Sameer : Wo Amit...uska naam Amit yadav tha..aur wo us Shreya ka bhai tha..Shreya ne hi tumpar attacks karwaye the..wo camp mein saanp wala haadsa..phir wo tumhe bathroom mein band karne wala haadsa....Rohan tumse pyar karta hai..aur us Shreya ne tumhari Jaan lene ki koshish ki.. isiliye Rohan ne uske sath bhi waisa hi kiya jaisa usne tumhare sath Kiya tha..wo Amit yadav...us din tumlogo pe jo hamla hua tha Indore mein..wo attack Amit yadav ne karwaya tha..Firing ke dauraan Rohan ke hath par goli lagi thi..par usne ye tumse chupa li..nhi bataya tumhe..wo goli us leader ne tumpar taani thi par Rohan ne apne upar le liya..aur ek shabd bhi nhi bola...wo Amit yadav tumhari help karne ka natak karta raha taaki tumhe apni baaton mein fansa ke tumhare sath wo kar sake jo wo karna chahta tha..tumhara fayda utha sake...us Aryan ki bhi yahi mansha thi..wo itne din se tumse dosti ka natak kar raha tha..Rohan ne uspar Nazar rakhi thi..aaj jab tum coffee peene gyi thi uske sath..tab usne tumhari Nazar bachake usmein drugs Mila diye the..taaki aaj wo apne itne din ki planning ko anjaam de sake..ye sab tumhare sath zabardasti karna chahte the..par Rohan ne aisa kabhi nhi kiya...uska pura haq tha tumpar phir bhi tumhari marzi ke bagair kuch nhi kiya...kyuki wo tumse pyar karta tha sheetal..saare Dard sehta Raha..par kuch nhi bola...
Sheetal uski baatein sunkar bilkul sunn pad gyi thi..uski aankhon se aansu lagataar behne lage..wo rote huye hi boli..
Sheetal : unhone mere liye itna kuch Kiya aur mai..Mai bewakoof unke pyar ko na samajh saki..Maine unhein kitna kuch keh diya Sameer...Bina jaane..aur wo kuch nhi bole...
Sameer : Tum jaanti nhi ho..Rohan kabhi kisi ke saamne nhi jhuka..wo Rohan ahuja jise kisi se koi fark nhi padta tha..use tumhari har baat se fark padne laga...Wo business world ka king hai..aur tum...tum uski Queen ho..tum nhi jaanti par jiske saamne bade se bade maafia apne ghutne tek dete the..wo Rohan ahuja tumhare chehre ki muskurahat ke aage jhuka Raha...usne pyar nhi..deewanagi ki hai..jis Rohan ahuja ke samne kisi ki nazrein uthane ki himmat nhi hoti thi..usne tumhara gussa bhi muskurakar seh liya...jis Rohan ahuja ko koi galti se bhi ignore karne ki himmat nhi kar sakta use tumne itne din Tak avoid Kiya par wo kuch nhi bola..tumse baat karne ki koshish karta raha..Rohan ka gussa bohot khatarnaak tha..par tumhari aankhon mein aansu na aajayein isiliye usne apna gussa tak control Kiya..
Sheetal : Bass sameer..Maine kitna kuch kaha unse..Maine toh unhein ye tak keh diya ki Mai unki shakal nhi dekhna chahti...mujhe unse maafi mangi hogi..
Sheetal khadi ho gyi aur dono Ahuja mansion pahuche..
sheetal ne room mein jaakar dekha..Rohan wahan nhi tha..usne pure Ghar mein dekha Rohan nhi tha..
Sameer ne bhi bataya ki Rohan office mein bhi nhi hai..sheetal ne jab Siddharth se pucha toh usne bataya..
Siddharth : Are Rohan toh nayi company ki establishment ke liye Australia chala gaya..Maine usse kaha ki Mai chala jaata hun par wo nhi maana aur chala gaya..
Sheetal : jiju..ismein kitna time lagta hai...
Siddharth : ismein 1 saal ka time lagta hai sheetal...
Sheetal : Kya..
Siddharth : usne tumhe nhi bataya kya..ruko Mai use abhi phone karta hun..
Sheetal : nhi bhai..rehne dijiye..
Siddharth : mujhe bhi kaafi ajeeb laga.. ek hafte baad Jana tha par wo aaj hi chala gaya...
Uski baat sunkar sheetal apne room mein bhaag gyi..wo bathroom mein gyi aur shower on karke uske neech baithi rone lagi..use Rohan ke sath bitaye saare pal yaad aa rahe the..Rohan ka use chidhana..uski care karna..use bachana..jab wo thak gyi thi toh use God mein uthana..use Indore ki saari baatein yaad aa rahin thi..phir wo achanak se boli...
Sheetal : Ab tak aapne Mera intezaar Kiya aur dard saha..par ab meri baari hai..Mai aapka intezaar karungi..Mr. ahuja...
Aur wo bahar nikalkar kapde change karke so gyi..uske hathon mein Rohan ki photo frame thi..
