ملهمة الأيـهـم

البارت24

#ملهمة الأيهم
#للكاتبه ميار العلي 🦋

وانتِ عذبة شلون دجلة
ويمچ تحوم النوارس
والله لو كللها بجمالج
مايضل الليل دامس
الناس حلاها لبسها
وانتِ حليتي الملابس

-مرت فترة الخطوبه ب احلا ايام واحلا أوقات
تقريبا كل يوم احنه سوه لو يجينه لو نطلع
بس منطلع وحدنه لازم العائله كلها وبأنه
الطلعه الوحيده الي طلعناها وحدنه أخذني يقدملي سادس خارجي صح انا مكمله السادس
بس رادني اعيد حتى اطلع طبيه ورحنا قدمنا
بس هم دخلو بيها ام أيهم من سمعت اريد ادرس خابرت ابن عم ابوي الي هو شيخ عشيرتنه وضلو يحچون
مو ضروري تدرس وراها بيت وراها عيال ومتلحگ واهم شي بيتها ومن هل خرط الي ماله معنى
انا من سمعت الحچي گبل رحت لأيهم
وسواها هوسه شكبرها وعناد بيهم الا ارجع ادرس
وانا احاول اقنعه ماريد خلي نعدي فترة الخطوبه على خير هو قفل لأن دخلو وهو ميحب احد يدخل بقراراته وحياته
كملت تسجيل خارجي بس ملحگت ادرس هوسة عرس وايام خطوبه وانا عقلي كله يم أيهم وين الحگ ادرس

چان كلشي حلو بهاي الفترا الا شي واحد
بعدني تحت تأثير زواجي السابق وشنو عانيت بي
بخصوص العلاقه الزوجيه من عنف وشهوه حيوانيه
لمن نبقى وحدنه انا والأيهم من يتقربلي بسرعه انفر هو صح چان متجاوز حدوده وياي لان فترة خطوبه بس چانت اي لمسه منه يصير عندي نفور منه واضل ارجف وبس تجي بالي صورة رامي وشنو سووا وياي بذاك اليوم
تكررت هاي الحاله عندي 3مرات الرابعه الأيهم حاول يكسر هلحاجز بحيث من ادفعه ميوخر عني
ادفع بي اوخر عنه ماكو ضغط عليه انا كلش فقدت
وضليت ارجف بدون لاوعي حچيت بصوت عالي
-انت شنو فرقك عن ذاك
نفسسسس الشي هم مترحم وهم متحس على نفسك انتم كلكم نفس الشي وضليت اضرب بي
وادفع واحچي حچي جارح
هو بس صافن عليه شلون هيچ حچيت
بعدين جرني لحضنه مسح على راسي خلاني اهدأ
ماحچه ولا حرف خلا وطلع من بيتنا
انا من طلع وهو بهيچ حاله
متت حرفيا متتت قهر أشيل روحي وارگعها بل گاع على الي سويته بچي لطم صياح ماخليت بروحي يردون يسكتوني امي وسرى ماكو الا أن سكتت وحدي ماگدرت اصبر رحت راسلته

-ليش رحت ماضليت يمي مو ماعندك شغل
-اسف عمري مچان قصدي اخوفچ
-مو ناوي تبقى يمي ليش عفتني ورحت
-بعدين اجي يروحي
-ليش عفتني وانا محتاجتك
-ماعفتچ يروحي انتي بگلبي
-انا أسفه لأن جرحتك بل كلام بس مو الله مو قصدي
-عادي حبيبتي ليش ضايجه؟
-لان تركتني وانا محتاجتك
-ماعتقد تحتاجين واحد كان سبب خوفچ
-انا حچيتلك سبب خوفي شنو وضحتلك
مو بيدي ماسيطر ماگدر
وحتى لو انت سبب خوفي المفروض متخليني وتورح
-تمام حبيبي انا اسف
-وين انطي وجهي بدونك
-مابقى شي ع العرس وتجين يمي
-يعني بعد منجي منا للعرس
-ماضل شي للعرس حبيبتي
-وتگدر ماتجي
-هبه حبيبي والله اني اسف بس مگدرت اتحمل واضل اختنگت حيل
-أيهم صارت بعد لا تصير حتى لو انت بيدك تذب علي بانزين وتحرگني هم ابقى وياي احترگ وياك ولا احترگ وحدي مهما يصير حضنك اماني