India ke topmost businesses mein ek naam Rohan Ahuja ka bhi tha isiliye usse keval national hi nhi balki international companies bhi deal karna chahti thi...Sab log meeting haal mein aakar baithe..Sheetal abhi tak nhi aayi thi..Halaki abhi tak Mr. Bharadwaj bhi nhi aaye the lekin Rohan ko sheetal par bohot gussa aa Raha tha aur Shreya mauke ka fayda uthake Rohan ko bhadka rahi thi..wese toh Rohan ko kisi ki baat nhi bhadka sakti thi par is time wo gusse mein tha..uska gussa dekhkar Shreya ke face pe ek devil smile aa gyi..Sheetal Rohan ke Sath hi aa Rahi thi ki raaste mein use yaad aaya ki usne meeting ki file nhi Li hai toh cab leke hotel chali gyi aur Rohan ko Jane ko kaha...Wo file leke jab aa Rahi thi tab raaste mein usne dekha ki ek bujurg aadmi ka accident ho gaya tha isiliye wo turant hi unhein hospital le gyi...Unhein zyada chot nhi aayi thi...sheetal ne unki dressing karayi aur boli...
Sheetal : Ab apna khayal rakhiyega...Okay uncle..
Phir usne time dekha toh boli...
Sheetal : Oh My god...mujhe late ho gaya...uncle Mai aapse baad mein milti hun...wese mera naam sheetal hai...
Aur wo wahan se bhaag gyi..Wo aadmi use dekhkar muskurate huye apne aap se bola...
Aadmi : kitni pyari bachi thi...
Uske baad usne apne assistant ko call Kiya aur gaadi laane ko kaha aur wo bhi hotel se chala gaya...Sheetal jaldi se hotel pahuchi aur jaise hi usne private room mein enter Kiya...Sabki nazrein uspar chali gyi..is wakt room mein keval Rohan Siddharth aur unki company ke hi log the..par Rohan ka gussa charam seema par tha..sheetal ke enter krte hi..Rohan ne gusse bhari laal aankhon se use dekhte huye kaha...
Rohan : Miss maheshwari...Kahan thi aap? Kaafi jaldi nhi aa gyi..mujhe laga shayad parso tak aayengi...Aapko time ka Zara bhi khayal hai ya nhi...If not..toh you can resign...
Sheetal toh pehle hi Rohan ki laal aankhein dekhkar Darr gyi thi..lekin usne jab uski baat suni toh uski aankhon mein aansu aa gye...Aur usne bohot dheere se kaha...
Sheetal : I'm sorry sir...
Rohan ne jab uski aankhon mein aansu dekhe toh gusse aur dard ki wajah se wo kuch nhi bol paya..Wo apni jagah par baith gaya.. Shreya ne jab Rohan ko sheetal ko daantte dekha toh uske chehre par ek Jung jeetne wali smile aa gyi...Siddharth ko Rohan par bohot gussa aa raha tha..wo bola..
Siddharth : Rohan...are u out of ur mind..? Abhi tak clients nhi aaye hain..so what agar wo thodi si late ho gyi..this is too much..
Uski baatein sunkar Rohan bhi apne man mein bola..
Rohan : Shayad Maine kuch zyada hi bol Diya...pata nhi gusse mein kya ho Gaya tha mujhe..I'm damn stupid..Maine toh unse resignation wali baat tak keh di jiska koi matlb Tak nhi tha...
Sheetal bass sar jhukaye apne seat par baithi thi..tabhi room ka door khula aur Mr. Bharadwaj andar aaye aur Rohan ke bagal wali chair par baith gye..Rohan ne unse hath milaya aur sabka introduction diya..jab usne sheetal ka introduction karaya tab sheetal ne apna sar upar uthaya aur us shakhs ko dekhkar wo hairaani se aankhein badi karte huye boli...
Sheetal : aap?
Mr. Bharadwaj : are beta tum?
Ye koi aur nhi balki wahi aadmi tha jise raaste mein sheetal ne hospital pahucha kar uska ilaaj karaya tha..un dono ko itne shock mein dekhkar Rohan bola...
Rohan : aap dono ek dusre ko pehle se jante hain kya?
Mr. Bharadwaj : Han Mr. Ahuja... Actually jab mai meeting ke liye aa Raha tha tabhi raste mein mera accident ho gaya tha..par is bachi ne mujhe hospital pahuchaya aur Mera ilaaj bhi karwaya ise dekhkar hi lag raha tha ki ye kisi kaam ke liye bohot late ho Rahi hai par phir bhi isne meri madad ki...par isse pehle Mai isse kuch puchta ye wahan se chali gyi....
Phir wo sheetal ki taraf dekhke bole...
Mr. Bharadwaj : Thank you beta..
Sheetal : are uncle koi baat nhi...ye toh mera farz tha aakhir mujhe insaniyat ka farz toh nibhana hi tha..
Ye baatein sunkar sabke chehre par muskan thi bss Shreya aur vanshika ko chodkar..Rohan apne man mein bola...
Rohan : Maine aapko kitna galat samajh liya Miss maheshwari...ab Mai karun toh karun kya...
Tabhi Siddharth uske kaan mein bola...
Siddharth : Pehle toh meeting kar phir batata hun kya karna hai..
Rohan use hairaani se dekhne laga jaise uski chori pakdi gyi ho...
Siddharth : Aise mat dekh bada bhai hun tera..tujhse zyada ache se jaanta hun tujhe...
Phir meeting start Hui...Sheetal ne bohot achi presentation di..phir baaki sab bhi ek ek karke apni presentation Dene Lage...
Sabki presentation sunne ke baad Mr. Bharadwaj bole...
Mr. Bharadwaj : Mr. Ahuja mujhe aap logo ke ideas kaafi pasand aaye aur khaaskar sheetal beta ke..ye deal pakki hai aur is project ki head sheetal hogi..
Rohan : Thank you so much Mr. Bharadwaj...bilkul jaisa aapne kaha waisa hi hoga...Sab khush ho gye the..
Phir sabne meeting khatam ki aur dheere dheere room se nikalne lage tabhi sheetal jaate jaate Mr. bharadwaj se boli..
Sheetal : Uncle aap apna khayal rakhiyega...
Mr. Bharadwaj : Okay betaji..
Phir sheetal bhi wahan se chali gyi..Rohan apni car mein sheetal ka wait kar raha tha par sheetal wahan nhi gyi aur radhika ke sath dusri car mein baith gyi..Rohan ne dekha ki uske bagal mein Ajay aakar baith gaya toh wo gusse mein bola..
Rohan : tum yahan kya kar rahe ho? Aur sheetal Kahan hai?
Ajay : Sir wo sheetal radhika ke sath baithi hai..keh rahi thi ki use kuch kaam hai..
Rohan gusse mein bola..
Rohan : tum abhi ke abhi car se niklo aur sheetal ko yahan bhejo warna ye job chod do..
Uski baat sunkar Ajay darte huye car se bahar nikla aur jaakar sheetal ko sab bata diya..Sheetal ko majbooran Rohan ki car mein aake baithna pada.. Driving seat par Rohan tha aur sheetal uske bagal mein aake baith gyi.. Siddharth ko pehle hi Rohan ne dusri car se hotel jaane ko bol Diya tha..Sheetal bilkul chup thi..usne dekha ki wo log hotel na jaakar dusre hi raaste par aa gye hain...wo phir bhi kuch nhi boli..tabhi Rohan ne gaadi rok di..sheetal ne bahar dekha toh wo ek badi si Lake ke saamne the jiske beech mein ek bada sa colorful wheel ghoom Raha tha..sheetal dekhte hi pehchan gyi ki ye London eye tha..wo view itna Sundar tha ki sheetal ek tak bass use dekhe ja Rahi thi...uske chehre par ek pyari si muskan aa gyi..uski smile dekhkar Rohan ke face par bhi ek halki smile aa gyi..dono gaadi se utre aur sheetal toh bass saamne ka nazara dekh Rahi thi...usne Khushi se Rohan ki taraf dekha tabhi use Aaj shaam wali baat yaad aa gyi aur uske expressions change ho gye..usne badi hi cold voice mein kaha...
Sheetal : Aap chinta mat kariye...ab Mai aapko aur pareshan nhi karungi..kal hi apna resignation letter submit kar dungi..
Ye kehke wo gaadi ki taraf jaane lagi..Rohan ne jaldi se uska hath pakad kar use apni taraf kheech liya...sheetal ke hath uske kandhe par the aur wo uski taraf dekh Rahi thi..Rohan ne dheere se kaha...
Rohan : I'm sorry...mujhe maaf kar dijiye pata nhi mujhe kya ho gaya tha Maine Bina soche samjhe aapko itna kuch keh diya..I know mujhe itna sab nhi kehna chahiye tha..
Sheetal : It's okay wese bhi kal Mai apna resignation..
Tabhi Rohan ne uske hothon par apni ungli rakh di aur bola..
Rohan : kya resignation resignation laga rakha hai..aapko ek baar mein samajh nhi aata kya? Maine gusse mein keh Diya tha wo..Mai nhi chahta ki aap mujhe chodkar jayein...Ab chup kyu hain kuch kehti kyu nhi?
Sheetal ne apne muh ki taraf ishara kiya toh Rohan ne apni ungli hata li..
Rohan : I'm sorry....
Sheetal : aap khudko samajhte kya hain ? Boss hain toh kuch bhi bolenge kya pata hai Mai kitna Darr gyi thi aapki un laal laal aankhon ko dekhkar lekin aapko kya aap toh bass Bina ruke non stop chillaye ja rahe the mere upar ye bhi nhi dekha ki bechari bachi ki aankhon mein aansu hain..pata hai itna gussa aaya tha na aapke upar us wakt man toh Kiya ek zor ka mukka marun aapke pet mein..huh!
Rohan toh bass use dekhe ja raha tha use daantte huye sheetal itni cute dikh rahi thi upar se gusse se uska chehra laal ho gaya tha jis wajah se wo bilkul kashmiri seb ki tarah lag Rahi thi aur gusse mein usne Jo muh Fula liya tha na..Rohan use dekhkar smile karne laga toh sheetal aur gussa ho gyi aur muh fulate huye boli...
Sheetal : yahan Mai aapko daant rahin hun aur aapko hansi aa Rahi hai..
Rohan : Sorry Sorry..par ye toh bataiye aapne mujhe maaf Kiya ya nhi...?
Sheetal : wo kya hai na sheetal maheshwari ka dil bohot bada hai isiliye maine aapko maaf kar diya...
Sheetal ki baat sunkar Rohan bohot zyada hi khush ho gaya aur Khushi Khushi mein usne sheetal ko zor se gale laga liya...sheetal toh bilkul shocked reh gyi..usne Rohan ka ye roop pehli baar dekha tha..Jab Rohan ko ehsas hua ki usne kya kar Diya hai toh wo jaldi se sheetal se alag ho gaya aur dusri taraf dekhne laga...sheetal bhi ab London eye ke us khoobsurat view ko dekh Rahi thi...jab London eye ki rang birangi lights uske chehre par pad rahin thi toh uska chehra chamak raha tha aur bohot pyara lag raha tha...sheetal london eye ki taraf dekhte huye boli...
Sheetal : Ye kitna khoobsurat hai na...
Rohan ne sheetal ki taraf dekhte huye kaha..
Rohan : Bohot...
Phir thodi der ke baad wo dono car mein baithke ek restaurant gye khana khane... sheetal boli..
Sheetal : Are par mujhe mitali di ko khilana hai unke hath mein chot hai wo khana nhi kha payengi...
Rohan : Unki chinta mat kariye uska intezaam Maine kar Diya hai...
Aur phir wo tedha muskurane laga...aur dono andar aakar order karne lage...
Idhar Siddharth ne mitali ko call karke neeche bula liya tha..
Mitali : Aapne mujhe ready hoke aane ko kyu kaha?...aur sheetal Kahan hai?
Siddharth : Wo actually kaam ki wajah se un dono ko ek meeting mein Jana pada toh wo dono bahar hi khana kha lenge aur sheetal ne mujhe kaha ki Mai aapke sath khana kha lun agar aapko koi problem na ho..
Mitali : Are nhi nhi ismein mujhe koi Problem nhi hai...
Uske baad wo dono ek restaurant mein chale gye khana khane.. restaurant mein khana order karke wo baat kar rahe the ki unka khana bhi aagaya...mitali khana khane ki koshish toh kar Rahi thi lekin hath mein chot lagne ki wajah se wo sahi se kha nhi paa rahi thi...tabhi Siddharth bola...
Siddharth : May I?
Mitali ne uski taraf dekha jo aankhon mein care aur fikr liye use hi dekh Raha tha...usne han mein apni gardan hila di...
Phir Siddharth mitali ko bade pyar se dheere dheere khana khilane laga aur beech beech mein wo khud bhi kha Raha tha...mitali ko pehli baar koi ladka itne saaf Dil ka Mila tha...wo soch Rahi thi ki kaise college mein kitne ladke bass uski khoobsurati dekhke use propose kar dete the par jab unhein mitali mana kar deti thi toh use kitna pareshan Kiya jata tha..ek baar toh mitali ko 12 ghante Tak ek andhere kamre mein band kar diya tha..ye sab sochte sochte uski aankhon mein aansu aa gye...jab Siddharth ne ye dekha toh pareshan hote huye bola...
Siddharth : Aree...Aap ro kyu rahin hain..
Mitali : Are nhi nhi kuch nhi...mera khana hogaya..uske baad dono hi hotel aa gye aur wahan garden mein walk karte huye baat karne lage..mitali ko bhi Siddharth ki company bohot achi lag Rahi thi.. Siddharth use kisi na kisi baat par Hansa Raha tha...unse kuch door khade sheetal aur Rohan ne jab ye dekha toh unke chehre par ek badi si smile aa gyi...sheetal ki aankhein nam thi..wo boli..
Sheetal : Maine di ko pehli baar kisi dusre ke sath itna hanste dekha hai..kaash ye hansi unke chehre par hamesha bani rahe...
Rohan : Aap chinta mat kariye...Bhai ye smile kabhi khone nhi denge...par han ab hamein in dono ko milane ke liye kuch karna hoga...
Sheetal : Aap sahi keh rahe hain..aur phir wo kuch sochne lagi...
Wo sochte huye bohot cute lag Rahi thi aur rohan toh bass usiko dekh Raha tha..tabhi sheetal achanak se boli...
Sheetal : mere dimaag mein ek mast idea aaya hai...
Rohan : Han bataiye..
Phir sheetal ne Rohan ko apna pura plan bata Diya...aur ye sunke Rohan hairaani se sheetal ko dekhte huye man mein bola...
Rohan : Omg...ye ladki jitni masoom dikhti hai utni hai nhi...
Sheetal : is plan ko kal anjaam dete hain....Okay?
Rohan : Okay done...
Uske baad wo dono sone chale jate hain...aur Siddharth aur mitali bhi sone chale jaate hain...
Agle din subah subah sabke phones pe msg aata hai ki aaj unhein camping ke liye Jana tha..sab ye msg padhke bohot khush ho gye..aur Shreya ke man mein na jaane kya plans chal rahe the...aur Rohan aur sheetal ne soch rakha tha ki Aaj kuch bhi karke Siddharth ke muh se mitali ko propose karwana hi hai...Dopahar 3 baje tak sab apne kaam karke aur sab ready hoke haal mein khade the..sabne aaj casuals hi pehne the Siddharth aur Rohan ne t-shirt ke sath jeans pehni thi jismein unki muscular body bohot ache se dikh rahi thi aur baaki ladkon ne bhi kuch Aisa hi pehna tha toh wahin sheetal ne pink top aur black jeans pehni thi jismein wo cute lag Rahi thi uska top velvet ka tha jispe ek cute rabbit bhi bana tha..mitali aise kapde zyada nhi pehenti thi par phir bhi usne ek white top aur blue jeans pehna tha jismein wo descent lag Rahi thi..radhika ne bhi yellow top ke sath plazo pehna toh wahin sabse alag vanshika aur Shreya ne off shoulder short dress pehni thi Jo sahi se ghutne tak bhi nhi aa rahi thi... Radhika unhein dekhkar sheetal se boli...
Radhika : Ye dono yahan bhi shuru ho gyin...
Sheetal : chod na jane de humein kya karna hai...
Par sheetal ke man mein toh kuch aur hi chal raha tha...aaj wo sab bus se Jane Wale the...Sab ek ek karke andar gye..tabhi sheetal ne Tushar se kaha..
Sheetal : Tushar...tum meri di ke paas baith jaoge kya?
Sheetal jaanti thi ki Tushar ko mitali achi lagti hai...sheetal ke kehne par Tushar turant Maan Gaya...aur jaakar mitali ke bagal mein baith gaya...aur usse baatein karne laga..mitali bhi usse baatein kar Rahi thi wo toh Tushar ko apne chote Bhai jaisa samajhti thi..jab Rohan andar aaya toh shreya ne use apni bagal wali seat offer ki par Rohan ne use ignore kar diya aur peeche jaake sheetal ke bagal mein baith gaya ye dekhke Shreya ka muh gusse se laal ho gaya wo apne man mein boli...
Shreya : Aakhir Aisa kya hai is ladki mein...Mai isse kahin zyada hot aur beautiful hun phir bhi Rohan ne mujhe ignore kar diya... don't worry sheetal baby...is camping mein na bohot maza aana wala hai...aur phir wo tedha muskura di.. Siddharth jab andar aaya toh usne dekha ki sheetal ke bagal mein Tushar baitha tha...aur usse Hans Hans ke baatein kar Raha tha..ye dekhke Siddharth ko gussa aane laga aur uska muh ban gaya..wo sabse aage wali seat par baith gaya..use gusse mein dekhke peeche baithe Rohan aur sheetal muskura rahe the...Rohan jaanta tha ki Siddharth ko gussa bohot Kam aata tha par jab bhi aata tha na khatarnak wala aata tha wo jaanta tha ki Siddharth khud mitali se kuch nhi kahega isiliye use ye plan banana pada..safar 2 ghante ka tha sab apne apne mein lage the..khidki se aati thandi hawa ki wajah se sheetal ko nind aane lagi thi..usne aankhein band kar lin aur uska sar ludhak ke Rohan ke kandhe par chala gaya jab Rohan ne ye dekha toh uske face par ek smile aa gyi...aur wo soti Hui sheetal ko pyar se dekhne laga.. idhar Siddharth baar baar peeche mudke Tushar aur mitali ko dekh Raha tha..use bohot jalan ho Rahi thi aur gussa bhi aa raha tha..kareeb 2 ghante baad wo log apni camping destination par pahuch gye...yahan par aur bhi kaafi saare log the camping wale..sab bus se utre uske baad sab apne apne camps mein saaman rakhne ke baad bahar aaye toh saare log apne alag alag groups banake bonfire ke charon ore baithe games khel rahe the...Sheetal Rohan Radhika Siddharth mitali Shreya vanshika Ajay Tushar aur Kunal ye sab bhi ek bonfire ke charon ore baith gye...sabka man games khelne ka tha par sab Rohan ki taraf dekh rahe the..akhir dekhein bhi kyu na wo unka boss tha..tabhi Siddharth bola
Siddharth : Tum sab games khel sakte ho humein koi problem nhi hai infact hum sab khelenge...
Ye sunke sab khush ho gye.....sabne decide Kiya ki wo antakshari khelenge...sabne apne apne groups decide kar liye...Radhika aur kunal ne sath mein group bana liya Shreya aur vanshika toh hamesha ki tarah sath mein hi thi.. Siddharth ne socha ki wo mitali ke sath group banayega par isse pehle hi Tushar ne mitali ke sath group bana liya aur Mitali ne bhi han kar diya ye dekhke Siddharth phirse kal bhun gaya...sheetal ne Rohan se kaha...
Sheetal : aap meri team mein aayenge?
Rohan : Mai ye sab games nhi khelta hun..
Sheetal : Thik hai phir Mai Ajay se puch leti hun..
Tabhi Rohan ne uska hath pakad liya aur bola..
Rohan : Kahin Jane ki zarurat nhi hai..Mai khelta nhi hun lekin aaj khelunga...
Uski baat sunke sheetal boli..
Sheetal : bade Ajeeb hain..khair mujhe kya mujhe toh game se matlb hai...
Ab Siddharth ke paas bas Ajay bacha tha..sab apne apne group ke sath baith gye..aur game start hua...
Sabse pehle Siddharth aur Ajay ki baari thi..Unka word tha 'M'..Toh Ajay ne gaana shuru kiya...
Ajay : Mujhe nind aati nhi hai akele..khabon mein aaya karo nhi chal sakunga ab bin Mai tere mera tum sahara bano...Sabne khoob taali bajayi..phir radhika aur kunal ki baari aayi toh radhika ne gaya..
Radhika : Naino ne bandhi kaisi dore re.....Naino ne bandhi kaisi dore re..munsif hi mera.. mera chore re...
Phir Shreya aur vanshika ki baari aayi toh vanshika ne Gaana gaya ' Rang de tu mohe gerua ' phir baari aayi Tushar aur mitali ki toh unlogo ka 'Aa' word aaya tha toh Tushar mitali ke sath taali bajate huye gaane laga...
Tushar : Aankhein meri har jagah..dhundhe tujhe bewajah ye Mai hun ya koi aur hai..meri tarah...
Jab Siddharth ne gaane ki ye lines suni aur dekha ki Tushar kis tarah mitali ki taraf dekhke gaana ga Raha toh uska gussa badhne laga...isi tarah sheetal aur Rohan ki baari aayi toh sheetal ne gaana gaya..
Sheetal : Hum tere bin ab reh nhi sakte tere Bina kya wajood mera...
Uska gaana sunke toh sab taali bajane lage..Rohan toh bass uski aawaz mein kho Gaya tha use lag raha tha ki sheetal ye baatein usse keh rahi hai...
Isi tarah Sabne game khele..har baar jab bhi Tushar koi love song gaata toh Siddharth ka gussa aur badh jata par wo kisi tarah apne gusse ko control karke baitha hua tha..Game ke baad sab log dinner karne lage..Sab ek hi badi si table ke charon ore baithke khana kha rahe the...Mitali kha nhi paa rahi thi toh sheetal ne apne bagal mein baithe Tushar ko uske paas bhej diya..is wakt Siddharth kisi se call par baat karne Gaya tha..usne socha ki wo jaake abhi mitali ko khana khilayega..par jab wo wapis aaya toh usne dekha ki Tushar mitali ko khana khila Raha tha...Ye dekhke toh bss ab tak rok ke rakha Siddharth ka gussa jaise nikalne ko utaavla ho gaya..wo wahan se chala gaya...use jaate huye mitali ne dekh liya...jab usne use gusse mein dekha toh uske peeche chali gyi...mitali ke peeche peeche sheetal Rohan bhi chale gye... Siddharth gusse mein wahin camp ke paas beh Rahi Nadi ke paas aaya aur wahan pade bade se patthar par zor se apna hath de mara..phir bhi uska gussa Kam nhi ho Raha tha..jab mitali ne ye dekha toh wo bhagke uske paas aayi aur uska hath dekhte huye boli...
Mitali : Ye...ye kya kar rahe hain aap..aapke hath se khoon aa Raha hai..
Siddharth ne jhatke se uske hath se apna hath hataya aur taana maarne wale andaaz mein bola..
Siddharth : Aapko mere hath ki chinta karne ki zarurat nhi hai...aap jayiye Tushar aapka wait kar raha hoga...
Mitali : Are par in sab mein Tushar Kahan se beech mein aagaya..aur ye kya keh rahe hain aap..
Siddharth : kyu..uske hath se khane mein toh aapko bhi bada maza aa raha tha...jayiye jayiye..usse baatein kariye...gaane gayiye..mere paas kyu aayi hain..
Mitali : ye kya keh rahe hain aap..Mai toh khud pareshan hun ki aap aaj mujhse baat kyu nhi kar rahe..aur aap..
Siddharth : Kyu..mujhe kyu miss kar rahin thi aap..Tushar tha toh..
Ab mitali ko bhi gussa aane laga tha..usne bhi gusse mein kaha...
Mitali : Ye kya tabse Tushar Tushar..aur ek baat bataiye aapko kya fark padta hai Mai kisi se bhi baat karun..kisi ke hath se khana khau..
Siddharth : fark padta hai mujhe..bohot fark padta hai...
Mitali : par kyu fark padta hai...?
