ملهمة الأيـهـم

البارت 1

رجفَة ايّدي شمَالها وگلِبي شجرالهَ
تگول فاتحَلي سحر مُو چَن رسَالة .

mayar23.o/الانستگرام
#للكاتبه ميار علي🦋

حرب رمي انفجارات صريخ امهات سقوط شهداء انتهاك شرف أسرى لا تعد ولا تحصى من زينه شبابنه
مستقبل ضايع وحده من الضربات الثقيله على أرض العراق التي أدت ألي انهيار وحصار شنيع

من بيوت أحدى العوائل العراقية الي تأثرت بهل حرب وانجبرت تتهجر !!!!
استطاعت هذه العائله من انتاج روايه غامضه تجمع ابناء الماضي مع الحاضر .

رواية ملهمة الأيهم .

سنة//1990

بعد الحرب كلنا طشرنا وكلمن صار بمحافظة حتى يحمي عائلتة من الحرب ومساوؤها انتقلنا للعيش ببغداد

شترينا بيت جبير واخذنا ويانه كل اقاربنا وكعدنا بي لبين مـاا تنتتهي الحرب ونرجع للبصرا ديرتنا الي ولدنا وتربينا بيها

عشنا كل عائلة بغرفة ناكل سوا ونشرب سوا ونجيب الاكل ونتقاسمة بكل حب

وبعد مـاا انتهت الحرب اهلنا كلهم قررو يرجعون لديرتنا بَـــسْ احنا جان النا رأيي ثاني والدي قرر ان نبقى بما انو شترينا بيت وستقرينا كال الوضع اكيد هسه بعده مامستقر خلي نبقى هنا افضل النا

اني مها كبيرة اخواني مواليد ٧٨
عندي اخ اكبر مني بَـــسْ طلع الى رفحاء ومن رفحاء سمعنا انو انتقلو كلهم للخارج ومانعرف وين
يجون البقية وراي اصغر مني
وليد /٧٩
رحاب /٨٠
اسامة/٨٢
عتاب/ ٨٥

والدي مُنفصل قبل امي كان عنده اولاد ثنين توم وراح لجيش ورجع لگاهم ميتين وكلش تاثر وحمل زوجته سبب موتهم ونفصلو وراها تزوج امي وصرنا
احنا الخمسة واخوي الاكبر من ذيج مرته

اول ماوصلنا بغداد وشترينا بيت والدي جان بالخليج يشتغل ويدز النا فلوس حتى نگدر نعيش هنا بوضع الحصار ورغم حصار واكثر من عائله عايشين الا نحمد الله ونشكره والدي عنده اهل بالكويت ويدزون النا كلشي نحتاجة

ووالدي يشتغل بالخليج ويدز النا ف الحمدلله والشكر عشنا رغم وضع الحصار بس جنا مرتاحين وسعيدين

وبيوم والدي جان بالجيش امي جانت حامل وسقطت وماقبلت روح لاي حبوبة (قابلة) تجيبها

مها: يما حبوبة فدوا اروحلج روحي شوفي نفسج رح تموتين جاي تنزفين

صفية : مستحيل اطلع من البيت وابوج ماموجود مستحيل اخطي خطوة وهو مايدري

مها: جا يما تموتين الطفل طاح وانتي نزف مايوكف شلون تبقين هيج

صفية: ميخالف ولا ربي يغضب علية واطلع بدون علمة

مها: بقت امي تنزف گدامنا وحتى الجيران اجو وحاولو يقنعوها ركبت راسها وماتطلع ووالدي بالجيش شلون بيها