne jaise hi sheetal ko chune ke liye apne hath aage badhaye sheetal ne Darr ke maare apni aankhein band kar Lin thi..lekin isse pehle wo aadmi sheetal ko chu pata..kisi ne uska hath pakad ke marod Diya aur uske muh par ek zordaar mukka mara..phir us insaan ne dusre aadmi ko bhi zordaar mukke maare...jab sheetal ko maarne ki aawaz aayi toh usne apni aankhein kholin toh shocked reh gyi...uske saamne Rohan khada tha aur un dono aadmiyon ko buri tarah maar Raha tha...wo aadmi toh Rohan ke do punch mein hi dher ho gye the...aur wahan se bhag gye..Rohan peeche palta toh wahan sheetal khadi thi sar jhukaye...
Rohan : Maine kaha tha na ki Mai chod deta hun..par nhi...
Sheetal : I'm sorry sir...
Sheetal abhi bhi ro Rahi thi..Rohan uspe aur gussa karna chah Raha tha par pata nhi kyu wo use rote huye nhi dekh paa Raha tha..usne kaha...
Rohan : gaadi mein Chalke baithiye...
Aur wo dono jaake uski gaadi mein baith gye..aur sheetal abhi bhi ro Rahi thi...Rohan bola....
Rohan : Aap please royiye mat...dekhiye ab toh koi nhi hai you are safe now...
Uski baat sunke sheetal ka rona band ho gaya...usne Rohan ko apna Ghar bataya aur Rohan ne use wahan chod diya...jab sheetal Ghar ke andar jaane lagi toh Rohan bola...
Rohan : if u wish..you can take a day off tomorrow...
Sheetal : no sir...I'll be there..
Ye bolke wo andar chali gyi..Rohan use tab Tak dekhta raha jab Tak wo andar nhi chali gyi aur wo wahan se apne ghar chala gaya..Ghar jaake wo fresh hua..khana khaya aur apne room ki balcony mein jaakar khaali aasman ki taraf dekhte huye bola....
Rohan : Aakhir aaj kyu mili aap mujhe...Mai kitni koshish kar raha tha bhulne ki par 3 saal baad bhi aapko bhul nhi paa Raha tha toh maine khudko kaam mein dubo liya taaki aapki yaad na aaye...aakhir kyu reh reh ke mujhe aapka chehra yaad aajata tha..Maine toh bass ek hi jhalak dekha tha aapko..3 saalon mein ek baar nhi dikhin aap toh aakhir phir aaj kyu...aakhir mujhe ho kya gaya hai Mai aapko bhul kyu nhi paya...
FLASHBACK ( 3 SAAL PEHLE )
Rohan apni ek deal ke silsile mein Bhopal Gaya hua tha..uski deal thi "LNCT Group Of Colleges" ko use khareedna tha...wo ye deal final karke college se nikal hi Raha tha..ki saamne se hi ek ladki usse takra gyi aur Rohan ne use apni baahon mein thaam liya aur girne se bacha liya..phir wo us ladki ke chehre ki taraf dekhne laga...wo ladki jaldi se seedhi khadi hui..use thank you kaha aur wahan se bhag gyi..Rohan ek tak bass use jaate huye dekh Raha tha..us ladki ka chehra uski aankhon se hota hua uske Dil mein bass gaya tha...
FLASHBACK END (PRESENT)
Ab tak hum jis ladki ki baat kar rahe hain wo aur koi nhi balki Sheetal hi thi..us din Rohan sheetal ke hi college ki deal final karne aaya tha...halaki sheetal ne us par itna dhyan nhi Diya tha..par Rohan..use toh sheetal se pyar ho gaya tha bass pehli Nazar mein hi..aur is baat ka ehsas use abhi tak nhi hua tha...Rohan apni baatein bass apne bade bhai se share karta tha aur wo 5 saal se Ghar nhi aaye the aur USA mein hi the.. isiliye Rohan unhein bhi kuch nhi bata paya tha...Rohan ne aaj jab sheetal ko apne office mein dekha wo use dekhte hi pehchan gaya aur pata nhi kyu use dekhke uske Dil ko ek sukoon sa Mila tha..usne ye baat zaahir nhi hone di..aur aaj jab wo aadmi sheetal ko chune Wale the Rohan ka gussa saatve aasmaan par pahuch Gaya tha..agar wo aadmi wahan se nhi bhaagte toh Rohan maar maar ke unka khoon kar deta..par jaise hi usne sheetal ke masoom chehre par aansu dekhe..uska dil pighal gaya aur wo sheetal ko chah ke bhi kuch nhi keh paya...bass yahi sab sochte sochte Rohan apne study room mein jaakar dobara se kaam karne laga...
Idhar sheetal bhi apne ghar pahuchi toh mitali ne pareshan hote huye usse pucha ki wo kaha thi tab sheetal ne use saari baatein bata din..mitali ne use vishwas dilaya ki ab wo thik hai aur use khana khilaya..phir wo aur sheetal sone chale gye..sheetal ko abhi bhi halka Darr lag raha tha wo soch Rahi thi ki agar aaj Rohan nhi hota toh Aaj pata nhi uske sath kya se kya ho gaya hota..usne soch liya tha ki kal wo office jaakar Rohan ko achi tarah se thank you bolegi...aur ye sab sochkar wo so gyi..
Agli subah...
Sheetal Aaj pata nhi kaise par jaldi uth gyi thi..use dekhkar toh mitali bhi shocked thi..wo taiyaar hokar jaldi se office aagyi aur apni desk par baith gyi..wo baat baat Rohan ke cabin ki taraf dekh Rahi thi par Rohan abhi tak office nhi aaya tha...office ki timing 8:30 baje ki thi aur 9:00 baj rahe the par Rohan Aaj office hi nhi aaya...sheetal ye sab dekhkar maayoos ho gyi thi tabhi Rohan ke cabin ka door khula aur wo andar aa gaya..usko dekhke sheetal toh jaise Khushi ke maare kuudne wali thi par usne khudko sambhal liya wo uske cabin mein gyi aur chehre par ek pyari si smile ke sath use good morning wish Kiya...
Sheetal : Good morning sir..
Rohan : Good morning miss maheshwari...how are you?
Sheetal : sir..I'm very good...aur kal ke liye aapka bohot bohot shukriya...
Rohan : it's okay..aaj se agar aap overtime karengi toh I'll drop you home and you can't reject me...
Sheetal : Okay sir...
Phir Rohan ne use 5 files di aur kaam karne ko kaha par aaj sheetal ne koi objection nhi Kiya aur apne desk par jaakar smile ke sath kaam karne lagi...
Use hansta dekhkar Rohan ko bohot sukoon mil Raha tha..aur wo bhi apna kaam karne laga..lunch time mein sheetal ne jaakar lunch Kiya aur jab Rohan ke cabin mein use files dene gyi toh wo wahan baitha kaam hi kar Raha tha...wo boli..
Sheetal : Sir aap lunch nhi karenge...
Rohan : Nhi...Mai bahar ka khana nhi khata hun...
Sheetal : Ohh Okay sir...
Aur wo files wahan rakhke phirse apne kaam mein lag gyi..aaj usne files ko jaldi hi complete kar liya tha aur usne wo Rohan ko de di..Rohan ne abhi aaj use jaldi ghar jaane ko kaha...toh wo bhi Khushi Khushi office se nikal gyi..abhi kewal 5 baj rahe the..Toh sheetal ne socha ki wo kuch der ke liye mandir jayegi..use mandir aakar bohot sukoon milta tha..use lagta tha jaise uske bhi parents hain..jab wo radhakrishna se apne man ki baat kehti thi..wo mandir gyi aur wahin baith gyi aur Radhakrishna se baatein karne lagi tabhi kisi ne uske kandhe par hath rakha toh ye dadi thi..unhein dekhkar sheetal khush ho gyi aur boli...
Sheetal : Aree..dadi aap..? Kaisi Hain..aap?
Dadi : Mai toh achi hun beta..tum yahan Roz aati ho kya..
Sheetal : Han..dadi jab bhi office se jaldi chutti ho jaati hai ya man pareshan hota hai tab Mai yahin aati hun..aap bhi yahan Roz aati hain??
Dadi : Han beta..ghar mein sab log apne kaam mein lage rehte hain isiliye Mai aur siya yahan Roz hi aate hain..yahan aake man ko bohot acha lagta hai..tabhi wahan par siyaji bhi aa gyin aur un dono ke sath baith gyi..dadi bolin...
Dadi : ye siya hai meri Bahu....
Sheetal : Hello aunty..
Siya : Hello beta...tumhara naam kya hai?
Sheetal : mera naam sheetal hai..aur Mai yahan par ek company mein job karti hun...
Siya : ye toh bohot achi baat hai..tabhi dadi bolin..
Dadi : beta..kal hamare yahan Puja hai toh kal tum usmein zarur aana..ye Puja hum har saal karte hain Ghar ki shanti ke liye...
Sheetal : par dadi...Mai kaise..
Dadi : Tumne meri Jaan bachayi hai aur Mai dhang se tumhara shukriya aada bhi nhi kar payi isiliye Mai chahti hun ki tum hamare yahan Puja mein aao..kyu siya?
Siyaji : ji..sheetal beta maa sahi keh rahin hain.. please aajana...aur kal toh sunday bhi hai..toh tumhare office ki chutti hogi..na
Sheetal : Han aunty chutti toh hai..acha thik hai Mai aaungi..
Siyaji : tum apni family ko bhi le aana...
Sheetal : Acha aunty Mai chalti hun...warna raat ho jayegi..
Siyaji : thik hai mujhe apna no. De do Mai tumhe address msg kar dungi..
Sheetal ne unhein apna no. Diya aur Ghar chali gyi..idhar siyaji aur dadi bhi ghar aa gyin..Rohan just Ghar aaya tha..siyaji aur dadi ne jab use ye baat batayi toh wo bhi "acha Kiya aapne" kehkar upar chala gaya...Idhar sheetal ne ghar pahuchkar mitali ko saari baatein batayi toh wo bhi khush hui..dono ne khana khaya aur so gyi..
Agli subah Ahuja mansion mein Puja ki taiyaariyan chal rahin thi..aur Rohan ki bhi chutti thi par wo apne room mein baithkar apna kaam kar raha tha.. tabhi dadi ne use neeche bulaya aur bataya ki raat ko Siddharth yaani Rohan ke bade bhai ka call aaya tha ki Aaj wo ghar aa raha hai..wo bhi pure 5 saal baad ye baat sunkar Rohan bohot hi zyada khush ho gaya aur uske aane ki taiyaari karne laga...idhar sheetal bhi apne ghar mein taiyaar ho chuki thi..aaj usne red color ka anarkali suit pehna..aur mitali ne bhi aaj light pink color ka anarkali suit pehna tha..aaj wo dono hi bohot pyari lag rahin thi...sheetal ke phone par siyaji ka msg bhi aagaya tha toh wo dono Ghar se nikal gyin aur taxi Wale ko address bata diya...
