ملهمة الأيـهـم

البارت 8

#ملهمة الأيهم
#للكاتبه ميار العلي
ins:-mayar23.o

تمشِي وتلتفت يا حِلم لمأذيك ؟
‏شضايع مِنك وما جَاي تستُوعب؟

-أول ماوصلنه لمنطقتهم چان هوسة الجهال واصله لشارع والبيييت چبير ماشالله
لأن ابوهم يصير شيخ عشيرتنه لذالك بيت چبير
وعياله كلهم بي.

چناينهم ولدهم واحفادهم وبناتهم كلهم بهذا
البيت بحيث صاير ولايه مو بيت

وانااا ذكرت لهديوا الي ماتتحمل صوتي بلبيت
چان بيتنه صوت الابره ينسمع بي
وهي كلش هادئه وتحب الهدووووء
تعاركني اذا فتحت تلفوني وطلع صوت لو
خابرت صديقاتي ونگعد نسولف ونضحك
تتخبل خلص وقت النوم لازم تطفي الضوه
وتنام متريد صوت

اييييييي يهديوو هسه حشد كامل وياج بلبيت
تلگونه ملگاهم كلش حلو وجوهم بشوشه
والسانهم حلو وطول مااحنه گاعدين همه ضحك
وسوالف وتحشيش كلش جوهم حلو

بس مشكلتهم لحد الان الهوسه وكثر الناس بلبيت
بعد شيخ وعليه كومه خطاطير .

رجعنا من البصرا هموم الدنيا ع گلبي وخوف من مستقبلنا المجهول اخلص نفسي

لو اخلص اختي هدى صارت من  طفلة ليهسه كل متضوج  تنام بحضني

جان املنا الوحيد ھـــوَ الله

يوميه نگعد نصلي الصبح ووندعي وي الاذان لان نعرف ابواب السمة مفتوحة والدعوات مستجابة
كل دعائي جان الها

انو يارب تسوي الي بي صالح الها وعينك عليها

انضترها تخلص صلاة اسالها شنو مشتهيه واگوم اسويلها وناكل وننام

حدوو موعد العرس

عدنا شهر واحد بَـــسْ نجهز بي اختي كل الدنيا طافية بعيني

رحنا نشتري الها مكياج وابوي جان ويانه ف انـا بحسب خبرتي گلتلي رح اخليها وراج انتي اخذيلي كلشي

ف ترخصت من والدي انو انـا احجي وي الولد

واطلب منه كلي تمام ابوي بَـــسْ واكف يباوع

_ اريد  اول شي مرطب بشرة ھـــيَّ بشرتها مختلطة ف اريد نيتروجينا

_ تمام موجود

_  واريد برايم بنفت  واريد كونسيلر nyx

وفاونديشن هم ثنينهم درجة 1

باودر نوت

وشدو مورفي وگولدن روز

وبلشر رباعي وكونتور وفكس بلاس من ماك

ومسكارة ميبلين لاش وهايلايتر من مارلين مونرو
وفرش من جيسب وبيوتي بلندر من گولدن روز
وباليت حُمر من فلورما وكحل اسود وابيض من گولدن روز