• خناجر القُطرس •

الخنجر الخامس 🗡️

مشه بيهَ لندمَ حد ماخلصّ صبعيَ!
چاغير اني الارفع حاجبيَ ع الناسَ؟
تستفحلَ علي من ميزت طبعيَ .

تحذير ‼️ البارت مو كل الأعمار مسموح الهه تقراه رجاء الي عمره اقل من 16 لا يقرة البارت •

صوتوا للبارت وتابعوني + علقوا بين الفقرات حبايبي 🦋

نبلش البارت بقلمي | رؤيا الفاتحي

#خناجر- القُطرس

—————————————————————————

- كاعدة بالحوش واني أدك بالهيل واصب غضبي بي ودموعي تجري بسبب المسؤلية الي صارت بركبتي اندك باب الشارع كمت واني لابسه الشال بشكل مخربط ولازمة الهاون بيدي

فتحته واني امسح بدموعي اتفاجئت واني أشوف الضابط ليث واكف بالباب حجيت بصعوبة وإحراج بسبب أخر موقف صار

دجلة - ااا ليث

ليث - اي ليث الظاهر نسيتيني

دجلة بأحراج - هاااا لا ما نسيتك بشرني اكووو أخبار عن اختي ؟؟؟؟

شفته نزل راسه وهز راسه بأسئ نزلت دموعي بصمت واني افتح اله الباب حته يدخل جوة دخل هوه واني سديت الباب وحاولت أسيطر على دموعي ومشاعري فتحت باب الصالة ودخل هوه كعد واني كعدت مقابيله منتظرته يحجي تحمحم بصوت ومبينه الحيرة على وجهه شلون يفتح الموضوع

ليث - دجلة احنه عثرنه على ملابس أختج

دجلة بصوت يرجف - ااا اييي زز زين وأختي وينهه اني اريدهه هيه لكيتوهه لووو لاااا؟؟؟!

ليث - للأسف لااا الملابس الي عثرنه عليهه كانت مال اختج وعليهه دمهه

وكفت الدنيا بعيوني وحسيت راسي يدور ورافض يسمع الكلام حطيت ايدي على عيوني واني مغمضة بقوه احس النفس ضاق عليه أختي يااا ناس هاي اختي مستحيل تعوفني اتحمل الأمانة وحدي

شهكت واني أبجي ودموعي نطلقت بالبكاء سمعت صوت ليال التعبان وهيه تصيح بوجهي

ليال - شكوووو ليش تبجين احجي

ظليت ساكتة ما جاوبتهه بس قاطعنه ليث بصوته ..

ليث - بنات لحظة اني ما كملت كلامي

باوعت بعيونه وحسيت اكو أمل هيه عايشه وليال تباوع النه مو فاهمه شي ..

ليث - صحيح احنة عثرنه على ملابسهه بس احنة شاكين أختكم بعدهه عايشه مو ميته