فوت + تعليق
....................
تغطيت وبعدني الليل بردان
لان مو انته يمي فراشي بارد
"الو ، وينك؟"
خابرت على اواب لان جنت شوية و اموت قهر
"بالبيت ليش؟"
جريت شعري و اخذت نفس
"راح اجي"
ردت اسد الخط بس قاطعني
"تعال بعدين هسه اكو اجتماع بالبيت"
ضحكت بكل سخرية و سديته هو هذا الي اريده
اخذت سيارتي و رحت لبيت اواب ، جنت ضاغط على أسناني من التوتر و العصبية الي انه بيها، اقتربت و شفت مجموعة سيارات ، بدون لا ادك الباب فتحته و صعدت فوك ، دخلت على مكتب أواب و انه بكامل كشختي و مخلي من العطر الي يكره اواب، اول ما فتحت الباب كام ماجد
"هي انته شلون تخترق المكان بهاي الطريقة"
باوعت اله و ما جان ناقصني الا هذا الكواد ، و فوكاها موجود بيت اواب توعدت اله بكلبي
" اطلع ، مكانك انتقل و طلعت من الفرقة، ما الك اي مكان هنا "
ضحكه بهدوء على كلام مهند ، سديت الباب و سندت نفسي عليه
"كلامك مو صحيح"
اغلب الموجودين ضحكوا ما عدا اواب و محمد
"شنو رأيك بهذا الشي استاذ محمد ؟"
وجهت كلامي لمحمد الي جان مدنك راسه و متشنج
"بارق بعده بالفريق ، الكتاب لغيته، صح هواي أمور تخربطت و صار حجي بس بعده موجود، و مثل ما وعدته بترقية الي راح توصل اله خلال ١١ يوم اذا نجح بالمهمة"
ابتسمت بهدوء و صفكت لكلامه، اقتربت من ماجد
" مره الثانية اطفر من يمك الا اكص عيرك"
نصدم ماجد من كلامي، غير اواب الي فتح عيونه، اجه جرني من زندي و دخلني لغرفته، باوعت اله و ضحكت بكل غباء
"هاي حتى مره الثانية ما تغلط"
اول ما خلص جملته اجاني راجدي، ابتسمت بكل هدوء و ثبات ، اقتربت منه و عدلت ملابسه و فتحت اول دكمه من القميص
"مقبولة منك بابا ، و بعدين ليش هيج خانك روحك مو زين لعمرك"
قربني اله، خليت ايدي على صدره و باوعت اله بكل إغراء
"تكسح من وجهي"
بس حس بالضعف دفعني
"اليوم هنا راح ابات "
راد يطلع و وكفه كلامي
"يمك بابا"
همست بهدوء يم اذنه و طلع
ابتسمت بهدوء و راحه لان انلغى كلشي مسحت خدي حسيته صار حار من شكد ما ضربته قوية
.....................
فلاش باك
جنت اهز رجلي و عيوني تصب ، جنت ابجي من القهر ، بس نزل عدنان رحت حضنته و انه ابجي
