• خناجر القُطرس •

الخنجر التاسع 🗡️

[بسم الله الرحمن الرحيم ]

تذكر جنت من تعتنيلي بلهفتك
مشتاگ حتى تشوفني
وتلگاني روحي مشگگه
ولمسات اديك تروفني....

بقلمي رؤيا الفاتحي

#خناجر القُطرس

——————————————————
ريم

- فتحت عيوني واني اشوفه مزروع بوجهي ويكعد بية :

أديب - ريم كعدييي يلاااا

دفعته من وجهه وفزيت من مكاني واني مخترعة عطت بي بصوت عالي :
- شبيككك انت أثول شكووو مزروع بوجهي

رفع نظراتة على السگف بملل وجاوبني ، اي اني أثول وهسه يلا كومي وياي

- شكوو وين رايحين

- يا ربي شيخلصني من لسانهه هسه

تقدم بأتجاهي وهوه يدردم ولازمني من قميصي ويجر بيه مثل الخروف عقجت حاجبي من شفت مجموعة سيارت بالباب ومليانة شباب وكل شخص لازم سلاحة

صعدنة بسيارة الثعلب الي كان مبين علي التوتر ؛ ظلوا يسولفون بيناتهم واني بعدني ما مستوعبة شكاعد يصير

الثعلب - ولك غراب انكشف مكان المخزن الي بي المخدرات والاسلحة

الغُراب بصدمة - هاي شلووون منو بلغ على المكان

الثعلب بغضب - اكو جاسوس بيناتنة لازم نكشفه

الغراب - زين والسيد هسه وين ؟؟

الثعلب - بالمقر الجديد الي رح نروح اله

حسيت الفرحة بگلبي مالهه مثيل بسبب الي سمعتة صار عندي أمل يلكوني ، أنطلقت السيارات تمشي وحدة وره الثانيه مرت دقايق واني ساكتة أراقب بالطريق واحفظ كل تفاصيله

ما احس اله الثعلب شمرلي بطل مي وكلي :
- ريم شربي مي

- ليش اشرب

- هستوج كاعدة من النوم شربي

فتحت البطل وشربت مي تحت أنظارهم همه إلاثنين شربت المي وره دقايق بديت أحس بدوخة قوية وبعدهه ما حسيت على نفسي من نمت ...

فتحت عيوني واني اسمع صوت صياح عالي كمت واني التفت بالمكان واشوف نفسي بغرفة رحت للباب وفتحته طلعت وشفتهم متزانكين ويتعاركون بوكسيات لمحت أديب كان كاعد ومكتف ايده ويباوع عليهم بتركيز لمحني كاعدة اجاني طاير