ملهمة الأيـهـم

البارت 17

#ملهمة الأيهم
#للكاتبه ميار العلي 🦋
#ins:-mayar23.o

تناقضها اربكني
يدها امسكت في كتفي
رسائلها ألمحت في حتفي
بجانبها ارفقت لي قتلي

نزلت مفجوعه من صوته
-شكو شصاير
-هاچ صلحتلچ جهازج
ـانا خرطت روحي وفهيت اباوعله يضحك مكيف
وانا دمي نشف عبالي اكو شي
-بويه لو مكسره براسي ولا هل دگه
ـهاچ هاچ وگولي ابوي مو زين وياي

-امي هزت أيدها علينه وراحت
هو راح للغرفه مكيف ويضحك عود مسويلي مفاجأه وانا ماگدرت اگوم من الهبطه

من جانب آخر ----------

من الواقع الأليم وصحراء الروح
وحصار الدنيا وقساوة الأهل
ومرير المشاعر ونزوات النفس
وانتقاد الآباء وملامة الأمهات
وصراخ المدراء ونضرات ابنائهم
وحرقة قلوب الرجال وضيقة النفس
وألم العوده الى الوراء
وفخر التقدم إلى الامام رغم انفم الدنيا والعذال
ومشاعر الحب وحنان الحبيبه
والارتقاء الي ابها قلبها وحصولي على مركزي الأول
هناك ونجاحي بالحصول على لقب " --- "؟

الأيهم"

-أيهم ولك يمه أيهم صار الضهر
-يمااا الباب سدي وراچ
-عمت عينك طرده هاي
-يمه گتلج اريد انااااام سدو الباب ولحد يوصل يمي
-والشغل
-شغلي مو شغلكم اطلعووو

أبو أيهم:-اطلعي يا مرا خلي السبع نايم هو يعرف شغله
-اممممم هسه صرت سبع
-انت سبع من زمان بس انا چنت اريد اقوي گلبك
-هسه نگعد نسولف لو طلعون حتى انام

-ولك يمه شبيك ما تريدلك واحد
-يااااا مرا اطلعي عوف الولد نايم

جرها ابوي وطلعو
-خرررررب والله لطشو بشر يريد ينام يايمه
امممم سبع ههههييييااي هسه صرت سبع
والله يل الفلوس عفيه عليچ شلون تغيرين النفوس

جريت حسره ونمت اصلا احچي وانا نعسان
دگول طلاسم مو مفردات

انام وارجع افز بلكي جايني اشعار من التليگرام
الي اصلآ چنت مالي نفس افتحه
سبحان مغير الاحوال.

-هبة الله

مرت الايام وانا وأيهم على تواصل
علاقتنه كلش صارت قويه
انا اشوفه اعز اصدقائي بحيث بكلشي ارجع أخذ رأيه وهو چان خير الصديق الي وياي بكلشي
من ازعل يراضيني حتى لو مو هو السبب
من اجي مقهور من ابوي يبقى يحجي وياي يخفف
عني الوجع لأن عرف وفهم شگد ابوي جرحني وكسرني