Tabhi sheetal boli
Sheetal : Nhi Aisa nhi ho sakta..Mai apni wajah se apni di se unki khushiyan aur life nhi cheen sakti..Maine decide kar liya hai...
Rohan : kya decide Kiya hai aapne..?
Sheetal : Mai shadi karungi...
Ye baat sunte hi Rohan ke chehre par Bal pad gye...wo bola..
Rohan : Miss maheshwari ye ek bohot bada faisla hai..
Sheetal : Apni di ke liye toh Mai apni jaan dene se pehle ek baar bhi na sochu..ye toh bass ek shadi hai..pata hai Maine bachpan se dekha hai..jab bhi Mai shadi ki baat karti thi di hamesha ye kehke taal deti thi ki shadi se unki aazadi chin jayegi..aur mai hamesha unka mazak udati thi par asli baat mujhe ab pata chali..di sirf meri wajah se shadi nhi karna chahti thi...agar di ke liye mujhe ek aisi shadi nibhani pade jismein pyar hi na ho..toh Mai uske liye bhi taiyaar hun..aaj se 7 din baad di 36 saal ki ho jayengi... isiliye Mai jald hi shadi karungi...
Rohan : Par Miss maheshwari...aap..
Sheetal : Nhi Mr. Ahuja..Mai apni di ko nhi kho sakti meri Puri duniya bass wo hain..
Rohan : Par aapne kuch socha hai ki aap kisse shadi karengi...
Ye baat kehte huye Rohan ka dil kitna ghabra Raha tha bass wahi jaanta hai...
Sheetal : Nhi...
Tabhi sheetal kuch sochne lagi..aur achanak se boli...
Sheetal : Will you marry me?
Sheetal ki ye baat sunke Rohan ka toh jaise dimaag kaam karna band kar diya..wo bola..
Rohan : Aaaap sach sachmein mujhse shadi karna chahti hain..?
Sheetal : Agar di ke baad koi hai jispar Mai yakeen kar sakti hun toh wo aap hain...Mai jaanti hun aapke paas ladkiyon ki Kami nhi hai aur mujh jaisi ladki aapke kaabil bhi nhi hai..agar aapka jawab na hua toh Mai dobara ye sawal nhi karungi..par phir bhi bass ek baar Mai aapse puchna chahti hun..Mr. Ahuja...Will you marry a girl like me..?
Uski baat sunkar Rohan apne man mein bola...
Rohan : Kaise keh Diya aapne ki aap mere kaabil nhi ? Agar aap nhi toh aur kon hai mere kaabil..aap meri zindagi ban chuki hain..aur mujhe lakhon ladkiyon se fark nhi padta kyuki Mai sirf aapse pyar karta hun..
Phir Rohan sheetal se bola..
Rohan : Han..Mai aapse shadi karunga..
Uski baat sunkar sheetal ke face par ek halki si smile aa gyi.. wo boli..
Sheetal : Thank you so much...Mai jaanti hun aap mujhse pyar nhi karte phir bhi mujhse shadi karne ko taiyaar hain..chinta mat kariye agar future mein aapko kisi ladki se pyar hua toh Mai Bina sawal kiye aapko divorce deke is rishte se aazad kar dungi..Mai bass chahti hun ki di shadi kar lein..
Uski baat sunkar Rohan ko gussa aagaya..aur use uske dil mein ek dard sa mehsoos hua..wo apne man mein bola..
Rohan : Abhi toh aap meri huin bhi nhi...Aur jaane ki baat kar Rahin hain..par don't worry Mai aapko khush rakhunga..hamesha...
Sheetal : Hum kal hi marriage registration office chalenge..mujhe aapke sath court marriage karni hai..hamare paas time nhi hai...
Rohan : Thik hai..sabko bata dete hain..
Ye kehke dono khade huye..sheetal ke hath kaanp rahe the...Rohan ne uske hath apne mazboot hathon mein liya..aur aankhon se hi vishwas dilaya..wo dono hall mein gye aur Rohan ne aawaz deke sabko neeche bulaya..kuch der mein wahan dadi siyaji Sameer Siddharth aur mitali the..Rohan bola..
Rohan : Mujhe aap logo se kuch kehna hai..
Sab use hairaani se dekhne lage..
Rohan : Mai aur miss maheshwari kal hi court marriage kar rahe hain..
Uski baat sunkar sab bohot hairaan ho gye...siyaji bolin...
Siyaji : Beta..ye achanak se shadi..wo bhi court marriage
Rohan : Mom Mai miss maheshwari se pyar karta hun so I don't think shadi mein koi problem hai..
Sheetal : Han aunty..hum dono kal hi shadi karna chahte hain..aur mujhe Panditji se pata chala hai ki 3 din ke baad ka acha muhurat hai toh aap di aur Siddharth jiju ki bhi shadi Kara dijiye..kyuki di ka 36 saal ki age tak shadi karna zaruri hai..ye baat mujhe pehle se pata hai..
Uski baat sunkar mitali aur Siddharth thoda hairaan huye..halaki unhein toh ye lag raha tha ki sheetal aur Rohan ne ek dusre ko confess kar Diya hai aur dono hi jald hi shadi karna chahte hain.. wo dono khush ho gye ki sheetal aur Rohan Khush hain par sach baat kya thi ye unhein bhi nhi pata thi..tabhi Sameer sheetal se bola...
Sameer : Kya tum sachmein Rohan se pyar karti ho..?
Sameer sheetal se bada tha....aur jabse wo aaya tha tabse usmein aur sheetal mein ek acha bond ban Gaya tha kyuki Sameer bohot hi friendly nature ka tha...
Sheetal : Han..
Sameer ko Rohan ne pehle hi sheetal ke baare mein sab kuch bata Diya tha..kyuki Rohan Siddharth aur Sameer ko hi apni saari baatein batata tha..agar kuch baatein hoti jinhein wo Siddharth se bhi nhi keh pata toh unhein Sameer se kehta tha..par Sameer 2 saalon se Dubai mein uska business sambhal Raha tha..Sameer ye toh jaanta tha ki Rohan sheetal se pyar karta hai par wo sheetal ki feelings ke baare mein kuch nhi jaanta tha..par ab use laga ki sheetal bhi Rohan se pyar karti hai phir bhi use yakeen nhi ho Raha tha ki Rohan itni jaldi shadi karna chahta hai..tabhi wo kuch sochte huye bola...
Sameer : Kyun na humlog Siddharth bhaiya aur mitali bhabhi ki shadi ke sath hi Rohan aur sheetal ki bhi shadi Kara dein..
Uski baat sunkar sab khush ho gye..dadi aur siyaji toh Khushi se nachne lagin..undono ko hi mitali aur sheetal bohot pasand thi..siyaji ne toh unhein apni bahu ke roop mein hi dekh liya tha..Rohan aur sheetal bhi Sameer ki baat se sehmat ho gye..Mitali ne sheetal ko gale laga liya tha aur Siddharth ne Rohan ko..Rohan bass bebasi se muskura diya...Sheetal aur mitali apne ghar chale gye..aur dadi siyaji aur Siddharth sone chale gye..aakhir kalse unhein shadi ki taiyaariyan bhi toh karni tha..Rohan ne Sameer ko apne study room mein bulaya..Sameer study room mein aaya aur door lock kar Diya..Rohan ne use kaskar apne gale laga liya..Sameer ko pehle hi kuch gadbad lag Rahi thi..usne Rohan ko khudse alag karke dekha..uski aankhein laal thi par gusse se nhi aansuon se..Sameer bohot hairaan tha..Jin aankhon mein aajtak usne sirf gussa aur attitude dekha tha..Aaj wo aankhein laachar thi bebass thi..ye dekhke Sameer ko bohot bura laga..jis Rohan ke saamne sab apne ghutne tek dete the Aaj wo Rohan Ahuja itna majboor tha..Rohan bhare gale se bola...
Rohan : Sameer..aaj maine unki aankhon mein majboori ke aansu dekhe..aaj wo itna royin aur Mai kuch nhi kar paya Sameer..ye shadi wo majboori mein kar rahin hain kyuki agar unhone ye shadi nhi ki toh mitali ji bhi shadi nhi karengi aur unki Jaan ko khatra hai..halaki Mai ye sab nhi maanta par wo maanti hain..Sameer wo mujhse pyar nhi karti hain phir bhi mujhse shadi kar rahin hain..aaj unhone mujhse pucha shadi ke liye..Mai nhi kar paya unhein inkaar..agar kar deta toh wo kisi ore se puchti aur phir agar kisi ne unke sath kuch galat kar Diya hota toh...
Sameer : tune sahi kiya Rohan...shaant ho ja..tu tension na le..ek din sheetal bhi tujhse utna hi pyar karegi jitna tu usse karta hai..
Rohan : Aaj unhone keh diya ki wo mere kaabil nhi hain yr..koi unhein batao ki unke siwa ye dil aur kisi ka nhi hai..unke siwa koi aur Rohan ahuja ke kaabil nhi hai...Ab meri Sanson ke chalne ka sabab hain wo....
Sameer : Tu chinta mat kar Rohan...jab sheetal ko tere pyar ka ehsas hoga na tab use sab kuch clear ho jayega...chinta mat kar mere bhai...
Rohan : Hn..
Phir dono so gye..idhar sheetal ke ghar mein mitali so chuki thi..aur sheetal apni aur mitali ki photo ko hath mein liye ro rahi thi..wo sochte huye boli...
Sheetal : Meri wajah se bechare Mr. Ahuja bhi in sab mein piss rahe hain...are unko bhi toh man hoga ki ek achi ladki se shadi karein jo unhein deserve karti ho par I know...it's because of sympathy he's ready to marry me...
Phir sheetal so gyi..subah subah sab log shadi ki taiyaariyon mein lag gye the..sheetal ne 1 hafte ki leave de di thi office mein...Office mein sabko Siddharth aur mitali ki shadi ke baare mein hi bataya gaya tha..Rohan ne apni shadi ke baare mein batane ko mana kar Diya tha...usne sabko sheetal par huye attacks ke baare mein bata Diya tha..sab jaante the ki Rohan ke bohot dushman hain aur agar unhein sheetal ke baare mein pata chala toh uski Jaan ko khatra hai.. isiliye unhone abhi is baat ko private hi rakha tha..shadi ki shopping aur taiyaariyon mein kaise do din beet gye pata hi nhi chala...Mr. and Mrs. Bharadwaj bhi London se aa gye the aakhir unhein hi toh mitali ka kanyadaan karna tha..subah subah sab log ready hokar court ke liye nikal gye the...kyuki wahin hamare Rohan aur sheetal ki shadi honi thi..haldi aur mehndi ka function ek din pehle hi ho chuka tha..Sab court pahuche..Sheetal ne red colour ki chiffon ki saree pehni thi jismein uska gora rang bohot nikhar Raha tha..baalon ko khula chod Diya tha..aur hothon pe red lipstick..wo bohot pyari lag Rahi thi..Rohan ne jab use dekha toh ek pal ke liye apni palkein jhapkana hi bhul Gaya tha..sab court mein gye..Rohan aur sheetal ne shadi ke papers sign kiye..Rohan ne sheetal ki maang bhari aur mangalsutra pehnaya aur dono ne varmala exchange ki..shadi ho chuki thi..Ab Rohan aur sheetal..#Sheehan ban chuke the..dono ne siyaji dadi Mr. And Mrs. Bharadwaj ke pair chuye..jab wo Siddharth aur mitali ke pair chune ke liye jhuke toh dono ne unhein gale laga liya..Sameer ne bhi Rohan ko gale lagaya aur sheetal ke sar par hath pherte huye bola...
Sameer : Sheetal ab agar Rohan tumhe Zara bhi pareshan kare ya gussa kare na toh tum mujhe batana..tumhara bada bhai hai tumhare sath..
Uski baat sunkar sheetal uske gale lag gyi..aur Sameer ne bhi uske sar par hath phera..usne aankhon hi aankhon mein Rohan ko sab thik hone ka ishara kiya...
Phir wo log Ghar aa gye..Siyaji ne dono ka grih pravesh karwaya..jab dono andar aane Lage toh dadi ne unhein rokte huye kaha...
Dadi : Are..ruko ruko..Rohan tu Ahujas ki parampara bhul Gaya kya beta...
Rohan unhein hairaani se dekhte huye bola..
Rohan : Kaisi parampara dadi..?
Dadi : Sheetal khud apne pairon pe Chalke andar nhi aayegi..tujhe use apni God mein uthakar andar laana hai..
Unki baat sunkar sab muskurane lage aur sheetal ki nazrein jhuk gyi..Rohan bola...
Rohan : Dadi iski kya zarurat hai..
Dadi : Kyu zarurat nhi hai...ye parampara hai..sabne ki hai tere baap ne..phir tere dadaji ne..ab tujhe bhi karna hai..aur wese bhi phool si toh bachi hai meri..
Unki baat sunkar sheetal kuch bolti uske pehle hi Rohan ne jhukar use apni baahon mein utha liya..sheetal ka toh Sharm se bura haal tha..phir Rohan use andar le aaya aur mandir ke saamne use apni God se utaar diya..dono ne mandir mein jaake Pooja ki..Phir sab shaam ko hone wali mitali aur Siddharth ki shadi ki last preparations mein jut gye..sheetal aur mitali ke liye sheher ki best make-up artist aur hair stylist ko bulaya Gaya tha...
Saare ladke bhi apni apni tarah se ready ho rahe the..dekhte hi dekhte shaam ho gyi...Ahuja mansion ka pura garden bade bade logon businessmen aur rishtedaron se bhar Gaya tha...Rohan ke office ke employees bhi aaye huye the..jinmein Shreya bhi thi..usne ek white lehenga pehna tha with white backless blouse...chehre par bold makeup tha..wo achi dikh rahi thi..par uski nazrein toh samne businessmens se baat kar rahe Rohan pe thi..aaj Rohan ne black color ka three piece suit pehna tha..jismein wo kaafi handsome aur charming lag raha tha..shadi mein aayi har ladki ki Nazar bass uspe hi thi..Siyaji dadi Mrs. Bharadwaj sath mein unke relatives se baatein kar rahin thi..aur Mr. Bharadwaj bhi kuch businessmen se baatein kar rahe the..Sameer apne favourite kaam mein laga tha..mithayi khane mein..halaki uski muscular body ko dekhke koi nhi keh sakta ki wo itni mithayiyan khata hoga..par ye sab toh subah subah gym mein 2 ghante paseena bahane ka nateeja tha..Tabhi wahan Radhika aayi..aaj usne green color ka lehenga carry Kiya tha..wo bhi bohot Sundar lag Rahi thi..usne Sameer ko dekha aur uske paas jaake boli...
Radhika : Han Han thoos lo mithayi..
Sameer : Are..tum kab aayi radha...
Radhika : Jab tum mithayi thoos rahe the..Sam..
Sameer : Toh batao mujhe Miss Kiya do saal..
Radhika : tumhare sapne mein..huh..!
Phir dono hansne lage..radhika aur Sameer purane dost the..ya yun kahein bestfriends the..
Tabhi wahan par andhera ho gaya aur ek spotlight Siddharth par padi...white aur golden ke color combination ki sherwani...hath mein branded watch..sar par sehra..left hand mein talwar..wo bilkul kisi rajastani riyasat ka Raja lag raha tha..wo aaya aur stage par rakhe huye king size sofe par baith gaya...Rohan aur Sameer uske paas jaake khade ho gye aur baatein karne lage...Ab tak radhika bhi mitali ke paas chali gyi thi..tabhi wahan phirse andhera cha gaya aur ek spotlight mitali par jaake ruki... Siddharth ki toh jaise sansein hi tham gyin..kuch Aisa hi haal Rohan aur Sameer ka bhi tha...kyuki Sameer bhi radhika ke liye feel karta tha..Mitali surkh laal rang ke jode aur golden Rajasthani jewellery mein bilkul maharani jaisi lag Rahi thi...Uske bagal mein sheetal thi jisne aaj dark pink color ka lehenga pehna tha jismein diamond ki detailing thi..aur minimal diamond jewellery aur light makeup mein wo bilkul Chand si chamak Rahi thi...usne baalon ka hairstyle kuch is tarah se banaya tha ki usmein uska sindoor bilkul chup gaya tha..aur usne mangalsutra ko apne diamond necklace aur dupatte se chupa liya tha..mitali ke dusre side radhika thi..aur wo bhi bohot pyari lag Rahi thi... Background mein gana bajna shuru ho gaya..aur gaane ke bol Rohan apne man mein dohrane laga..
Rohan : Dekha hazaron dafa aapko..phir bekarari kaisi hai..Sambhale sambhalta nhi ye dil..kuch aap mein baat aisi hai...
Ye toh tha Rohan ka haal ab Zara Siddharth ka bhi haal suniye.. Siddharth toh jaise saans Lena bhul Gaya tha..uski aankhon mein Khushi ke aansu bhi aa gye the..usne kabhi nhi socha tha ki mitali..uska pyar ab sahi mayne mein uski hone ja Rahi thi..Puri duniya ke samne wo ye keh sakta tha ki mitali uski hai..wo bhi pure haq se.. Siddharth mitali ke paas aaya aur hath pakadke use stage tak le aaya..varmala ka wakt hua..pehle mitali ne varmala daali aur phir Siddharth ne..phir shuru hua photos khichwane ka silsila..family members aur kuch important logo ke sath photos click karwane ke baad shadi ka muhurat ho gaya...Mitali aur Siddharth dono hi mandap mein aaye aur baith gye..is beech sheetal ne Rohan ko dekha jo side mein khada phone pe baat kar raha tha wo uske paas gyi toh Rohan ne phone cut kar Diya aur usse bola...
Rohan : Aap..? Yahan?
Sheetal : Wo..rasmein shuru ho gyin hain..chaliye..
Rohan : Aap thik hain..?
Sheetal : Han..Mai thik hun...
Rohan : thik hai..chaliye...
Phir dono wahan aaye aur sofe par baith gye rasmein shuru ho gyin...mantrocharan ke beech Mr. Aur Mrs. Bharadwaj ne mitali ka hath Siddharth ke hath mein diya phir Siddharth ne mitali ki maang bhari aur mangalsutra pehnaya...phir dono ne phere liye...Shadi Puri ho chuki thi... Siddharth aur mitali ne apne badon ke pair chuye aur Sameer Rohan sheetal aur radhika ko gale lagaya...Ab tak function se zyada tar log ja chuke the..bass kuch log hi bache the..aur Rohan ke relatives the Shreya wahan se pehle hi chali gyi thi jab usne sheetal ko dekha tha...Ab ek badi si table ke charon ore mitali Siddharth Rohan sheetal Sameer aur radhika baithe the aur dusri table par siyaji dadi Mr. And Mrs. Bharadwaj aur kuch relatives the..Idhar mitali aur Siddharth ek dusre ko apne hathon se khila rahe the...Sameer toh khud hi khane mein laga tha aur radhika use ghoor ghoor ke dekh Rahi thi...sheetal ka dhyan toh mitali ke muskurate chehre par tha..uski muskan dekhkar sheetal hi aankhon mein aansu aa gye the..Jinhein usne kisi ke dekhne se pehle hi poch liya..par kuch bhi Rohan ki nazron se kaise chup sakta tha..usne sheetal ko aisa karte dekh liya..wo uske thik samne baitha tha..sab apne aap mein lage the aur Rohan bass ek tak sheetal ke chehre ki taraf dekh raha tha...Phir Siyaji aur dadi ne Siddharth aur mitali ka grih pravesh Kiya Siddharth mitali ko God mein uthakar mandir tak le aaya phir dono ne Pooja ki aur anguthi wali rasm hui..jismein Siddharth Jeet Gaya..sabne Sheetal aur Rohan ko bhi ye rasm karne ko kaha par undono ne mana kar diya...par phir dadi ke kehne par dono ne ye rasm ki..aur ismein sheetal Jeet gyi toh Siddharth khush hote huye bola...
Siddharth : Matlb sabpar hukm chalane Wale Rohan ahuja par ab kisi aur ka hukm chalega...
Uski baat sunkar sab hansne lage aur Rohan apne man mein bola...
Rohan : Rohan ahuja par hukm chalane ka adhikar keval uski Mrs. Rohan ahuja ko hai...aur is hukm ko toh Mai bhi Khushi Khushi manne ko taiyaar hun...
Phir siyaji aur dadi ne sabko apne apne rooms mein aaram karne ko bhej diya..Aaj mitali ko Siddharth ke room mein nhi balki radhika ke sath uske room mein Sona tha kyuki wo kal ke reception ke baad hi Siddharth ke room mein so sakti thi..is baat se Siddharth ka muh latak Gaya tha aur sab uska mazak uda rahe the..Rohan pehle hi apne kamre mein ja chuka tha...
Sab hansi mazak kar rahe the...keval Rohan ki family aur radhika Sameer ko pata tha ki Rohan aur sheetal ki bhi shadi hui hai..mitali ko radhika ke room mein bhejne ke baad siyaji sheetal ke paas aayin aur uske gaal par hath rakhke bolin...
Siyaji : beta..ab tum bhi aaram kar lo..chalo Mai tumhe Rohan ka room dikha deti hun...
Sheetal hichkichate huye boli...
Sheetal : Mom..aaj mai guest room mein so jau unhein problem hogi na...
Siyaji : Are...kaisi problem aur wese bhi ab wahi tumhara room hai..
Phir wo sheetal ko Rohan ke kamre ke bahar tak le gyin aur wahan se chali gyi..sheetal ne door khola aur andar aa gyi...Rohan ka kamra bohot bada tha..Aisa lag raha tha jaise usne apne kamre mein alag si duniya basa rakhi ho..Sheetal kamre ko dekhte huye apne man mein boli...
Sheetal : Ye toh hamare us rent wale pure Ghar ka double hai...khair ab is room ki aadat daalni padegi..
Usne charon ore dekha..pura room black grey aur white ke combination se decorated tha Jo bohot hi aesthetic look de Raha tha...sheetal ne dekha ki Rohan kamre mein nhi tha..use laga shayad wo room se hi attach study room mein hoga..wo closet room mein gyi aur kapde change karke bahar aayi...usne ek light pink shade ka kurta pehna tha aur white plazo apne baalon ko hairstyle usne khol di thi..jisse uski bhari hui maang saaf dikh rahi thi..aur gale mein mangalsutra wo khud ko mirror mein dekhte huye apne man mein boli...
Sheetal : kuch hi dino mein meri life kitni badal gyi..khair ab mujhe in sab mein hi khudko dhaalna hoga..
Phir wo room mein aa gyi..use samajh nhi aa Raha tha ki wo so Jaye ya Rohan ka wait kare...
Sheetal : kya mujhe unke study room mein jaake unhein bulana chahiye...nhi nhi kahin unhein acha nhi laga toh...ek kaam karti hun yahan sofe par baithkar wait kar leti hun..
Wo sofe par baithke Rohan ka wait karne lagi...par thakawat ki wajah se kab uski aankh lag gyi use pata hi nhi chala..kareeb Ek ghante baad Rohan room mein aaya toh usne sofe par soyi sheetal ko dekha..uske kuch Baal uski aankhon aur gaalon par jhul rahe the..Rohan uske paas aaya aur uske baalon ko saleeke se uske kaan ke peeche Kiya..sote huye sheetal bohot masoom lag Rahi thi...Rohan ki nazar uski maang mein lage sindoor par gyi toh wo muskura diya...usne sheetal ko dheere se apni God mein uthaya aur bed par le jaakar lita diya...phir wo usse kuch doori banakar let gaya aur sheetal ke chehre ko dekhte dekhte hi wo bhi nind ke aagosh mein chala gaya...Agli subah jab Rohan ki aankh khuli toh uski nazar sheetal ke chehre par padi aur uske chehre par ek smile aa gyi..wo utha aur time dekha..subah ke 7 baj rahe the..wo log raat ko 3 baje soye the..Rohan closet room mein Gaya aur dheere se room se bahar nikalkar terrace par bane gymnasium mein chala gaya...kareeb do ghante mein wo room mein aaya aur jaakar ready ho gaya..wo room mein aaya aur time dekha..ghadi mein 10 bajne wale the...usne bed par dekha sheetal wahan nhi thi..wo neeche aaya sab log dining table par baithe uska wait kar rahe the..aaj sheetal aur mitali dono ki hi pehli rasoi ki rasm thi..Rohan aakar apni chair par baith gaya uske thik samne Sameer aur Siddharth baithe the..aur head chair par dadi aur unke bagal mein siyaji baithi thi..tabhi wahan sheetal aur mitali aayin..unke hath mein bowls the..
