• خناجر القُطرس •

الخنجر الثامن 🗡️

{بسم الله الرحمن الرحيم }

"ياربّ وإن أغلقت كل الأبوابِ يبقى بابُك الأوسع،
وإن خابت كل الظنون فالثقة بك تجاوزت
حدَّ اليقينِ والاطمئنان، اللهُمَّ تدبيرًا يعقبه تيسيرًا وبُشرى"

بقلمي : رؤيا الفاتحي

#خناجر القُطرس

————————————————————————
ريم ...

مرت أيام واني بهل جحيم نايمة بفراشي وعيوني على السگف احس روحي مالي حيل لكولشي سمعت صوت الباب الخارجي وهوه ينفتح كمت واني اباوع من الشباك

بلعت ريقي من شفته الثعلب وبيدة علاكة طلعت من الغرفه امشي على كيفي بسبب الاصابه دخل من المطبخ ومبين التعب على وجهه من شافني ابتسم

الثعلب - شلونج ريم

ريم - زينة أديب وينة

الثعلب - قصدج الغراب

ريم - اي الحيوان مالتك وينه مختفي صارله ايام ما يجي

الثعلب - ليش متضايقة من عندي

ريم - اي من تجي واشوفك تلعب نفسي

الثعلب بأنزعاج- ليش يمة قابل اني ابو بريص وتكش وتلعب نفسج من عندي

ريم بلا مبالاة - تصدك هسه يلا نتبهت انت تشبهه

الثعلب بضحكة - وانتي تشبهين القنفذ

ريم - جاوبني يلااا وينة

الثعلب - عنده شغل يكمل شغله ويرجع

ريم - شنو بهاي العلاكة

الثعلب - جبت الج أكل

ريم وهيه لازمة بطنهه الي كانت تطلع أصوات من الجوع - شنووو جبت ؟؟

الثعلب - دجاج

جريت العلاكة من ايده ورحت امشي واعرج واحجي وياه :
- هااا يلا شكرا روح منا

- شبيج شنو هاي الطردة اريد اكل وياج

- ولي منا لا تزقنبني بشوفتك

- رحم الله والديج

رحت للغرفة وكعدت على الميز الي موجود بيهه وصرت أكل بشراهه احس نفسي حيل ضعفانه لين صارلي أيام ما أكل شي كملت أكل ورحت للمراية تلمست وجهي الشاحب