ملهمة الأيـهـم

البارت2

#ملهمة الأيهم
للكاتبه ميار العلي🦋
ins:mayar23.o

لا مِن شافك الله ولا تهنِيت
وعسَاك من الصُبح لليل مَهمُوم ..

مها:-يوم عن يوم تزيد المشاكل
والتعب النفسي والاذية

منين ماجيبها ماترهم عمتي تعلمت حتى تطردني واهلي كد ماتعبو من المشاكل انتقلو غير بيت في سبيل يخلصون من لسان عمتي

واني كل مايروح جليل لشغل تطردني اروح لجيرانه ومن يرجع يجي عليه يرجعني

مرت اربع سنين وحملت بالطفل الثاني
وهُمام صار عمره اربع سنين

جليل كل مايلتحق للجيش يتركني يم اهلي واني يوميه اگعد الصبح واخذ ابني واروح لبيت عمتي انظف واطبخ الهم وارجع لهلي

ماتقبل بغير هيج حتى لو زوجي ماموجود واني عند اهلي لازم اروح اخدمهم وارجع

وانا ساكته كله لخاطر جليل لان يحبني واني احبه فمتحمله كلشي لعيونه دخلت بشهري وقربت وقت  ولادتي وجليل بعده بالجيش واني عند اهلي

مانزل جليل هواي يهرب من الجيش  ف دايما عمتي تبلغ عنه ويجون ياخذونه اوقات يسجنو فتره  ويطلع
و اوقات   يروح يلتحق ويكمل بَـــسْ ياخذ فتره طويله يلا يرجع

دخلنا بسنة 2000 وبشهر تموز والدنيا تكتل حر
الساعة ب2 صار عندي طلوگ

-وج يما لحگني بعد ماتحمل
-يحح ولج شبيچ

-راح اموووت ولج يماا اخذيني للحبوبة ام جعفر بسرعاا رح اموت جاي احس طفلي رح يطلع

_ ولك يماااا اسامة بسرعا وياي خل ناخذ اختك رح تجيب
_ خطيه اسامه نخبص ويانا مايعرف شيسوي
-يماااا يلا تعالو شغلت  السيارة بسرعة جيبيها

طلعنا اني وامي واخوي الصغير اسامة بيت القابلة قريب بسرعا وصلنا

نزلت دخلنا ستقبلتني دگول چانت تدري بيه بساع بساع تشتغل

نومتني ع السدية وغطتني وبلشت تجيبني ماطولت نص ساعه وصاحت اللهم صل ع محمد وال محمد شنو هالزبيدية الحلوه

شوفي شوفي الشعر شثخنة وفاحم

باوعت بيدها بنية فلقة قمر شعرها اسوووود فاحم وكلشش كثيف مامبين منها شي بَـــسْ كفشة

ومدبدبه لفتها بگماط ونطتنياها اول ماشفتها صليت ع محمد

_ يماا هاي ليش مبرطمة

-شبيج مهضومة يروح امچ انتي طلعتي بسرعا مستعجله ع الضيم

-باوعتلي بعيونها السود ورموشها الكثيفة وباقيه مبرطمة

_شنو راح تسميها
_تدرين مامختاره اسم وحتى جليل ماقترح اي اسم وابد مابالي اسم معين

-رجعت باوعتلها وماطرا ع بالي غير اسم هبة الله
انتي هبة من الله اجيتي بعد صبر اربع سنين
-