Siddharth ne uske kandhe pakad ke kaha...
Siddharth : kyuki Mai aapse pyar karta hun..us din se hi jabse aapko dekha hai...aapki baatein mujhe achi lagne lagi hain..pyar par bharosa khatam ho gaya tha mera..par aapse dobara se pyar ho gaya hai mujhe...
Mitali hairaan hote huye boli...
Mitali : kkyaa...aap mujhse pyar karte hain...
Siddharth ko ab ehsas hua ki usne kya keh Diya tha..usne apna sar jhuka liya..gussa toh kabka chu mantar ho gaya tha...
Siddharth : Wwwwooo...Mai...Mai wo..Han...I love you mitali maheshwari...
Uski baatein sunke door se unhein dekh rahe Rohan aur sheetal toh Khushi se kud pade aur Khushi mein hi ek dusre ko zor se gale laga liya...par jaise hi unhein realise hua dono alag ho gye..aur Siddharth mitali ko akele mein baat karte huye chodke wahan se chale gye...
Mitali ki nazrein jhuki Hui thi aur Siddharth uski jhuki palkon mein apna jawab dhundh raha tha..tabhi Siddharth ne use dekhte huye kaha...
Siddharth : Kya aap meri wife banengi?
Mitali : Aapko mera jawab pata hai...Mai han nhi kar sakti...
Siddharth : Par aapne kaha tha na ki agar sheetal ko aapke hi jitna pyar karnewala mil jayega toh aap apne baare mein sochengi...
Mitali : par sheetal ko abhi tak Aisa koi Kahan Mila hai...aur agar mil Gaya hota toh mujhe toh pata hota hi..
Siddharth : Actually jo sheetal se pyar karta hai..usne abhi tak khud sheetal ko bhi nhi bataya..infact wo toh khud bhi accept nhi karna chahta hai...
Mitali use confuse hoke dekhne lagi..
Mitali : aap kiski baat kar rahe hain?
Siddharth : wahi..mera gussail akdu..Ji Han Mai Rohan ki baat kar Raha hun..wo pyar karta hai sheetal se..
Mitali : kyaa...Mr. Ahuja sheetal se pyar karte hain...
Siddharth : ji han..aur wo bhi beintehaa...uski aankhein sab bata deti hain..par wo khud is baat ko accept nhi karna chahta...but Mera yakeen kariye mitali..Rohan bohot acha insaan hai..apne apnon ke liye toh wo jaan bhi de sakta hai..phir sheetal se toh wo pyar karta hai...Wo use bohot khush rakhega..uski aankhon mein kabhi aansu nhi aane dega...
Mitali : Han par kya..sheetal Rohan se pyar karti hai..
Siddharth : ye toh mujhe bhi nhi pata...
Mitali : Mujhe nhi lagta...
Siddharth : Shayad sheetal bhi Rohan se pyar krti ho..bss use khud pata na ho..
Mitali : Han..Aisa ho sakta hai..
Siddharth : Toh humein un dono ko milane ke liye kuch karna hoga..
Mitali : Han..
Siddharth : Humein sheetal ko aur Rohan ko unke pyar ka ehsas karana hoga..
Mitali : han..
Siddharth : humein unhein batana hoga ki wo dono ek dusre ke liye hi Bane hain..
Mitali : Han..
Siddharth : aur kya aap bhi mujhse pyar karti hain..?
Mitali : Han...kkkya..nhi..Han..matlab nhi..
Siddharth use dekhke smile karne laga aur bola..
Siddharth : han han aaram se..bataiye kya aap bhi mujhse pyar krti hain..aur ye sab baatein jaanne ke baad kya aap mere proposal ko consider karengi?
Mitali : Mujhe is baare mein abhi kuch nhi pata..
Siddharth : aapke paas ek din ka time hai..agar aapka jawab han hoga toh kl mujhe humare hotel ki terrace par raat 11:00 baje aake miliyega...aur agar na hoga toh Mai uski bhi respect krunga...
Ye kehke wo wahan se apne tent mein chala gaya aur wahan jakar Rohan ko sab bata diya Siwaye uske aur sheetal wali baat ko chodkar..... Rohan ne bhi use apne gale lagaya aur bola...
Rohan : bhai aapne bilkul sahi kiya...phir wo dono so gye..idhar mitali bhi kuch der baad apne tent mein gyi toh wahan sheetal uska wait kar Rahi thi..mitali use sab kuch batane lagi usne bhi Rohan wali baat sheetal ko nhi batayi...Sheetal boli..
Sheetal : Aapne kya socha di... Siddharth sir na bohot ache hain..aur sweet bhi..phir muh banate huye boli...wo Mr. Ahuja ki tarah khadus nhi hain...
Uski baat sunke mitali ko hansi aa gyi...
Sheetal : baad mein Hans lena..abhi batayiye aapne kya socha..meri maaniye toh han keh dijiye.. Siddharth sir aur aap sath mein bohot ache lagte ho..
Mitali : mujhe sochne ka time chahiye sheetal..
Sheetal : thik hai di...aap soch lo..aaram se..
Phir wo dono bhi so gye...Raat ke kareeb 2 baj rahe the..ki sheetal ke phone pe ek unknown no. Se msg aaya...aawaz sunke sheetal ki nind khul gyi..usne msg dekha toh likha tha...
" Mujhe camp ke paas wale lake ke paas aake Milo "
Ye msg padhke sheetal ne apne man mein socha..
Sheetal : itni raat ko mujhe kon bula Raha hai..jaakar dekhti hu...
Usne ek nazar mitali ko dekha aur tent se bahar aake lake ki taraf chal di...Tabhi uske peeche peeche koi chalne laga..usne black kapdo se khudko cover kar rakha tha aur uske hath mein ek bag tha...is wakt raat ki wajah se har jagah andhera tha bs tent ke bahar lights thi..par is lake side koi light nhi thi...Sheetal wahan pahuchkar aawaz lagane lagi..tabhi us insaan ne apne hath mein liya bag khola aur neeche rakhke door chala gaya..us bag mein ek khatarnaak cobra tha...us cobra ne ek phuphkaar maari toh sheetal toh jaise apni jagah par jam gyi..use bohot Darr lag raha tha..Wo apne man mein boli...
Sheetal : yyeee toh saanp ki aawaz hai..ye Kahan se aagaya..ab kya hoga mera..Yrr koi bacha lo please...
Uski aankhon se aansu behne lage..wo toh chilla bhi nhi sakti thi..tabhi wahan par Rohan aagaya.. Actually Rohan ko nind nhi aa rahi thi toh wo bahar walk kar raha tha..tabhi usne sheetal ko Lake ke side jaate dekha toh uske peeche aagaya...
Rohan ne apne phone ki flashlight on ki aur wo hairaan reh gya..usne dekha sheetal ke thik saamne ek bada sa cobra fan failaaye khada tha..Jab sheetal ne Rohan ko dekha toh wo kuch bolne ko hui toh Rohan ne use chup rehne ka ishara kiya...Rohan ne ek bada patthar uthaya aur sheetal ke opposite direction mein fek diya...aur us cobra ne us taraf jhapatta maar diya..aur us patthar ko hi dasne laga...Rohan ne phurti dikhayi aur wahan pada bag uthakar us saanp ko usmein pakadke bag ki zip band kar di aur use door fek diya...jab door khade us shakhs ne ye dekha toh gusse se wo wahan se chala gaya...Rohan sheetal ke paas aaya toh sheetal abhi bhi dari sehmi wahin khadi thi..uski aankhon se aansu bahe ja rahe the...Rohan ne use kandhe se pakadke jhakjhora toh sheetal uske seene se lag gyi aur rote huye boli...
Sheetal : Wwoo..wo..saanp..mujhe laga Mai bachungi hi nhi..mujhee saanp se bohot Darr lagta hai..agar aap nhi aate toh..
Tabhi Rohan uski baat kaatte huye bola..
Rohan : Sh..Sh..aap Rona band kariye..aise kaise nhi aata Mai...mere hote huye aapko kuch nhi ho sakta.....
Sheetal ne use aur zor se pakad liya...
Rohan ki dhadkanein badh gyin thi..wo sheetal ko rota huya nhi dekh paa Raha tha..usne sheetal ko khudse alag Kiya aur uske aansu poche aur bola...
Rohan : Sh..aap Rona band kariye..dekhiye ab yahan koi saanp nhi hai..aur aap yahan aayi hi kyu..
Toh sheetal ne use saari baat bata di..
Rohan : Shayad kisi ne aapse mazak Kiya hoga..aap apne tent mein jaakar so jayiye..aur is baare mein kisi se mat kahiyega..aur Zara us unknown no. Ka Screenshot mujhe bhej dijiyega....
Sheetal : Hm..thank you..
Uski baat sun Rohan smile kar diya...aur use uske tent ke bahar chodkar apne tent mein chala gaya..sheetal bhi andar aayi aur so gyi..Rohan apne tent mein aaya aur kisi ko call Kiya aur bola..
Rohan : Is no. Ke baare mein pata lagao aur har ek information mujhe parso jab Mai India aaun toh chahiye..
Phir usne wo screenshot kisi ko bhej diya..aur khud so Gaya..
Idhar wo shakhs jab gusse mein apne tent mein aaya aur usne apna black coat hataya..wo koi aur nhi balki Shreya thi..jisne aaj sheetal ko maarne ka pura plan bana rakha tha..wo gusse mein boli..
Shreya : agar aaj Rohan beech mein nhi aaya hota toh ab Tak wo sheetal mere raste se hat chuki hoti..koi baat nhi Rohan...abhi toh bacha lo ise...par zyada din Mai ise Zinda nhi rehne dungi kyuki iske rehte Mai tumhe apna nhi bana paungi aur phir wo pagalon ki tarah hansne lagi...aakhir ab kya karna chahti hai Shreya?
Agla din...
Sabne subah ka breakfast wahin Kiya aur phir bus se apne apne hotel wapis aa gye...is baar mitali ke sath sheetal baithi thi...hotel aake sab log freshen up huye kyuki aaj Mr. Bharadwaj ke sath unki final meeting thi...Sab log ready hoke nikal gye...Aaj mitali bhi unke sath gyi thi.....Sab log hotel mein pahuche aur private room mein jaake baith gye aur mitali us hotel mein Bane cafe mein baithi apna kuch kaam karne lagi...Mr.bharadwaj room mein aaye aur meeting shuru hui..kareeb 2 ghante ki meeting ke baad sab log meeting room se bahar nikle..Rohan Siddharth aur Mr. Bharadwaj sath sath chal rahe the aur unke peeche baaki sab...tabhi mitali unki taraf aa Rahi thi..wo aake sheetal se kuch baat karne lagi...Mr. bharadwaj Rohan aur Siddharth se kuch baat kar rahe the...Jab unki nazar mitali par gyi toh wo do pal ruk kar hairaani se bole...
Mr. Bhardwaj : Aree..mitali beta tum!
Mitali ne jab apna naam suna toh unki taraf dekha aur phir uske chehre par ek muskurahat aa gyi..wo Khushi se boli...
Mitali : Are Ashish uncle...aap!
Phir mitali jaakar unke gale lag gyi...aur Mr. Bharadwaj ne bhi uske sar par hath phera...Baaki sab toh ye dekhke shock mein the...
Mr. Bharadwaj : Kaisi ho beta..?
Mitali : Mai achi hun uncle..aap kese hain?
Mr. Bharadwaj : Mai bhi badhiya...
Tabhi sheetal ne hairaani se mitali se kaha...
Sheetal : Di aap inhein jaanti hain..
Mitali : Are sheetal..ye Ashish uncle hain..papa ke business partner cum best friend..tu bohot choti thi jab uncle aur unki family UK shift ho gye the isiliye tujhe sahi se yaad nhi hai...
Tabhi Mr.bharadwaj sheetal ko dekhte huye mitali se bole..
Mr. Bharadwaj : Acha toh ye sheetal hai...jab Maine pehli baar ise dekha tha na toh mujhe ismein tumhare papa ki jhalak dikhi thi..tabse Mai soch mein tha par ab sab kuch clear ho gaya...
Phir sab muskura diye...Mr. bharadwaj Rohan aur Siddharth se bole..
Mr. Bharadwaj : Mujhe nhi pata tha Mr. Ahuja ki aapse deal karne ke bahane mujhe meri do betiyon se Milne ka mauka mil jayega...
Unki baat sunkar Rohan aur Siddharth muskura diye...tabhi mitali boli...
Mitali : Wese uncle... Happy anniversary...aapko aur aunty dono ko...
Mr. Bharadwaj : thank you very much beta... Anniversary se yaad aaya...Phir wo Rohan ki taraf dekhke bole...
Mr. Bharadwaj : Mr. Ahuja Mai chahta hun ki aap sab aaj India Jane se pehle meri anniversary ki party mein aayein..it's a request...
Siddharth : hum zarur aayenge sir...
Phir sab log hotel aagye..aur shaam ki party ke liye ready hone lage...Sheetal ne ek black gown pehna tha..balon ka ek messy bun banaya tha jismein se kuch Baal uske gaalon par jhul rahe the..aankhon mein kajal aur hothon pe red lipstick...wo bilkul Qayamat lag Rahi thi...Mitali ne ek sea green color ka gown pehna tha..usne baalon ko khula chod Diya tha..aankhon mein kajal aur hothon pe pink lipstick...wo bhi bohot pyari lag Rahi thi..radhika ne bhi blue color ki knee length dress pehni thi..wo bhi bohot pyari lag Rahi thi..Shreya ne black color ki bodycon dress pehni thi jiski length knee se upar hi thi aur vanshika ne orange color ka slit bodycon gown pehna tha... Siddharth aur Rohan bhi apne blue aur black three piece suit mein kisi bhi bollywood ke hero ko takkar de rahe the..toh wahin Ajay Kunal aur Tushar bhi apne suits mein bohot dashing look de rahe the..achi baat ye thi ki mitali ke hath ki chot ab thik ho gyi thi toh usne Patti hata di thi..use zyada dard nhi tha..Sab ready hoke neeche aa gye..Mitali aur radhika sath mein neeche aa rahe the..mitali ko dekhte hi Siddharth toh jaise palkein jhapakna hi bhul Gaya tha...Mitali aur radhika wahan aakar khade ho gye...sabne unhein compliments di..Shreya aur Vanshika bhi neeche aaye toh Ajay aur Kunal ne unhein bhi compliment di toh shreya ne attitude se unhein ignore kar diya aur Rohan ke paas jaake boli...
Shreya : How am I looking Rohan...
Rohan ne kuch nhi bola..uski Nazar Shreya ke peeche se aati sheetal par pad gyi..jo apna black gown badi mushkil se sambhalte huye unki taraf aa Rahi thi..uski aankhein uspar jam gyi thi..Shreya ne jab khudko ignore hote dekha toh peeche mudkar dekha toh uska muh ban gaya aur wo vanshika ke paas jaake khadi ho gyi..sheetal chidhte huye mitali se boli...
Sheetal : Di..mujhe aapki wajah se ye kya pehenna pad raha hai..lag Raha hai jaise Mai gir hi jaungi..lag Raha hai koi chadar lapeti ho wo bhi itni badi...
Uski baat sunkar sab hansne lage...Sab gaadiyon mein aake baithe..Sheetal dheere dheere aa Rahi thi..usse wo gown sambhal hi nhi Raha tha...Car mein Siddharth Rohan aur mitali uska wait kar rahe the..tabhi Rohan uske paas gaya aur bola..
Rohan : jaldi chaliye...
Sheetal : aapko lagta hai is gown mein mujhse chala ja Raha hai..mujhse nhi sambhal Raha ye..Aisa lag Raha hai abhi gir jaungi...
Aur tabhi usne ek kadam rakha hi tha ki uska pair apne gown pe chala gaya aur wo girne wali thi ki Rohan ne use pakad liya aur uski aankhon mein dekhte huye bola...
Rohan : Mai girne nhi dunga aapko...
Phir dono aake Gaadi mein baith gye..aur sab log kareeb 30 min mein Mr. Ashish bharadwaj ke Ghar pahuch gye..ghar bohot bada tha aur bohot hi khoobsurati se saja tha..sab apni apni tarah se Party enjoy karne lage...Sheetal aur mitali jaake Mr. Bharadwaj aur Mrs. Bharadwaj se milin...dono log unhein dekhkar bohot khush huye..wo dono Mrs. Bharadwaj se baatein karne lagi aur Mr. Bharadwaj Rohan aur Siddharth se kuch business ki baatein karni lage...Party mein aaye har ek youngster ki Nazar sheetal par chali hi jaati.. aakhir jaye bhi kyu na Aaj wo lag hi itni pyari rahi thi....sheetal ek jagah baithi juice pi Rahi thi kyuki use apne us bade se gown mein khada nhi Raha ja Raha tha..tabhi ek ladka uske paas aaya aur wahan baithte huye bola...
Ladka : Hello miss...I'm Anurag kanojiya naam toh suna hi hoga...
Sheetal : nhi suna..koi dikkat hai?
Anurag : Attitude...I like your attitude...
Sheetal : But I love my attitude...
Anurag : May I have a dance with you..?
Sheetal : Sorry..not interested...
Anurag kuch aur bolta ki wahan Rohan aa gaya aur bola...
Rohan : Hello Mr. Kanojiya...
Anurag : Hello Mr. Ahuja..aap yahan..
Rohan : mujhe chodiye..but shayad aapki fiancee aapko dhundh rahin hain..
Ye sunte hi anurag wahan se chala gaya...
Rohan wahin baith gaya toh sheetal boli..
Sheetal : Acha hua aapne use bhaga diya...langoor kahin ka tabse Mera dimaag kha Raha tha...huh..!
Uski baat sunkar Rohan hansne laga...
Phir wo kuch aur businessmen se Milne laga...Mitali toh abhi tak Mrs. Bharadwaj se baaton mein lagi thi..Aur sheetal bore ho Rahi thi..tabhi vanshika aayi aur Jaan bujh kar uski dress par cake gira Diya aur boli..
Vanshika : Oh no..I'm sorry sorry...
Aur wahan se chali gyi..sheetal ko us par bohot gussa aaya kyuki ab use seedhiyan chadhke upar Jana tha..wo uthi aur dheere dheere upar washroom mein chali gyi..Rohan ne use jaate dekh liya tha..
Sheetal washroom mein gyi aur us cake ko saaf Kiya...Ye actually guest room ka bathroom tha toh yahan bathtub bhi tha..tabhi wo jaisi hi peech mudi kisi ne uske muh pe rumaal rakh use behosh kar diya..phir us shakhs ne use bathtub mein daal Diya aur thande Pani wala tap on karke use bathroom mein hi band kar diya...sheetal behosh si us bathtub mein padi Hui thi aur usmein thanda Pani bhar Raha tha... Idhar sheetal ko upar gye aadha ghanta ho gaya..jab wo nhi aayi toh Rohan bechain ho gaya aur use har jagah dekhne laga..usne sabse uske baare mein pucha par kisi ko kuch nhi pata tha...sab use har jagah dekhne lage....Mr. bharadwaj ne party khatam kar di aur sb log chale gye..idhar Mr. Bharadwaj aur baaki sab log CCTV room mein the..tabhi Rohan ne kaha..
Rohan : Wo dekhiye us corridor mein miss maheshwari ja Rahi thi...
Mr. Bharadwaj : par wo corridor aage jaake 3 hisson mein divide hota hai Jahan koi CCTV camera nhi hai...
Mitali toh bohot ro rahi thi aur Mrs. Bharadwaj use sambhalne ki koshish kar rahin thi..Rohan toh pagalon sa use har kamre mein dhundh raha tha..par Mr. Bharadwaj ka Ghar bohot bada tha..Kam se Kam usmein 50 kamre the...Rohan bohot bechain ho gaya tha..idhar sheetal ko us bathtub mein pade pade 2 ghante se zyada ho gaya tha..thande Pani ki wajah se uska pura shareer neela pad Gaya tha...Rohan bss bechaini se use dhundh raha tha..aur baaki sab bhi...Rohan gusse aur dard mein chilla Raha tha...
Rohan : Miss maheshwari...Kahan hain aap?
Par use koi jawab nhi mil raha tha..tabhi sab log sath mein dhundhte dhundhte usi corridor mein aaye...wahan ek kamra tha..Rohan ne gusse mein kaha..
Rohan : Is kamre ko kisi ne check Kiya?
Sab ek dusre ka muh dekhne lage..aur Rohan jaldi se us kamre ke andar chala gaya...usne dekha kamre mein koi nhi tha..tabhi use bathroom se pani girne ki aawaz aayi..wo us taraf bhaga..aur jaise ne usne bathroom ka darwaza khola toh hairaani se uski aankhein badi ho gyi...
Sheetal besudh si us bathtub mein padi thi aur lagataar thande Pani mein rehne ki wajah se uska pura shareer safed pad Gaya tha..Rohan jaldi se uske paas aaya aur God mein uthake use room mein le aaya aur bed par lita diya..aur uske hath pairon ko malte huye kehne laga...
Rohan : Miss maheshwari...uthiye..
Ek taraf Rohan aur dusri ore mitali use uthane ki koshish kar rahe the...tabhi wahan Dr. Aa gyi jise Mr. Bharadwaj ne call karke bulaya tha...Usne Sheetal ka checkup Kiya aur ek injection aur kuch medicine deke bole..
Dr. : Inhein kaafi tez fever hai..inki body ko garmahat ki zarurat hai...Heater on kar dijiye...
Siddharth doctor ko neeche tak chodne gaya... Siddharth ne aaj pehli baar Rohan ki aankhon mein aansu dekhe the aur itna Dara kisi ke liye...
Ajay Kunal Tushar Shreya vanshika aur radhika in sab ko Siddharth ne hotel bhej diya tha...kamre mein bss Mr. & Mrs. Bharadwaj Rohan sheetal Siddharth aur mitali the...Rohan sheetal ki patti kar Raha tha taaki uska fever utar jaye...mitali uske hathon ko rub kar Rahi thi..Mrs. bharadwaj aur Mr. Bharadwaj ki aankhein nam thi ye sab dekhkar..Rohan abhi is haalat mein nhi tha ki wo culprit ka pata laga sake..abhi bass wo sheetal ko thik dekhna chahta tha...Wo lagataar kahe ja raha tha...
Rohan : Miss maheshwari..uthiye... please uthiye na..
Aur uski Patti kar raha tha..uski aankhon mein bhi aansu the aur Darr uske chehre par saaf dekha ja sakta tha...Mr. bharadwaj sheetal aur mitali ko bilkul apni beti jaisa pyar karte the isiliye wo bhi kaafi pareshan the...raat kaafi ho chuki thi..Mr. aur Mrs. Bharadwaj ko room mein bhejne ke baad Mitali sheetal ko pakadke phaphak phaphak ke ro padi aur boli...
Mitali : ye kya ho gaya hai tujhe..tu apni aankhein kyu nhi khol Rahi... please uth ja na sheetal...
Rohan ne Siddharth ko ishara kiya toh Siddharth use bahar le aaya aur samjhane laga...
Siddharth : Dekhiye..sheetal ko kuch nhi hoga Doctor ne dawa di hai na..wo thik ho jayegi..
Mitali ne use gale laga liya aur rote huye boli...
Mitali : Ye kya ho gaya hai meri sheetal ko..aakhir kisne use wahan band kar diya...Aaj itni chup hoke leti Hui hai..aaj se pehle Aisa kabhi nhi hua tha..mujhse uski ye haalat dekhi nhi ja rahi hai Siddharth...
Siddharth use Bharadwaj mansion mein Bane garden mein le gaya aur ek bench par bitha diya..mitali abhi bhi subak rahi thi.. Siddharth ne use Pani pilaya..aur wo uske ghutno ke paas baith gaya aur bola..
Siddharth : Aap Rona band kar dijiye..Mai aapko is tarah rota nhi dekh sakta... don't worry..sheetal jaldi hi thik ho jayegi...
Tabhi Siddharth ko ek shararat sujhi wo bola..
Siddharth : Aur wese bhi uska khayal ek devil rakh Raha hai..ek Aisa devil jiski aankhon mein pehli baar kisi ladki ke liye care aur fikr dekhi hai...
Uski baat sun mitali muskura di..tabhi Siddharth bola..
Siddharth : Wese mujhe mere sawal ka jawab nhi mila..
Mitali : Kkkonsa sawal? Aur kaisa jawab?
Siddharth : agar aap mere hi muh se sunna chahti Hain toh thik hai...Kya aap meri wife banengi...?
Uski baat sunkar mitali ne apna sar jhuka liya..aur kuch nhi boli...
Siddharth : It's okay...mitali agar aapka jawab Naa hai toh koi baat nhi Mai phirse koshish karunga...
Phir wo wahan se Jane laga..tabhi mitali ke aawaaz se uske kadam ruk gye...
Mitali : Par mera jawab Han hai...
Uski baat sunkar Siddharth use hairaani se dekhte huye bola...
Siddharth : Kya kaha aapne? Ek baar phirse kahiye...
Mitali : Mera jawab han hai...
Aur mitali sar jhukaye blush karne lagi..
