• خناجر القُطرس •

الخنجر السادس 🗡️

{بسم الله الرحمن الرحيم }

وفجرك هوى يمُرني و ما إشتميته
اثر طعنتك زنجّر و الخناجر بيض
عَكس گلبك وياي الما صِفت نيته
أنا دمعة غريب بكل سهولة تطيح
جدمي لذكرياتك ليش وَديته ؟
فراغك و الگبر يتشابهن بالعِين
منو المِنهن يعيش بروحي وصيته ؟
بظهر كل مَن يمُرني تسافر الدمعَات
بس إنت عليك العُمر بدّيته
إذا تمشي بخِيالي تعثرك اللحظات
البيهن جدمك ويَ غيري مشيته .

بقلمي : رؤيا الفاتحي

#خناجر_القُطرس

ملاحظة ؛ بنات لا تنسون المتابعة والتصويت والتعليق بين الفقرات .🦋

——————————————————

شفتة أنصدم وكام على حيله ووجهه انكلب وملامحة تحولت للعصبيه حجة بصوت غضبان وعالي ....

قُطرس - بلااااا امر عليج طلعي بيتي يتعذرج انتي وامج

باوعت بوجهه مصدومة وغرغرت الدموع بعيوني حجيت بصوت مخنوك :

- اناااا تعنيت الك من بغداد واجيت دخيله عندك مو حتة انطرد انت شيخ كلهه تحمد بيك وبأصلك والمفروض تعرف بالاصول وما تطرد الدخيل ...

كلت هاذه الكلام وهوه أنصدم وباوعلي بخزرة ؛
انتيييي مو دخيلة انتِ بنت عزيزة الي نزلت راسي وراحت نهبت وي واحد عاررر فلس ما يسوه .

باوعت لبيبي شفتهه وهيه تبجي ومنزله راسهه... كمت من مكاني ما اتحملت الاهانة أكثر

- اسمعني زين اني رايحة بس حكول الك شغله بيوم الي رح اطلع من هاذه الباب اعتبرنه ميتين مثل ما ماتت بنتك عزيزة ؛ اجيت وكلي أمل بيك وكلت هاذه جدي مهما كان واذا عرف اني بنت بنته عزيزة رح يستقبلني ويحطني على كفوف الراحة بس طلعت كل أمالي وهم

مع الأسف والله ....

لزم گلبة وهوه ينطق بأسم امي ويرجف طاحت دمعة من عيونة ويباوع علية مصدوم بالخبر ؛ دخل شخص يركض على أصواتنة العالي وراح للجد القاسي لزمة ويصيح بصوت عالي

- انتييييي منووووو ولج شصخمتي ولوصتي بالحجييي !!!!!!

باوعت على ليال الي جانت خايفه وبيبي الي ما وكفت دموعهه شلت غراضنه والجنط وأمرت ليال تدفع بعربانة بيبي