Kareeb 40 min ke baad wo dono Ahuja mansion ke bahar thi..wo andar gyin toh dadi aur siyaji unhein dekhkar bohot zyada khush ho gyin aur unka welcome kiya..uske baad sheetal ne unse mitali ka intro karwaya...aur mitali ne bhi siyaji aur dadi ke pair chuye...mitali ko dekhkar dadi bolin..
Dadi : sheetal ki tarah tum bhi bohot hi pyari ho beta..
Mitali : thank you dadi...
Tabhi dadi ne Rohan ko bulawa bhijwaya...
Rohan neeche aaya...sheetal ki peeth uski taraf thi isiliye wo uska chehra dekh nhi paya..Rohan ko aaya dekh siyaji bolin..
Siyaji : Ye mera chota beta hai..Rohan..
Unki baat sunke sheetal khadi hui aur jaise hi peeche mudi..Rohan aur sheetal dono hairaani se ek dusre ko dekhne Lage aur sath mein bole...
Rohan : Miss maheshwari aap?
Sheetal : sir aap?
Wo dono ek dusre ko dekhkar bohot hairaan the..par unse bhi zyada hairaan the unke gharwale..siyaji bolin...
Siyaji : tum dono ek dusre ko pehle se jaante ho?
Rohan : Han..mom..ye meri assistant hain..
Sheetal : aur ye mere boss hain...
Un dono ki baatein sunkar sabne Rahat ki sans Li aur dadi bolin...
Dadi : ye toh bohot achi baat hai..Rohan beta sheetal ne hi us din meri Jaan bachayi thi...
Rohan dadi ki baat sunkar sheetal se bola ...
Rohan : meri dadi ki jaan bachane ke liye aapka shukriya..
Sheetal : ismein shukriya ki koi baat nhi hai...
Uske baad usne mitali se bhi Rohan ka intro karwaya aur Rohan phir wahan baithkar dadi se baat karne laga..tabhi mitali ko kisi ka call aaya aur wo excuse me kehkar wahan se bahar aagyi aur phone baat krne lagi...wo baat hi kar Rahi thi ki bahar garden se aarahe Pani par uska pair pada aur wo jaise hi girne wali thi ki kisi ne uska hath pakad ke apni taraf kheech liya...Mitali ne jab dekha ki wo giri nhi toh usne saamne dekha..toh ek bohot hi handsome sa ladka use hi dekhe ja Raha tha...gora rang..aur bhoori aankhein aur usne Aaj white Color ka kurta pehena tha..mitali bhi usmein kho gyi thi tabhi dono ko hosh aaya toh mitali seedhi khadi ho gyi aur boli...
Mitali : thank you
Ladka : you're welcome..aap thik toh hain..
Mitali : ji Mai thik hun..Myself Mitali maheshwari...
Ladka : that's great..I'm Siddharth Ahuja..
Phir wo dono andar aaye..un dono ko sath mein dekhke kuch pal ke liye toh sab log unhein dekhte hi reh gye dadi apne man mein bolin...
Dadi : Siya Ram jaise lag rahe hain dono..
Phir Rohan bhagta hua gaya aur Siddharth ko gale laga liya..wo bola..
Rohan : bhaiii... welcome back...
Siddharth : thank you chote...
Rohan : kitne dino baad aaj aap aaye..I missed u so muchhh!
Siddhart : missed u too..mere chote..
Phir Siddharth ne jaakar dadi aur siyaji ke pair chuye aur dono ko gale se laga liya..Rohan bhi jaake us family hug mein shaamil ho gaya...In sab ke pyar ko dekhkar mitali aur sheetal ke chehre par ek smile aa gyi....Phir Rohan ne Siddharth ko sheetal aur mitali se introduce karwate huye kaha...
Rohan : Bhai..ye meri assistant hain...Miss Sheetal maheshwari aur ye unki badi behen hain Miss Mitali maheshwari...
Phir Siddharth ne sheetal se hath milaya aur apna introduction diya..aur phir usne mitali ki taraf dekha aur muskura diya..mitali ka dhyan us wakt uspar nhi tha..phir pandit ji aagye aur sab log Pooja mein baith gye..Kareeb 2 ghante baad Pooja khatam Hui aur sabne Prasad liya...Sab logon ne khana khaya aur living room mein baatein karne baith gye...Is wakt Rohan apne room mein kisi kaam se Gaya hua tha..baaton baaton mein dadi ne kaha..
Dadi : Acha beta..tumhare parivaar mein aur kon kon hai?
Dadi ki baat sunkar sheetal aur mitali dono chup ho gye..dono ki aankhon mein ajeeb sa khalipan dekha ja sakta tha..tabhi sheetal boli..
Sheetal : Dadi.. actually mera is duniya mein di ke siwaye aur koi nhi hai..hamare mom dad ki death bachpan mein hi ho gyi thi jab mai 5 saal ki thi...di ne hi bachpan se mujhe paala hai...
Uski baat sunkar sabko ek jhatka laga...door khada Rohan bhi ye baat sunke kaafi shocked tha use bhi bura lag raha tha...phir sheetal aur mitali ne alwida li aur wahan se chali gyin... Siddharth ne bhi Rohan ko bataya ki kal wo office aayega..idhar sheetal aur mitali Ghar aaye aur kapde change krke sone chale gye...
Agla din...
Sheetal Roz ki tarah apne office ke liye nikal gyi aur uske jaane ke baad mitali bhi apne school ke liye nikal gyi..uska school ghar se kareeb 20 min ki doori par tha toh wo paidal hi jati thi.. wo ja hi Rahi thi ki peeche se ek car kaafi tez raftaar mein aayi aur us car ke sheeshe se mitali ke hath pe chot lag gyi aur wo wahin gir gyi....usne khud ko sambhala aur uthi..usne dekha ki uske hath par se khoon nikal raha tha...wo jaldi se paas ke hospital mein gyi aur apni Patti karayi..halaki use zyada chot nhi lagi thi par is chot ke kaaran wo apna hath Tak nhi utha paa rahi thi..aur ye chot uske right hand mein hi lagi thi..
Doctor ne use Kam se kam 1 hafte Tak us hath se kaam na karne ko kaha tha..phir wo hospital se ghar aagyi...Dusri taraf Aaj office mein Siddharth bhi aaya tha aur Rohan ke cabin mein hi baitha tha....Lunch time hua aur sheetal bhi kaam karke cafeteria mein gyi lunch krne...wo aur radhika sath mein lunch kar hi rahe the ki unki bagal wale table par do ladkiyan aakar baithi..ek ladki ne knee length ki red color ki short dress pehni thi aur dusri ne white color ki...unke branded kapdon aur chehre par Lage huye makeup ko dekhkar koi bhi bata sakta tha ki wo ek Ameer ghar ki bigdail ladkiyan thi....Jis ladki ne red dress pehni thi uske paas 4-5 ladkiyan aur aakar khadi ho gyin aur wo apni dress makeup watch aur baaki cheezon ka bakhaan kar rahi thi..Is ladki ka naam tha..Shreya Yadav..aur ye ek bade business man..Akhilesh yadav ki beti thi..halaki ise kaam mein koi interest nhi tha ye toh is office mein kewal Rohan ki wajah se kaam kar Rahi thi...aakhir Rohan tha hi itna handsome..jis wajah se Shreya jaisi kaafi ladkiyan use apna banana chahti thi par Rohan ko in sab cheezon se koi matlab nhi tha....Shreya ke bagal mein baithi white dress wali ladki uske friend thi Vanshika Singh...jo ki Shreya ke Ameer hone ka hamesha fayda uthati thi..aur uski sagi banke rehti thi...un dono ko dekhkar sheetal ka mood kharab ho gaya aur wo radhika ke sath wahan se chali gyi...Radhika usse boli..
Radhika : Are yrr..wo aisi hi hai ab ismein tu kya mai kya kar sakte hain...
Sheetal : Yrr mujhe na wese bhi us chipkali ke muh nhi lagna..3 din huye hain office join kiye par inke kaafi kisse sun chuki hun..pata nhi apne aap ko kya samajhti hai....Idhar sheetal ke cafeteria se jaate hi Shreya ne muh banate huye apne man mein kaha...
Shreya : jao jao..acha hi hai..aakhir khudko samajhti kya ho..pehle din aayi aur mere Rohan ki assistant ban gyi..par Rohan sirf mera hai aakhir dekhti hun..kitne din Tak tikogi yahan...ye sochte huye usne ek sarcastic si smile de di...
Idhar sheetal apne cabin mein apna kaam kar Rahi thi..aur Siddharth aur Rohan ek dusre se Rohan ke cabin mein baat kar rahe the..abhi tak Rohan ne Siddharth ko Sheetal ko leke apni feelings ke baare mein bata Diya tha.. Siddharth ne use kitni baar kaha bhi tha ki use sheetal se pyar ho gaya hai par Rohan maanne ko taiyaar hi nhi tha...Uske baad Rohan kaam mein lag gaya aur Siddharth bhi kuch kaam karne laga.. Siddharth ka yahan ka business Rohan hi sambhalta tha toh usne Aaj aakar sab kuch dekha toh use kaam karne mein koi dikkat nhi ho rahi thi..tabhi Rohan ek deal ke baare mein phone pe baat karte huye bola...
Rohan : Okay..So I'll be there..and you can fix the meeting for the day after tomorrow at sharp 10:00 Am..
Uske baad Rohan ne apne cabin mein Sheetal , Radhika , Ajay ,Kunal , Tushar , Shreya aur vanshika ko bulaya aur bola...
Rohan : I have an announcement for you..!!
Sab ek dusre ko dekhne Lage toh Rohan bola...
Rohan : We have to go for a business trip to London.... Tomorrow morning...aur aap sab mere aur Siddharth Bhai ke sath chalenge because this deal is very important for us....3 din ki trip hai..jismein agar hamari meetings jaldi khatam ho gyi toh you all can have fun there..!!!
Ye saari baatein sunke sabke chehron par khushi saaf dekhi ja sakti thi..sab cabin ke bahar aaye aur radhika aur sheetal toh plans bhi banane lagin thi...sabne kaam khatam kiya aur apne ghar chale gye..office mein Bass sheetal Siddharth aur Rohan hi the.. Siddharth sofe par baitha aur sheetal Rohan ke chair ke saamne wali chair par baithi thi aur Rohan aur wo dono kal ki meeting ki presentation discuss kar rahe the.. Siddharth ko Rohan aur sheetal sath mein bade pyare lag rahe the..use in dono ki jodi bohot pasand aa Rahi thi...Raat ke 8:30 baj rahe the..Rohan aur sheetal ne kaam khatam kiya aur Rohan sheetal aur Siddharth teeno ek hi gaadi se sheetal ke ghar ki taraf chal diye..Aaj bhi kaafi late ho gaya tha is wajah se mitali gate par khadi sheetal ki raah dekh Rahi thi usne cream color ka kurta pehna tha aur baalon ko bandh rakha tha..saadgi mein bhi wo pyari lag Rahi thi jab wo log sheetal ke ghar pahuche toh mitali ko dekhkar teeno gaadi se bahar nikle..jaise hi sheetal ne mitali ke hath par chot dekhi toh wo hairaan reh gyi..wo bhagke uske paas gayi aur chinta karte huye boli..
Sheetal : di...aapko ye chot kaise lagi? Ye itni badi Patti lagi hai.. zyada chot lagi h kya? Aap apna dhyan kyu nhi rakhte..
Sheetal ki baatein sunke ab tak Rohan aur Siddharth bhi wahan aagye the..Un dono ne bhi yahi sawal Kiya tab mitali boli...
Mitali : Are..zyada kuch nhi hua hai..wo aaj mai jab subah school ja Rahi thi tab ek gaadi ke sheeshe se lag gyi...Mai 3-4 din mein thik ho jaungi..aur waise bhi mera dhyan rakhne ke liye sheetal hai na..
Uski baat sunkar sheetal Rohan aur Siddharth ek dusre ki taraf dekhne lage...
Tabhi Siddharth bola..
Siddharth : Par sheetal ko toh kal hum sab ke sath subah London Jana hai....
Uski baat sunkar sheetal Rohan se boli...
Sheetal : Mr. Ahuja...aap meri ticket cancel karwa dijiye Mai nhi Jaa Rahi..di ko is haalat mein chodkar Mai nhi ja paungi...
Uski baat sunkar Rohan kuch kehta uske pehle hi mitali boli..
Mitali : are aise kaise..tu ja na..Mai toh dhyan rakh lungi bss 1-2 din ki toh baat hai...I'll manage..is tarah kaam chodna sahi nhi hai aur tu toh Mr. Ahuja ki assistant hai..tera rehna zaruri hai...
Sheetal : Nhi di..koi bhi job mere liye aapse zyada zaruri nhi hai...pehle Mai aapki sheetal hun baad mein kisi ki assistant..Mai nhi ja rahi..
Un dono ki ladayi ko badhta dekh Siddharth bola..
Siddharth : mere paas ek idea hai!
Sab uski taraf dekhne lage..toh wo bola..
Siddharth : kyu na hum mitali ko bhi apne sath le chalein...
Mitali : par ye toh aap logon ki business trip hai na..toh Mai kya karungi jaake..aur mera Jana sahi nhi hoga...
Siddharth : are..hum company ke boss hain..jab mujhe aur Rohan ko koi problem nhi hai toh kisi ore ko kya hi problem hogi..kyu chote?
Rohan : han...bhai sahi keh rahe hain...aap hamare sath hi chaliye..aur rahi baat business trip ki toh..kaam kewal ek din ka hai..baaki do din toh employees ke ghumne ke liye hai...aur enjoy krne ke liye..aur aap bore bhi nhi hongi kyuki Siddharth Bhai hain na aapko company dene ke liye..
Aur phir wo Siddharth ki taraf dekhkar ek aankh maar deta hai..
Siddharth : Hhaan..! Mai hun na aur wese bhi mujhe koi zyada kaam nhi hai..
Aur phir wo kha jaane wali nazron se Rohan ko dekhne lagta hai...
Sheetal : Han di..agar Mr. Ahuja aur Siddharth sir keh rahe hain toh chaliye na.....
Mitali : Are par...
Rohan : par war kuch nhi.. that's final aap hamare yahan chal rahin hain...
Mitali : Thik hai...
Sab khush ho gye.. Siddharth bhi smile krne laga jo Rohan ne dekh liya...Uske baad Rohan aur Siddharth wahan se chale gye..Sheetal aur mitali bhi packing karke khana khake so gyin kyuki unhein bhi subah jaldi uthna tha...Rohan aur Siddharth bhi Ghar aaye aur khana khaya..phir Siddharth Rohan ke room mein gaya toh dekha ki Rohan balcony mein khada aasmaan ki taraf dekhkar muskura Raha hai...Wo uske paas aake bola...
Siddharth : Sheetal ke baare mein soch Raha hai na?
Uski baat sunkar Rohan jaise neend se jaaga ho..wo hadbadate huye bola...
Rohan : kkyaa.. miss maheshwari..nhi toh Mai kyu sochunga unke baare mein...
Siddharth : Chal chal..mujhe mat bata bohot ache se jaanta hun tujhe Mai...
Rohan : meri chodiye..aap bataiye..aapke toh man mein ladoo phoot rahe honge...
Siddharth : mere man mein ladoo kyu phutenge..kya faltu bakwas kar Raha hai..
Rohan : acha...faltu bakwas...bhai aap mujhse nhi chupa sakte...dekha hai mene aapki aankhon mein..kya aapko mitali ji se pyar ho gaya hai??
Siddharth : Yrr...sach kahun na..aajtak meri himmat nhi Hui ki Shweta ke dhokhe ke baad Mai dobara kisi se pyar karun...par pata nhi kyu mitali mein kuch alag baat hai..wo itni sweet hain na..ek khichaav lagta hai unki taraf...8 saal ho gye hain us baat ko par abhi tak pyar par dobara bharosa nhi ho paya...par mitali ko dekhkar na unki baatein sunkar..unse pyar karne ka man karta hai...
Rohan Khushi se use apne gale lagate huye bola...
Rohan : Bhaiiii....I'm so happpyyyy for you....mitali ji ek bohot achi ladki hain..aur wo kitni sweet hain ye toh dekha hi hai mene..aap dono na perfect match ho..toh batao kab aa rahin hain meri bhabhi..?
Siddharth : Aree...itni jaldi..abhi tak toh mene unhein propose bhi nhi Kiya aur mujhe kya pata wo mere baare mein kya sochti hain...
Rohan : Aree...Aap The Siddharth Ahuja ho..bhala koi ladki aapko mana bhi kaise kar sakti hai...
Siddharth : nhi yrr...Mai chahta hun wo mujhe apni marzi se han karein..aur mujhe bhi nhi pata ki unke past mein Aisa kya hai jis wajah se wo single hain..warna unhein dekhkar nhi lagta ki kisi ladke ki himmat hogi unhein na karne ki.. khoobsurat toh wo hain hi...
Rohan : Ohooo...Sahi hai bhai..toh is London trip pe kar hi do propose...
Siddharth : Acha beta..mujhe toh bohot sikha Raha hai aur khud maanne ko bhi taiyaar nhi hai ki tujhe sheetal se pyar hai...
Uski baat sunkar Rohan baat badalte huye bola...
Rohan : bhbhaii...kal subah jaldi Jana hai na jaiye so jayiye...bye...good night..
Siddharth apne man mein bola..
Siddharth : tu kuch bhi kar le par mai tujhse ye qubool karwa ke rahunga ki tu sheetal se pyar karta hai...uske baad wo bhi apne room mein jaake so Gaya aur Rohan bhi so Gaya...
Subah 9 baje..sab airport par the..Jahan par Rohan ki private jet thi...baaki saare employees airplane se ja rahe the...bass Rohan , Sheetal , Siddharth aur Mitali hi uski private jet se ja rahe the..sheetal isiliye ja Rahi thi kyuki wo Rohan ki assistant thi..aur Mitali ko Siddharth ne apne sath chalne ko kaha....Sheetal ko Rohan ki private jet mein jaata dekh Shreya apne man mein boli...
Shreya : Ja toh Rahi ho tum mere rohan ke sath lekin aa nhi paogi..ye London trip tumhe tumhari Puri zindagi yaad rahegi...ya shayad zindagi hi na rahe...
Ye kehke wo ek devil smile dete huye plane mein chali gyi...Rohan sheetal Siddharth aur mitali bhi jaakar private jets mein baith gye..Rohan ne Jaan bujhkar sheetal ko presentation discuss karne ke liye apne sath bitha liya aur Mitali ko Siddharth ke paas baithne ko kaha...Jab sheetal ne Rohan ko Siddharth aur mitali ki taraf muskurate huye dekhte dekha toh apne man mein boli..
Sheetal : Ye hanste bhi hain...par ache lag rahe hain..
Phir wo Rohan se boli..
Sheetal : Aap di aur sir ko dekhkar Hans kyu rahe hain..
Uski baat sunkar Rohan ne use bhi udhar dekhne ka ishara kiya...Sheetal ne us taraf dekha toh wahan par Siddharth mitali ke hath ki patti bade aaram se sahi kar Raha tha jisse use Dard na ho..uski care dekhkar sheetal bhi muskura di..phir usne apne man mein kuch socha aur Rohan ki taraf hairaani se dekhte huye boli....
Sheetal : Kya Siddharth sir di ko pasand karte hain?
Rohan ne muskurate huye apna sar han mein hila diya..ye dekhkar sheetal toh Khushi se chillane ki wali thi ki Rohan ne uske muh par hath rakhte huye kaha..
Rohan : Aree kya kar rahin hain aap? Sabko pata chal jayega...
Par sheetal kuch nhi boli...jab Rohan ne sheetal ke muh par hath rakha toh wo uske bilkul paas aa Gaya tha ek ye wajah thi aur ek wajah thi ki Rohan ka hath sheetal ke muh pe tha isiliye wo kuch nhi boli..Rohan ne jab dekha toh apna hath hataya aur sahi se baith gaya..un logon ki journey 9 ghante ki thi...idhar jet mein Siddharth aur mitali baat kar rahe the aur Rohan apne laptop mein kuch kaam kar raha tha aur sheetal phone pe radhika se chatting kar Rahi thi... Siddharth ne mitali se uske relatives ke baare mein pucha tab mitali ne use bataya ki relatives ne mom dad ki death ke baad hi unse palda jhaad liya tha....ye baat sunke Siddharth ko laga ki usne kuch galat puch liya..usne achanak se mitali se kaha...
Siddharth : Wese aapne shadi kyu nhi ki?
Uski baat sunkar mitali khaamosh ho gyi.. Siddharth bola..
Siddharth : I'm sorry ...mujhe ye nhi puchna chahiye tha..agar aap nhi batana chahti toh it's okay...
Mitali : nhi nhi it's okay..aur wese bhi aap par itna bharosa toh karne hi Lage hain ki bata sakein... Actually Maine sheetal ki wajah se shadi nhi ki...Wo bss 5 saal ki thi jab mom dad ki death Hui...uske baad Maine thaan liya ki meri Puri life keval sheetal ke liye hogi..kyuki Maine Mumma ko promise Kiya tha ki hamesha sheetal ka dhyan rakhungi is wajah se khud ke baare mein sochne ka kabhi mauka hi nhi mila...sheetal ne toh kitni baar kaha ki kisi ko date kariye..par Mera man nhi mana...agar meri shadi ho gyi toh meri sheetal ka kya hoga...bass isiliye...
Siddharth : Agar sheetal ko aapke hi jitna pyar karnewala life partner mil Jaye toh kya aap usko settled dekhne ke baad khudke baare mein sochengi...?
Mitali : Agar meri sheetal ko aisa partner mil jaye na..toh sabse zyada khush Mai hi hongi...lekin uske baad Mai shadi ke baare mein sochke bhi kya karungi..aakhir kon hi karega mujhse shadi...?
Siddharth apne man mein bola...
Siddharth : Mai krunga...
Phir mitali boli...
Mitali : wese aapne shadi ke baare mein kyu nhi socha? agar aap comfortable hon toh bata sakte hain...
Siddharth : Socha tha... 8 saal pehle....Actually Mai shadi karne bhi wala tha...par Mai jisse pyar karta tha usne mujhe dhokha de Diya aur chodke chali gyi..bass uske baad pyar par se bharosa hi uth gaya...phir uske baad 2 din pehle aapko dekha aur...
Siddharth bhul Gaya tha ki wo flow flow mein kya kehne ja Raha tha...
Mitali : Mujhe dekha aur...?
Siddharth : aur..aur kya kuch nhi..aapko chot lagi h na..toh aap aaram kar lijiye mujhe bhi thoda kaam hai...
Mitali : Ok...aap apna kaam kar lijiye..
Phir Siddharth apne kaam mein lag gaya...mitali ko nind aa gyi thi toh wo so gyi...aur Siddharth bass use sote huye dekh Raha tha...Idhar sheetal headphones lagake movie dekh Rahi thi aur rohan apna kaam kar raha tha...isi tarah 9 ghante beet gye...isi tarah shaam ke 6 baje un logon ka jet London Airport par land hua...is wakt London mein dopahar ke 1 baj rahe the..baakiyon ka plane bhi land ho gaya tha...Rohan ne kaha...
Rohan : Aap sab jaakar fresh ho jayiye..meeting 4 baje se hai..I'll msg the details in office group and bahar hamari cars hain wo aapko hotel le jayengi...uske baad Rohan Siddharth Sheetal aur Mitali ek gaadi mein..aur Radhika Ajay Kunal Tushar ek gaadi mein baithe..aur Shreya aur vanshika ko in sab mein koi interest nhi tha toh shreya aur vanshika alag gaadi mein baith gyin...Radhika Kunal aur Tushar ki achi friendship thi toh wo sab Masti kar rahe the aur Ajay bhi un sab ke sath ho liya...hotel pahuchkar sab apne apne rooms mein gye...sheetal ne mitali ka dhyan rakhne ke liye uske sath hi room share kar liya tha..baaki sab ke rooms separate the... Sab apne apne rooms mein gye aur Fresh hoke Lunch kiya..phir shaam ki meeting ki taiyaari mein lag gye...Shreya bhi meeting ki taiyaari kar rahi thi...kyuki wo Rohan ko impress karna chahti thi..sabne msg dekha jismein shaam 4 baje ki meeting thi ..."Shangri-La The Shard" hotel mein...Mitali room mein rest kar rahi thi aur baaki sab meeting ke liye chale gye...wo log hotel pahuche Jahan...Mr. Ashish bhardwaj...jo ki ek Indian the par inhone London mein apna bada umpire khada kiya tha..unhone ek private room book Kiya tha..Ashish bhardwaj ki age 55 saal thi....unke koi bache nhi the...
