شفت فيه بنظرة فشلانة
"هو هربني"
محمد: (ببرود) لقا شي طريقة و دوا مع جدك تا رفع عليا دعوى و شدوني فالحبس، حيت درتليه اعاقة دائمة، تقاتلت باش يطلقوني و بالزز باش داروها تا تفاهمت مع القاضي اللي تكلف بالقضية و مللي خرجت صدموني بأنك مابقاليكش اثر، قلبت عليك فكل بلاصة و لكن كان اثرك غابر من المغرب، تا لواحد النهار وصلاتني رسالة فيها واحد العنوان و قالولي فيها انك انتي تما، مللي مشيت لداك العنوان جا شي حد ماعرفتوش شكون و ضربني بالرصاص، دخلت فغيبوبة ثلث سنين، فقت فحالة صحية خايبة و ماكنتش كنتحرك فالاول فحالا صابني الشلل حيت جاتني واحد الرصاصة فبلاصة حساسة، و بعد الترويض و عاودت درت واحد العملية قولي داز عام آخور عاد وليت كنتمشى و نتحرك و من موراها رجعت كانقلب عليك، تا صونا عليا عدنان واحد النهار و قالي راك فكندا!!!!
جيت لكندا و جيت عند ختي اللي انتقلات سكنات جنبكم و ديك الساعة مللي شفتك فحالا حسيت انك انتي و لكن كذبت احساسي و كملت التقلاب عليك بعيد، ماتقتش انك غاديريها و تزوجي و تعيشي مع واحد اخور من ورايا و لكن البارح! تشقلب كولشي"
الصمت بقا بيناتنا و انا كانشوف فالفراغ تا همست بخفوت وانا كنشوف فيه
"ج جمانة م ماشي مرتك؟"
شاف فيا بنظرة جانبية و نطق بجدية
"هي التوأم ديال مهدي، يعني ختي من با"
شفت فيه مستغربة
"و ولكن باك قالي ان مهدي ماشي ولدو و كيفاش هي مكانتش معاكم و عمرني شفتها؟؟"
شاف فيا ببرود
"هو مثيق ديك الهضرة بلعاني باش يقتلو بضمير مرتاح تا جمانة كانت مع راجلها خدامين بجوج و عايشين بعاد على صداع العائلة حيت سبقلها و تآذات منو بسبابو كانت دارت كسيدة و طاحولها توام كانت محتاجة مدة باش تتعافى و ترجع تحمل و من داك الوقت مارجعات للمغرب ولا تواصلات مع شي حد من العائلة"
بقيت كنشوف فيه مستغربة لعائلتو شحال مختلة و داك باه حمق شفت فيدو اللي محطوطة جنب يدي و ببطئ و خوف حركت صباعي تا قصت فيدو
هز عينيه فيا و همس بحرقة
"عائلتي ردوني وحش و اول المساهمين كان با، هو فالاصل كان شعل العافية فالدار باش ماتو مي و خويا و هو اللي خرجني و نقذني و لكن باش كولشي يثيق بيه، رد اللومة ليا بما انني ولد صغير و بقا محكم فحياتي فحالا انا لعبة عندو و هو مثيق نفسو انني انا اللي شعلت العافية لدرجة دخلهالي تا انا لعقلي و تقت انني انا السبب، بقينا عايشين هكاك تا جا وقت و قررت انني نتزوج، كانت واحد البنت ظريفة طلاقيتها فمرحلة المراهقة، بغيت نبعد على عائلتي و نأسس عائلة خاصة بيا و نبرهنلهم انني ماشي وحش و لكن هو اول ماعرف، هددها كرها فحياتها تا جات عندي فواحد النهار و قالتلي انها مباغاش تبقى معايا و عاوداتلي اش دار معاها الواليد ديالي و قالتلي انها مقررة تسافر و غاتخوي المدينة و تهرب منو و مني تانا، ديك الساعة تمسكت بيها و خبرتها باش تبقى وانا غانلقاليه الحل فنفس الوقت هي حسيتها فحالا كارهاني
أنت تقرأ
سره الصغير
Romanceحصريا 💄 بقد ما هي قصة بسيطة بقد ما طياتها عامرين أحداث و عامرة تشويق "الأسرار ديما خاصهم يبقاو مخبيين" بين صفحات حياته المضلمة المتوحشة ، خبا سر نابض بالحياة ، كانت هي الفصل اللي ماتجرأش يقراه بصوت عالي، هي النغمة الخفية في ألحان يومه، كان مخبيها ف...
