ملهمة الأيـهـم

البارت 19

#ملهمة الأيهم
#للكاتبه ميار العلي 🦋
#ins:-mayar23.o

گلبي يسألني عليگ..
وما عرف گلبي شگله؟؟
سهـله تبعد ياحبيبي
وهـاي اصعب شغله سهـله..

-كتبت اوكي وضليت منتضره سالفه تأخذني سالفه ترجعني اشتغلت عندي لضحة الإدراك
ورجعت بلذاكره لكلشي حچيناا
توهاااااا طخت عندي هيج الله نزل عليه الاحساس
بذاك الوقت حييييل چنت مستبعده هلشي
ضليت افتر بل مطبخ وادگ على رجليه
واكلت نفسي اكل من التفكير
ياربي اذا  يريد يعترف بحب لو ارتباط لاتخلي يعترف كون يطلع غير شي لان انـا احبه واعزه وماريد اخسره اتمناه يبقى صديقي مو اكثر انـا ماريد اخذ اقارب ولا اتزوج هنا اريد بالبصرا وأيهم ماينرفض مو مال ارفضه كل عيب مابي وخاف اكسر گلبة
بقيت ادعي وادعي وحتى ريگي نشف من گد الدعاوي هو صح بس حسيت بس چنت متأكده من احساسي

أتأخر يلا راسلني
دز رساله
-يلا فارغه تصعدين اتصال؟
-اي يلا
وگلبي يردح من التوتر يااااارب مو الي بالي يارب

صعدنا تصال
-ألو
رد بصوت منتهي
بدون سلام وكلام
- ارد احجيلج شي سمعيني للاخير؟
صوته جان كلششش مخنوگك گوا يحجي وكل شوي يذب حسرة قلقلني كلش
-گول اسمعك اكيد

-تتذكرين القصة الي حجيتها
-ياهي منهن
-عن صديقي والبنيه الي وعدها
-اي بس ماچنت مركزه كلش شبي؟

- هاي قصتي انـا جنت مرتبط بوحده وعافتني لان عامل  ورا فترا تعرفت على وحده صديقه وصرنا اصدقاء صار سنه ونص  وچنت شاهد عل. ضروفها وي أهلها وهي طلبت مني اتزوجها وتتحمل كل ضروفي وضعي واهلي بس كون اخلصها من أهلها وانا چنت ماعندي اي علاقه ماچان عندي مشكله انطيتها وعد تصبر فتره واتزوجها
-وعد! تتزوجها؟ أيهم هذا وعد بالله
-اكمل لو لا؟
-كمل كمل
وهسه ظهرت بحياتي بنية عن طريق شغلي 
-اييي
-اخذت گلبي بصوتها وخبالها مو بيدي مو بيدي گلبي حبها جنت قافل ع الحب ومامتصور رح يجي يوم واحب ابد بَـــسْ الصار كله مو ب ارادتي

-يحچي ألايهم وصوته يرجف واني على رجفة صوته
توترت بدون مااسمع شي
-شلون شلون عيد مسامعت زين
-هبه ماسمعتي لو متردين تسمعين ؟ اختاري
-سألته وبگلبي ادعي يارب يگول لا
منو البنيه الي حبيتها؟
- جر حسره طويله وسكت
-انا من جر حسره وتنهد غمضت عيوني ولزمت راسي  عرفت الجواب

دخل همام سديت الخط
على ماطلع همام رجعت دزيتله

هم سألته عسى ولعل انا غلطانه مارد
ورا شويه رجع اتصل
جاوبني  بصوت يرجف وصوت أنفاسه عالي لدرجه عبالي اختنگ

-انتي البنيه الحبيتها

صدمني صدمة عمري ماچنت هيج حاسبه حساب
ولا بالي ولا مفكرررره اصلا 
ماعرفت شحجي بَـــسْ سكتت وسدينا الخط
لان ضليت ارجف من الصدمة
رجعنه نحچي محادثات
-هبه
-ايهم بعدني بصدمتي والله
-اني اسف والله مو بيدي
-ايهم مااجه ولا نص ذره على بالي
-ادري هو الكتلني انو ماحسيتي بيه
-معتبرتك صديق مقرب حيل حيل بس ما توقعت يجي يوم هيچ أنصدم