نهار جديد جا، وانا مع كمونداتي و الخدمة اللي ماتسالاتش طوال الايام اللي فاتو، مشيت اليوم نشري السلعة اللي كنخدم بيها، فعلا تقضيت اش غنحتاج و خرجت هازة الثقل، وقفت نشد طاكسي و كنشوف الصرف اللي باقيلي
صرفت اليوم بزاف دالفلوس و لكن فالمقابل داخلين عليا فلوس و عاجبني هاد الوضع اللي انا فيه!
الخدمة كتخلي الواحد يعمر وقتو، و انا عمرت وقتي بعيدة على محمد اللي من نهار سافر ما صونا ما سيفط ميساج ما والو
مالني دابا كاندوي عليه فحالا بفا فيا الحال؟
شي بعض المرات كانفكر و ناصرف فحالا انا مع شخص عادي و سوي نفسيا، نسيت راسي انا بيمن مزوجة و طبايعو اللي مزال ماتفهمولي كي دايرين
يعني مخاصنيش نتسنا منو فحال هاد الحوايج هادو ولا نبقاو نترومانساو فحال المراهقين واخا انا باغا نترومانسا صرااحة حيت عمرني جربت تا ندوي مع الدري عاااد كنديرو داكشي راه ضروري يبقى فيا الحال ياكو؟
حسيت براسي توحشتو و بقات بلاصتو
بقيت فبلاصتي كنتسنى داك الطاكسي يجي، تا داز من جنبي واحد الحمق خلعني، ريحتو خانزة و مكانوش عندو يدو
تراجعت للخلف اول ماداز من جنبي، هز فيا عينيه و هو كايقول
"ختي شريلي شي خبي..."
غير شافني و شفتو بجوجنا تصدمنا!!
اويلي هذا أنس ولد عمتيي!
شهاد الحالة ولا فيها؟
غير فرزت وجهو و هو شافني بسرعة تراجع للخلف، مشا كايجري و بلا مايرجع يشوف موراه
بقيت انا مصدومة فبلاصتي مامتيقاش ان هداك انس!
شنو طراليه و مالهم يديه؟
انا بنت عمتي دوات معايا و قالتلي انه غبر من نهار خرج من الحبس و لكن عمرني توقعت انه غايولي فهاد الحالة
بقيت ساهية بسبب الصدمة ديالي من شنو شفت تا سمعت صوت كلاكصون قفزني!
شفت مول الكلاكصون كان عدنان تبسمتليه و قربت عندو
"شكادير هنا؟"
شاف فداكشي اللي عندي و قال بجدية
"طلعي طلعي و انتي جاية بداك التقل بوحدك، فوقاش ناوية ديري داك البيرمي؟"
تنهدت و قربت خشيت السخرة فالطموبيل و طلعت جنبو
"يااا ودي غا خليها عا الله، انا عندي فوبيا من الصوگان"
دور راسو و قرب قرصني من خدي و باس صباعه
"وليتي تغبري، تا كنتوحشووك"
تبسمتليه و جاوبتو و انا هازة تليفوني
"راك عارف الضغط اللي عندي و لكن واخا هكاك كتلقى الوقت تتمعشق انت و ديك القردة د صاحبتي"
أنت تقرأ
سره الصغير
Romanceحصريا 💄 بقد ما هي قصة بسيطة بقد ما طياتها عامرين أحداث و عامرة تشويق "الأسرار ديما خاصهم يبقاو مخبيين" بين صفحات حياته المضلمة المتوحشة ، خبا سر نابض بالحياة ، كانت هي الفصل اللي ماتجرأش يقراه بصوت عالي، هي النغمة الخفية في ألحان يومه، كان مخبيها ف...
