الگارديانة: جمعي عينيك لا نعميهومليك
سرية: هههه غير اجي و عميهم!
دارت لوراها اول ماخرج عندهم و شاف فيهم بنظرة جادة، عينيه شافو فالگارديانة زيزنها من نظرة وحدة محذرة منه ماحتاجش تا يدوي
سرية: (تبسمات من منظرها اول ماشافتها مخلوعة منه) صافي يلاه نمشيو
محمد: بلاتي وقفي
شافت فيه و هو يغمزها
محمد: تهلايلي فيه (حدرات راسها مبتاسمة و مزنگة) و انتي (خنزر فالگارديانا و شارلها تقربليه)
قربات عنده مبسمة، تا قرب لوذنها و همسلها بكلمات ماسمعاتهمش سرية و لكن مع قالهم تفعفعات الگارديانة ورجعات صفرا، حدرات راسها و شافت فسرية باحترام
"مدام عفاك يلاه نرجعك لزنزانتك"
مشات معاها سرية و هي مستغربة لشنو يقدر يكون قالها، مشات معاها بصمت تا وصلو لنفس الزنزانة الاولى و هي تصرط سرية ريقها ببطئ، حلاتلها الگارديانا الباب، دخلات و هي معبسة سحابليها غايبدلولها الزنزانة دابا و مغاترجعش لهنا مزال، لمحات الدريسية كانت فحالا كاتساينها
مزادتش داتها فيها و مشات لبلاصتها جبدات حوايجها مع شمبوانها جمعاتهوملها افنان، تحركات جيهت الطواليط تخوي عليها شوية دالما، غير دخلات سدات عليها الباب، بسرعة دوشات و توضات و خرجات تا تكات فوق فراشها، مع تكاتمع حلات الگارديانة الباب و هي دخل واحد البنت مع الباب
بلباس ماليهش علاقة بالانوثة، بانت فيها مشرملة، كان شعرها محسن تحسينة ذكورية و الوشام فيديها و جنابها، شافت فالجميع بنظرات جادة و بقات فبلاصتها بصمت، قرباتلها الدريسية مخنزرة
الدريسية: اشمن ريح جابتك للبنيقة ديالي أكريمة
كريمة: (طلعاتها و هبطاتها بنظرة مطولة و تمتمات و هي مبسمة بمكر) تبعيني للطواليط ادريسية عندي معاك شي هضرة الراس فالراس
مشات سابقاها و شافت الدريسية فالبقية باستغراب و فضول، تبعاتها و بعد دقااائق قلال سمعو صوت الغوات من الحمام
سرية بقات كادور عينيها بفضول و تحركات هي اول وحدة، داك الغوات كان غير طبيعي، و واخا تسمع مجهد بزاف الگارديانات متدخلوش
حلات الباب اللي مكانش مسدود من لداخل و غير حلاتو عينيها خرجو و تراجعات خطوة للخلف و هي كاتشوف ديك كريمة جالسة فوق كرش الدريسية و الدم كان كايسيل للدريسية من تحتها بغزااارة و واحد الموس مرشوگلها تما، بانتلها هازة عليها موس آخر و بكل عن **ف هي دوزاتلها على راس بزو* لتها تا قفزات سرية فبلاصتها و هي اللي حسات بالحريق بلاصة الدريسية اللي كاتغووووت لربي اللي خلقها باغا تدافع على نفسها و لكن فشلانة فالارض و لاحضات ان البنات اللي معاها اصلا مخلوعات و خافو من كريمة من اول مادخلات عليهم، باينة فيها شي وحدة قبيييحة هنا
أنت تقرأ
سره الصغير
Romanceحصريا 💄 بقد ما هي قصة بسيطة بقد ما طياتها عامرين أحداث و عامرة تشويق "الأسرار ديما خاصهم يبقاو مخبيين" بين صفحات حياته المضلمة المتوحشة ، خبا سر نابض بالحياة ، كانت هي الفصل اللي ماتجرأش يقراه بصوت عالي، هي النغمة الخفية في ألحان يومه، كان مخبيها ف...
