#ملهمة الأيهم
#للكاتبه ميار العلي 🦋
#ins:-mayar23.o
ماطايب بعدني يصلن عظامي
وبعدني من الدمع مايابس لثامي
الحيرة لا اكدر اعوفك لا اضل وياك
لغم دايسلك جدامي
هبه :-فزيت گلبي يوجعني من الي شفته بمنامي
الله يلعن الساعه السوده الي تزوجتك بيها يا رامي
الله ينتقم منك يا انور صرتو عثره بطريقي
تحركت من مكاني رحت غسلت وجهي توضيت
رفعت شعري لبست حرامي وتوجهت ماادري الساعه بيش لو وكت صلاه أو لا بس من فزعتي من الي الكابوس الي شفته
صليت ركعتين وتمددت ع السجاده
احسني ضايعه بغير عالم حالي حال الرحاله شايله روحي وهاجه بهل صحراء واحس التربان نخمدت على گلبي اي شي أريده صعب احصله صعب افرح واذا فرحت بشي حتمآ نهايته تعيسه .
فزيت على صوت جهازي
رفعت راسي مابيه اگوم واتحرك
سحلت نفسي گوه وگمت لگيت رنا تتصل
مارديت
اتصلت أكثر من مرا مرديت اعرف راح دگول شي بخصوص أيهم وياسمين وانا الي بيه مكفيني
رجعت على السجاده واسمع صوت روحي من برا
طلعت لگيت امها شايلتها تفتر بيها
هبه:-ها شبيها
سرى:-تريدچ
-چا ماجبتيها
-شفت الضوه مطفي گلت نايمه
-نايمه وروح تريدني عساني لا نمت
جيبيها ولچ تروح عمتها فدوه وفداوي الها
-هي شبعانه ومبدلتلها انا بس منعسانه تريد تلعب
-تمام روحي انا گاعده
اخذت روح ورجعت لغرفتي
وبقينه انا وياها نلعب فوگ الساعه وعدها استعداد تستمر
گوه بألف ياعلي نومتها لروح
ورحت لصالوني نضفت عدلت استلمت عروسه
واجو وياها گرايبها وأمي اجت يمنه گعدت صارت لمة نسوان على ماكملت شغل العروسه أذني نطرشت عفيه شگد يسولفن
-خاله هبه چا انتي ماتعرسين شمتانيه
-متانيه رجلج خاله
مها:-ولجج ههههه تشاقه تشاقه
-يخاله فدوه الج رجلي انا متت عليج رجلي اذا شافچ يسربتني
-چا خاله اطلگي اذا رجلج كل ما شاف ييسربتچ المن ضاله
توني اريد اكمل صگعتني امي على چتفي
-هبببببه اشتغلي
-دعوفيها يا ام همام خليها لسانها عسل
هبه:-انا كلي عسل خاله مو بس لساني
ضحكن النسوان وامي ضحكت چذب وياهن اذا كضتني تاكلني .
رجعت اضيف لماستي الاخيره ع العروسه
شفت ملامحها ومكياجها وفرحتها سرحت بخيالي
تخيلت أيهم يجي ويخطبني گدام اهلنه كلهم
واخلص من سالفه الوعد وأخذ شخص يحبني وأحبه والبس البدله بفرحه مو مثل اول مرا
واسوي العرس ويجن كل صديقاتي
ويصير عندي بيت صغير وعنوني وعائله حلوه
انگطع حيل أفكاري بصوت نونه
-ووووووين وصلتي
-اسم الله الرحمن يمته اجيتي ولچ
-من سرحتى بعالمچ
-ههههه تعالي ابوسچ شلونچ
-حبي وحياتي انتي
شبعدلچ وتخلصين ؟
-هسه خلصت بس تطلع للزفه العروس واجيكم روحي يم سرى
-تمام
تلفوني ماسكت من رنا بس عييت ارد قفلت عليها كلش ماريد أسمع شي مااشتهي اي شي من ذيچ الصفحه .
أنت تقرأ
ملهمة الأيـهـم
Mystery / Thrillerمن جنوب العراق الى العاصمة بغداد عائله يدمرها السحر فتاة تواجهه الصعوبات وقساوة المجتمع رجل شرقي حنون أيهم بملهمته صوت عذب وارتجال الشعر وفوز الحق🦋🧚
