ملهمة الأيـهـم

البارت 18

تعالت في بيتنا نغمات الفرح
القلب مشتاق والضيف قد حضر

يشهد الدار أسمى لحضات الدهر
الليل يضحك وتهدينا الحياة قمر

يانعمة فاض القلب منها وشكر
نحملك حبآ قبل لمسك والنضر

ياقرة الأعين ياابهى خبر
يانعمة تستحق الحمد يا روح🦋
4/8

-بعد  عيد ميلادي  بشلنه نجهز انا واهلي لحفيدتنه بنت همام وسرى
ماخلينه همام يجيب شي كلشي احنه جهزنا
امي الملابس وسوالف العنونين وانا الچربايه واثاث غرفتها كله انا جبته
وهدى گالت التراچي الذهب عليه
وأبوي يجيب ويخلي هو وأمي بهل ملابس والمميات وساعه طوگ ساعه جواريب ساعه حذاء
راح نتخبل من الحماس حرفيا وهمام من فرحته
الضحكه مفارگت وجهه ومستحي ميگول شي
عمت عيني عليك يخويه وينك وين الخجل
اتعلم من اختك النچره .

المهم سرى حالها حال همام بس مكشره وتضحك
وگوه تتحرك من بطنها
مرت الايام واحنه بحماسنا  ولهفتنه

وبيوم 4/8
صار احلا شي بحياتنه
زارتنه الفرحه بعد 19سنه حرفيآ
صارت ولادة سرى زوجة اخوي همام
وچانت لحضات بگد ما هي خوف وقلق حماس وتوتر حرفيآ من الخوف صرت الزگ تلزگ بل ادعيه اجيب منا واخلي منا وامي وأبوي حالتهم يرثى ألها شويه لا يجيبون مكانها من الخوف

اخذناها أنا وهمام وأمي وأبوي للمستشفى
أخذوها من عدنه ماخلونه ندخل وياها مع العلم هي مستشفى خاص بس مادري
بقينه ساعه نلوووب برا امي ختمت القرآن وهي تقرأ
ابوي ماگعد انا مگابله الانستا وانشر ادعيه وارجع ادعي ادعي وهمام لازم رأسه وگاعد بل گاع

ورا ساعه اجتي الممرضه وانطتنه البشاره
والدنيااا ماوسعتنه من الفرح
امي تهلهل ابوي يبچي همام خبطن عنده ضحكه وبچيه سوه واناا طرررت طررررت من الفرح

رحنه للغرفه شفنه العنونه يمااااااا اسم الله الرحمن عليها تجنن تجنن
دنفووووشه والخدود حمر وعيونها متگدر تفتحهن لأن مورمات بعدهن بس شافوها گالوو نسخه من هبه لأن سمينه
طبعا اي طفل بل عائله يصير سمين شبهوا بيه .
من بعد مناقشات واراء مختلفه
سميناها (روح)

چان شعور يجنن انو تكونين عمه وخاصه انو احنه محرومين من الأطفال من زمااان
وابن اخوي الوحيد الي اروحله فدوه وسبع فدوات
امووت عليه وهو حيل يحبنه ومتعلق بينه

طلعنا من المستشفى ودينا سرى لبيت اهلها
تبقى يم امها 15يوم لحد ماترتاح
بقينه احنه نروح الها كل كم يوم نشوفها نشوف العنونه روح عمتها ونأخذ احتياجاتها هي وبنتها