Siddharth itna khush ho gaya ki usne jaldi se mitali ko apni God mein utha liya aur use gol gol ghumate huye bola...
Siddharth : Thank you thank you thank you soooo muchh..mitali Mai bata nhi sakta ki Mai kitna khush hun...
Mitali toh itna sharma gyi ki usne uske seene mein apna sar chupa liya aur boli...
Mitali : Are Siddharth...mujhe neeche utariye kya kar rahe hain aap...
Siddharth ne use neeche utaar diya...aaj wo bohot khush tha aur usne mitali ko apne seene se laga liya...mitali ne bhi use kaskar pakad liya..dono ki dil aaj mil chuke the...
Idhar room mein sheetal ka body temperature dheere dheere normal ho raha tha toh usne apni aankhein kholin..uske saamne Rohan baitha tha..Sheetal ke aankh kholti hi Rohan ne jhatse use apne gale laga liya...sheetal ko khone ke Darr se wo sachmein kaafi dar Gaya tha...aur ye baat sheetal bhi mehsoos kar sakti thi ki Rohan ghabraya hua hai..jis Rohan Ahuja ko bade se bade log nhi Dara paye..infact sabki bolti uske saamne band ho jati thi..wo Rohan Ahuja ek ladki ko khone ke Darr se aaj ghabra Gaya tha..Rohan bola...
Rohan : Aapko pata hai mai kitna Darr Gaya tha..Mujhe laga aap...ab kesi hain aap aur aap bathroom mein band kaise ho gyin aur behosh kaise huin..
Rohan ke ek ke baad ek sawal sunkar sheetal boli...
Sheetal : Are Kam se Kam saans toh le lijiye... Actually Mai upar aayi thi apne gown par laga cake saaf karne ke liye tabhi kisi ne mere muh pe rumaal rakha phir Mai behosh ho gyi..Maine uska chehra nhi dekha kyuki usne khudko pura black kapdon se cover kar rakha tha...
Tabhi sheetal ne khudko dekha toh uske kapde badle huye the..Wo samajh gyi ki mitali ne uske kapde badle honge...
Rohan : Aap aaram kar lijiye...
Aur phir sheetal let gyi..Rohan bahar aaya aur Siddharth ko call karke bata diya ki sheetal ko hosh aagaya hai..toh Siddharth aur mitali sheetal ke paas aaye..mitali ne bhi use gale laga liya...aur dono uska haal puchne lage..idhar Rohan Bahar aaya aur kisi ko call kiya...
Rohan : Hello Sunny..
Sunny : Yes boss..
Rohan : Aaj phir sheetal par attack hua...tum jald se jald pata Karo ki wo unknown no. kiska hai..
Sunny : Okay boss
Ye kehke Rohan kamre mein aagaya toh dekha ki sheetal Khushi se mitali ke gale Lage huye the..wo wahan aaya toh sheetal Khushi se boli...
Sheetal : Aapko pata hai..ab jald hi Siddharth sir mere jiju banne Wale hain..
Ye sunke toh Rohan bhi bohot khush ho gaya aur Siddharth ko gale laga liya aur bola...
Rohan : Congratulations bhaii....I'm so happy for you..
Sab khush the..tabhi unke kamre mein Mr. Bharadwaj aur Mrs. Bharadwaj aaye aur sheetal ko jaga dekh dono ne use gale lagakar haal chaal pucha..phir Rohan sheetal mitali aur Siddharth ne unse jaane ki baat ki..wo unhein Jane toh nhi Dena chahte the par wo maan gye...sab hotel aaye..baaki sab toh pehle hi airplane se Delhi ke liye nikal chuke the..bass ye char hi bache the..sabne breakfast Kiya aur Rohan ki jet se Delhi ke liye nikal gye...
Is baar bhi mitali aur Siddharth sath mein baithe the..par is baar baat kuch alag thi..mitali Siddharth ke kandhe par sar rakhe aankhein band kiye baithi thi aur Siddharth ne bhi seat se apna sar tika rakha tha..idhar Rohan aur sheetal bhi seat par baithi the..par dono hi khamosh the aur apne apne laptop mein dekh rahe the..tabhi unke beech ki chuppi toh todte huye Rohan bola...
Rohan : Aapki tabiyat kaisi hai?
Sheetal : Mai ab thik hun..
Rohan : Wese aap behosh kese huin..aur wahan aapko kisne band kar diya aapko kuch andaza hai..?
Sheetal : Mai us insaan ka chehra nhi dekh payi..usne khudko kaale kapdon se Dhaka tha..aur isse pehle Mai kisi aur cheez par dhyan deti Mai behosh ho gyi..par han mujhe itna pata hai ki wo koi ladki thi...
Rohan : Aap itne yakeen ke sath kese keh sakti hain..?
Sheetal : kyuki usne girls perfume lagaya tha..aur ye koi aisa waisa nhi balki kaafi expensive perfume hai..kyuki Mai ek baar mall gyi thi tab Maine ise smell Kiya tha bss khareed nhi payi thi..ye mujhe bohot pasand hai isiliye is mehek ko Mai ache se pehchanti hun...
Rohan : Ok..ab aap rest kariye..
Raat ke kareeb 10:00 baje unka jet Ahuja mansion ki chhat par land hua..Rohan ne raat hone ki wajah se iski location change Kara di thi..sab neeche utre aur dadi aur siyaji se mile..sab living room mein baithe the..ab tak Siddharth ne apni aur mitali wali baat bhi siyaji aur dadi ko bata di thi aur wo dono bhi uske faisle se bohot khush thi..Tabhi sheetal aur mitali ne apne ghar jaane ki baat ki..ghadi mein kareeb 11 baj rahe the.. isiliye siyaji ne unhein wahin rukne ko kaha..unhone ne mana Kiya par wo nhi maani toh wo dono aaj ke liye wahin ruk gye..wo dono guestroom mein the..sheetal aur mitali so gye the..tabhi mitali ke phone pe call aane laga aur usne phone dekha toh Siddharth ka call tha..
Usne ek nazar sheetal ko dekha aur khidki ke paas jaake call uthake boli...
Mitali : Ji kahiye..
Siddharth : Aap garden mein aa jayengi..?
Mitali : Abhi is wakt... Siddharth raat ke 1 baj rahe hain...
Siddharth : Zyada der ke liye nhi..bass aapko dekhna hai..
Mitali : Acha thik hai...
Phir wo uthi aur dheere se kamre se bahar nikal gyi...wo garden mein gyi toh dekha ki Siddharth wahin par ek bench par baitha tha wo gyi aur uske bagal mein baith gyi Siddharth bhi muskurata hua use dekh Raha tha..tabhi mitali boli..
Mitali : Aise kya dekh rahe hain...?
Siddharth : Bass dekh Raha hun..das din pehle tak meri life kitni suni suni thi..par aapke aate hi jaise ismein pyar bhar Gaya..
Uski baat sun mitali muskurane lagi aur dheere se uske kandhe par sar rakhke aasmaan ki taraf dekhte huye boli...
Mitali : Aapko pata hai..aapke aane se pehle Tak Maine kabhi nhi socha tha ki Mai bhi kabhi kisi se pyar karungi...jab aapko pehli baar dekha tha na tabse aapke baare mein sochti thi..jis din aapne pure din baat nhi ki thi aur gusse mein chale gye the..mujhe bilkul acha nhi lag Raha tha..aapke confession ke baad Mai bohot badi uljhan mein thi..lekin bohot sochne ke baad mujhe samajh aaya ki mujhe bhi aapse pyar ho gaya hai...
Uski baatein sunkar Siddharth bhi muskura Diya aur use apne seene se laga liya...kuch der baad dono apne apne kamron mein aake so gye the...
Subah subah sheetal aur mitali apne Ghar chali gyin thi..aur Siddharth unhein drop karne Gaya tha...Wo Ghar aaya toh dekha ki Rohan office ke liye nikal Raha tha toh usne use jaane ko kaha aur bola...
Siddharth : Tu ja..Mai thodi der mein aata hun..
Rohan office chala gaya idhar sheetal bhi office ke liye nikal gyi aur mitali school ke liye..Rohan apne cabin mein baitha tha tabhi sheetal ne knock Kiya toh Rohan ne come in kaha..toh wo andar aayi aur boli..
Sheetal : Good morning Sir...
Rohan : Good morning Miss maheshwari...how are u feeling now?
Sheetal : I'm absolutely fine..
Rohan : That's great aaj se aap hi bharadwaj publications ka project handle karengi You are promoted to the project head..
Sheetal Khushi se boli : Thank you sir..par aapki assistent ka kaam kon karega?
Rohan : Han..Now Shreya yadav is my new assistant..Company ne ise final Kiya hai..
Ye sunke sheetal apne man mein boli...
Sheetal : Yahi toh wo chipkali chahti hai..khair mujhe kyu itna fark pad Raha hai aur inhein dekho kaise Khushi Khushi bata rahe hain..huh!
Phir Rohan se boli..
Sheetal : Okay sir..so I'm going to the project head's cabin..
Rohan : Ek minute..aapka cabin change nhi hoga..
Phir sheetal apne cabin mein chali gyi Rohan apne man mein bola..
Rohan : Ek toh waise hi company ki wajah se ab aap meri assistant nhi hain toh agar cabin bhi change ho jayega toh aapko dekhe Bina Mera din kaise katega...pichle 3 dino mein ye toh Mai samajh hi Gaya hun ki..I'm in love..Rohan Ahuja is in love..The King of business world is in love....
Aur phir wo chehre par muskurahat liye apna kaam karne laga..
Par aaj khush koi aur bhi tha..wo thi Shreya..jabse use subah se msg Mila tha ki wo ab Rohan ki assistant hai wo bohot khush thi..Aaj usne black color ki short dress pehni thi aur upar se ek coat wo kaafi hot lag Rahi thi..wo Rohan ke liye uski coffee le ja Rahi thi aur apne man mein boli..
Shreya : Ab Rohan ko apna banane se mujhe koi nhi rok sakta...
Phir wo Rohan ke cabin mein gyi aur uski coffee ko uski table par rakhte huye boli...
Shreya : Apni coffee le lijiye Rohan...
Rohan ne use gusse mein dekhte huye kaha..
Rohan : Just call me sir...And don't you dare take my name..
Shreya : I'm sorry sir..wo kanojiya group ke sath aaj aapki meeting hai..ek ghante mein..
Rohan ne apne laptop mein dekhte huye kaha..
Rohan : Hmm..Just get these files done...
Shreya ne ek nazar un files ko dekha..wo 5 files thi aur hairaani se boli..
Shreya : ye sab..
Rohan : yeah...
Shreya : But sir.. today's my first day as your assistant..
Rohan : Rohan Ahuja ka assistant Banna itna aasan nhi hai..aur sheetal ne toh pehle din hi 7 files kar Lin thi..aur sheetal ka naam aate hi wo muskura diya..
Uski muskan dekhkar Shreya apne man mein boli..
Shreya : phirse sheetal..aakhir pata nhi kya bhoot chadh gaya hai us ladki ka..
Phir wo files leke dusre cabin mein chali gyi.. Siddharth bhi office aagaya tha aur apne Cabin mein baitha apne laptop par kaam kar raha tha..isi tarah shaam ke 5 baj gye the abhi tak Rohan ne bass ek baar sheetal ko dekha tha is wajah se use gussa bhi aa raha tha..wo ek employee par gusse se chilla hi Raha tha ki uska door knock hua aur usne gusse mein come in kaha tabhi sheetal andar aayi..use dekhte hi Rohan ka gussa chu mantar ho gaya aur wo muskurate huye use dekhne laga..sheetal bhi bharadwaj publications ke project wali saari update Rohan ko de Rahi thi aur wo bade dhyan se uski saari baatein sun Raha tha..Sab kuch sunne ke baad Rohan bola..
Rohan : Well done miss maheshwari..
Sheetal : Thank you sir...Sir aaj ka Sara kaam ho Gaya hai so can I go home...
Rohan : Mera bhi kaam lagbhag ho hi Gaya hai..I'll drop you home..
Tabhi wahan khadi Shreya boli..ji han Rohan jis employee ko daant Raha tha wo Shreya hi thi..
Shreya : But sir abhi aapki ek aur meeting hai..
Rohan : Just cancel it..aaj ke liye bohot kaam ho gaya hai..and I'm tired now..
Uski baat sunkar Shreya ka muh ban gaya...
Rohan sheetal ke sath uske Ghar ki taraf ja Raha tha..car mein khamoshi thi..tabhi Rohan bola..
Rohan : Naya project kaisa lag raha hai?
Sheetal : Kaam kaafi acha hai but zyada hai..Mai aaj bohot thak gyi hun..
Rohan : project Naya hai na is wajah se kaam zyada hai..
Sheetal : Hm..wese aaj aapne mujhe Miss Kiya?
Rohan nautanki karte huye bola..
Rohan : Miss? Aur Mai ? Wo kyu..aap mujhe Miss kar rahin thi kya..
Sheetal chidhte huye gusse se boli..
Sheetal : Mmmai kyu miss karungi aapko..? Wese bhi aap mujhe Miss kyu hi karenge Aaj Shreya jo thi aapke sath..
Uski baatein sunkar Rohan apne man mein Hans Raha tha aur socha..
Rohan : Toh madam ko jalan ho Rahi hai..
Phir wo bola...
Rohan : Wese ye baat toh sach kahi aapne Aaj Shreya ke sath din ka pata hi nhi chala..
Uski baat sunkar sheetal ne muh Fula liya aur boli..
Sheetal : Han Han thik hi hai..kalse Mai apna cabin bhi change Kara le rahi hun phir din bhar aap use dekh bhi sakte ho aur apna kaam bhi kar sakte ho...
Uski baat sunkar Rohan hadbadate huye bola..
Rohan : Mai toh bass mazak kar Raha tha..
Sheetal : par Mai serious hun..tabhi uska Ghar aagaya aur wo Rohan ko Bina dekhe andar chali gyi..
Rohan apne man mein bola..
Rohan : Shitt yrr..abhi tak toh hum relationship mein bhi nhi aaye aur inhone girlfriends jaise nakhre dikhana shuru kar diya...par beta Rohan tu bhi Kam nhi hai..kya zarurat thi tujhe itna udne ki..ab kar Diya na naaraz ab manana toh padega hi..Aisa sochke wo Ahuja mansion pahucha aur jaise hi apne room mein Gaya ki tabhi use kisi ka call aaya..wo bola..
Rohan : Thik hai..Mai abhi niklta hun..ye kehke usne Siddharth ko ek msg kiya aur apna saaman leke Ahuja mansion ki terrace par pahucha aur apne jet se Dubai ke liye nikal gaya...
Idhar sheetal naarazgi se karwatein badal Rahi thi..use aaj ki Rohan ki saari baatein yaad aa rahin thi..jis wajah se use gussa bhi aa raha tha..kuch der mein wo so gyi...
Subah ready hokar wo office aayi toh usne dekha ki Rohan office nhi aaya hai..kuch sochkar wo Siddharth ke cabin mein gyi toh Siddharth bola..
Siddharth : Are sheetal..tum aao na..
Sheetal : Sir..wo Mai ye puchne aayi thi ki Mr. Ahuja Aaj office nhi aaye?
Siddharth : Han wo Rohan ko raat ko ek bohot important kaam aagaya jis wajah se wo Dubai chala gaya..
Uski baat sunkar sheetal hairaan reh gyi aur boli..
Sheetal : Acha..wo kab Tak aayenge..
Siddharth : Jab tak kaam khatam nhi hota hai wo nhi aapayega..maybe 2-3 days..wese tum kyu puch Rahi ho..
Sheetal : Wo bass aise hi..
Siddharth : Okay..
Phir sheetal apne cabin mein jaake baith gyi..par use reh reh bass Rohan ka khayal aa raha tha..wo gusse mein boli..
Sheetal : Jaane se pehle ek baar bata nhi sakte the..huh!
Phir usne bhi khudko kaam mein dubo liya..Shaam ko wo ghar aagyi..aaj use Rohan ki bohot yaad aa rahi thi kyuki aaj use akele hi Ghar aana pada...isi tarah 3 din beet gye..par Rohan abhi bhi Dubai mein hi tha..is beech Rohan aur sheetal ki ek baar bhi baat nhi Hui..sheetal ab gussa bhul gyi thi aur udaas ho gyi thi..wo maane ya na maane par use Rohan ki aadat ho gyi thi..sheetal ki ye haalat Siddharth aur mitali se bhi chupi nhi thi..wo dono bhi samajh rahe the ki sheetal Rohan ko miss kar rahi hai..kya sheetal ke man mein Rohan ke liye feelings aa gyi hai..? Sheetal ke haal se bilkul ulat Rohan Dubai mein ek villa ke living room mein ek king size sofe par baitha tha...uske saamne do aadmi bandhe huye ghutne ke bal baithe huye the..un dono mein se ek gidgidate huye bola...
Aadmi : King..mujhe maaf kar dijiye par meri koi galti nhi hai king.. please mujhe chod dijiye..
Us aadmi ki baat sunkar Rohan ek devil smile ke sath bola..
Rohan : sach sach batao kiske kehne par kiya tum logon ne aisa..Rohan Ahuja ki aankhon mein dhul jhokne chale the..( phir ek shaitaani hansi haste huye ) Ha ha ha..Rohan ahuja ko chakma dena itna aasan bhi nhi hai..ab bolo kisne bheja tha tumhe..
Aadmi : Vvviireen randhawa..
Aur uske ye bolte hi Rohan ne dono aadmiyon ko apni licence gun se shoot kar diya..
Ye Dil ko dehla dene wala scene tha..
Rohan : Apne sath dhokha karne Wale ko Rohan ahuja Zinda nhi chodta hai..phir wahan Sameer aaya jo ki Rohan ka Dubai ka business sambhalta tha..ye Rohan ka bestfriend bhi tha..wo bola..
Sameer : Ab aage kya karna hai..
Rohan : isse pehle saanp tumhe dase..ha ha ha..tumhe saanp ko das Lena chahiye..
Uski baat sunkar Sameer ne ek devil smile di aur wahan se chala gaya..aur Rohan laptop par kuch kaam karne laga.. Actually kaam nhi balki wo apne laptop mein sheetal ki photos dekh Raha tha jo usne trip par chupke se kheechi thi..use dekhkar Rohan ke face pe smile aa gyi aur wo khudse hi bola..
Rohan : Aapko dekhe bina 3 din ho gye hain..ab aadat daal di hai aapne mujhe..bass kuch din aur phir Mai aapke paas jaldi se aajaunga..phir mujhe apni ruthi phuljadhi ko manana bhi toh hai..
Ye kehke wo muskura diya..idhar sheetal apne cabin mein baithi apna kaam kar Rahi thi...tabhi Siddharth uske paas aaya aur bola..
Siddharth : Sheetal jaldi Ghar chalo..
Sheetal ne hairaani se use dekha toh wo bola..
Siddharth : Koi sawal mat karna..bass chalo..
Sheetal uske sath Ahuja mansion ke liye nikal gyi..wahan usne dekha ki mitali bhi hai..un dono ke aate hi sab log terrace par Jane Lage..sab log terrace par the...tabhi Rohan ka jet wahan land hua...usmein se pehle ek ladka nikla..ye Sameer tha..aur phir wo bahar aaya jiska intezaar sheetal itne dino se kar Rahi thi..use dekhte hi sheetal terrace ki dusri taraf chali gyi...Rohan aaya aur dadi , siyaji aur Siddharth ke gale laga..usne sheetal ko dusri side jaate dekh liya tha..usne mitali ko bhi greet Kiya aur bola..
Rohan : Aap sab neeche chaliye Mai aata hoon..
Sab uski baat sunkar sab neeche chale gye aur idhar sheetal khudko kaabu karne ki koshish kar Rahi thi..wo gusse se khudse hi boli...
Sheetal : Aa gye hain toh kya hua..wese bhi mai unse naaraz hun aur unhein meri naarazgi se koi fark nhi padta toh unke aane ya na aane se mujhe kyu fark padega...huh! Wo jaante the ki Mai naaraz hun phir bhi chale gye..wese bhi unhein kyu fark padega ki ek masoom si ladki unse naaraz hai ya nhi wo toh The Rohan Ahuja hain na..business world ke betaaj badshah..
Rohan : ek aapki hi naarazgi se toh fark padta hai...
Uski aawaz sunkar sheetal toh jaise apni jagah par jam gyi..is aawaz ko sunne ke liye wo taras gyi thi...ye aawaz usne 3 din baad suni thi par use lag raha tha jaise 3 saal baad suni ho..uski aankhon se aansu chalak kar uske gaalon par aa gye..Rohan ne use apni taraf palta toh uske aansu dekhkar pareshani se bola..
Rohan : Aap naarazgi dikha lijiye..par aansu mat bahayiye..ye aapki daant se zyada dard dete hain mujhe...
Sheetal ne usse muh pher liya..toh Rohan ne apne kaan pakad liye aur cuteness ne sath uthak baithak karne ko jaise hi hua ki sheetal ne use rok liya...aur boli..
Sheetal : Aaap ye kya kar rahe hain..aap aise ache nhi lagte..
Rohan : Aap Maan hi nhi rahin thi toh Mai kya karta..
Uski baat sunkar sheetal ne smile kar diya..uske baad wo uske gale lag gyi..use bhi nhi pata tha ki ye kaisi feeling hai..par use Rohan ka sath acha lagta tha..Rohan ne bhi use apni baahon mein bhar liya..kitne din baad uske Dil ko ek sukoon mila tha..phir dono neeche aagye...Rohan ne milke sabke sath dinner Kiya...Phir wo sheetal ke sath bharadwaj wale project ki details lene laga...Sheetal usse boli..
Sheetal : Kaafi der ho gyi hai..di mera wait kar rahi hongi Mai chalti hun..
Rohan : thik hai chaliye Mai aapko gate Tak chod dun..
Wo dono neeche aaye aur bahar garden mein unhein Siddharth aur mitali dikhayi diye..wo un dono ki taraf gye par thodi door par ruk gye.. mitali Siddharth se boli..
Mitali : Siddharth Mai kaise batau..Mai aapse shadi nhi kar sakti..Han Mai aapse pyar karti hun..par shadi nhi kar sakti..
Siddharth : Par kyu mitali...aap jaanti hain na ki Mai aapse kitna pyar karta hun..
Mitali : Han..par agar Maine shadi kar Li toh meri sheetal akeli pad jayegi aur Maine Mumma ko promise Kiya tha..jab tak sheetal ka ghar nhi basega..Mai shadi nhi karungi.. Siddharth Mai apna wada nhi Tod sakti..
Siddharth : Mitali..sheetal ek independent ladki hai..jab use ek life partner mil jayega toh wo shadi kar legi..aur ye baat abhi tak aapko pata nhi thi..lekin aaj pandit ji aaye the aur unhone aapki kundali dekhke bataya hai na..ki agar 36 saal ki umar tak aapne shadi nhi ki toh aapki Jaan chali jayegi..phir bhi aap shadi nhi karengi..
Mitali : Siddharth..sheetal ko chodkar agar Aisa karna hai..toh bilkul nhi..Mai apna wada kabhi nhi todti aur Mumma se kiya wada bhi nhi todungi..
Ye saari baatein door khade sheetal aur Rohan ne sun Lin thi..sheetal toh jaise sunn pad gyi thi..uski aankhon se aansu beh rahe the..wo daudte huye guest room mein bhaagi aur Rohan uske peeche peeche chala gaya..un dono ke jaate hi mitali ke ruke aansu beh chale aur wo Siddharth ke gale lagte huye boli..
Mitali : Siddharth...aaj jab sheetal aur Rohan ko terrace par dekha tha na sab clear ho gaya tha ki wo dono ek dusre se pyar karte hain..
Siddharth : aur hamein pata hai ki dono hi kabhi bhi confess nhi karenge balki manenge hi nhi..
Mitali : isliye unhein milane ke liye humein ye jhagde ka natak karna pada...
Siddharth : Par mitali aapki kundali wali baat sach hai..agar hamare is natak ki wajah se undono ne apna pyar confess nhi Kiya toh kya aap sachmein mujhse shadi nhi karengi...
Mitali : Siddharth..sheetal se bhadke mere liye meri Jaan bhi nhi hai...
Ye kehke dono ne ek dusre ko zor se pakad liya...
Idhar sheetal guest room mein neeche baithi ghutno mein sar chupaye ro rahi thi..tabhi kisi ne uske sar par hath phera..usne sar uthakar dekha toh ye Rohan tha..wo jaldi se uske gale lag gyi..
Rohan : Sh..sh..shant ho jayiye..
Sheetal : Kaise shaant ho jaun..aapne bahar unlogo ki baat nhi suni..agar di ne 36 ki age tak shadi nhi ki toh wo...
Ye kehke sheetal aur rone lagi..Rohan khudko bohot hi laachar mehsoos kar raha tha..usse sheetal ka rona dekha nhi ja raha tha par wo kare bhi toh kya kare...
